سؤال بخصوص ميجان 2010 لفئه الاولي

**airfox** · 31-12-2012 05:15 PM

انا عارف ان الموضوع ده كان فيه كلام كتير بس بصراحه انا دورت و مش لاقي حاجه مؤكده يعني انا دلوقتي انا عايز ميجان 2010 الفئه الاولي ايه اللي مختلف فيها عن الفئه الثانيه . انا معايا الفئه الثانيه 2007 . اول اختلاف لاحظته الجنوط . انا عايز هل 2010 الفئه الاولي فيها مثبت سرعه و فيها مرايات ضم ولا كهربه بس و هل فيها رافع للزجاج الكهربه . و ياريت لو في موضوع مكتوب فيه مواصفات كل فئه بالتفصيل و شكرا

**Ahmed Selim** · 31-12-2012 05:43 PM

مش هتلاقي موضوع مفصل بالموديلات

بس اللى أنا فاكره أن أبتداء من 2008 أو 2009 شالو المرايات الضم و بقت كهرباء بس

و مفيش مثبت فى أول فئة و تقريباً فى التانية كمان.............موجود فى التالتة بس

و الله أعلم.

**د.محمود صلاح** · 31-12-2012 05:47 PM

ميجان 2010 الشكل القديم نادرة جدا للفئة العالية لان ماحدش تقريبا كان بيشتريها نظرا لقدوم الشكل الجديد فليوانس زي سنة 2005 و 2006

**airfox** · 01-01-2013 01:38 AM

هي فعلا طلع فيها مثبت و مرايات ضم بس مفيش جنوط اسبور او اوكر نيكل هو ده تقريبا الفرق اللي لحظته

**تامر.محمد** · 01-01-2013 02:19 AM

المشاركة الأصلية كتبت بواسطة airfox

انا عارف ان الموضوع ده كان فيه كلام كتير بس بصراحه انا دورت و مش لاقي حاجه مؤكده يعني انا دلوقتي انا عايز ميجان 2010 الفئه الاولي ايه اللي مختلف فيها عن الفئه الثانيه . انا معايا الفئه الثانيه 2007 . اول اختلاف لاحظته الجنوط . انا عايز هل 2010 الفئه الاولي فيها مثبت سرعه و فيها مرايات ضم ولا كهربه بس و هل فيها رافع للزجاج الكهربه . و ياريت لو في موضوع مكتوب فيه مواصفات كل فئه بالتفصيل و شكرا

سلام عليكم
انا عربيتي ميجان 2 2010 , يعني طلبك بالظبط , طلبك في الاسئلة مش في الشرا ههههههههههه

تحت أمرك في اسئلتك :)

اقول لك اللي انا عارفه , و لو فيه حاجة تانية اسألني

مثبت سرعه موجود
مرايات ضم موجود
رافع للزجاج الكهربه موجود
مفاتيح زجاج لمسة واحدة موجود

جنوط لأ
تكييف تاتش لأ
مخدع بحامل اكواب خلفي لأ
اوكر نيكل لأ
تطعيمات فضي في التابلوه لأ (عجلة القيادة فقط)
فرش قماش
فيه بكرة بتبقى في جنب كرسي السائق على اليمين , مش موجودة
الchild lock بتاع الابواب اللي ورا بيقفل الشبابيك فقط , الابواب لازم تتقفل مانيوال (غتتة اوي دي :( )

مش عارف فيه ايه تاني

**تامر.محمد** · 01-01-2013 02:45 AM

المشاركة الأصلية كتبت بواسطة airfox

ربنا يخليك يا تامر باشا هي ديه تقريبا المواصفات اللي شوفتها في العربيه يعني ديه تبقي انهي فئه و ممكن سعرها في السوق يبقي كام لو مش متهانه انا مش عارف عامله كام كيلو بس العربيه معملتش حوادث كام خبطه خفيخه كد و كام خربوش

دي اول فئة اتوماتيك , بتعرفها من التكييف البكر و الجنوط الحديد
عربيتي كنت واخدها من سنة بالظبط من التوكيل عاملة 20 ألف كيلو و مافيهاش اي مشاكل و فاضل فيها كام شهر من الضمان , ب96 ألف شاملة جواب المرور و التسجيل (ما دفعتش حاجة في الشهر العقاري )

طبعا لأنها من التوكيل فمفترض بيبقوا مزودين 5تلاف جنيه ولا حاجة على سعر السوق

قيس بقى على كده