الموضوع: Immobilizer Fault

يمكن فيوز مهزوز ولا حاجة وممكن الفحمة اللى فى المفتاح اتحركت من مكانها .. كانت المفاتيح وقعت منى قبل كدة وحصل ان اللمبة الحمراء بتاعة الايمبيوليزر كانت بتنور وتطفى بسرعة ولما ظبطت الفحمة تانى اتظبطت .. لو كدة هتلاقى المفتاح بيشخشخ لما تهزه ... اخر حاجة افصل كابل الارضى وركبه بعد 10 ثوانى زى الراوتر كدة وان شاء الله هتتحل

المشاركة الأصلية كتبت بواسطة ahmedfouad

يمكن فيوز مهزوز ولا حاجة وممكن الفحمة اللى فى المفتاح اتحركت من مكانها .. كانت المفاتيح وقعت منى قبل كدة وحصل ان اللمبة الحمراء بتاعة الايمبيوليزر كانت بتنور وتطفى بسرعة ولما ظبطت الفحمة تانى اتظبطت .. لو كدة هتلاقى المفتاح بيشخشخ لما تهزه ... اخر حاجة افصل كابل الارضى وركبه بعد 10 ثوانى زى الراوتر كدة وان شاء الله هتتحل

ان شاء الله لما اروح اتاكد من المفتاح مع انه ماوقعش منى واشيك على الفيوز كلها وجرب موضوع البطاريه دا
ويارب تطلع حاجه منهم

ان شاء الله تطلع حاجة بسيطة .. اخبار الهزة اللى فى العربية ايه بعد ما شحمت الكبالن
كانت راحت .. الحمد لله ولا رجعت والحمد لله بردوا :)

المشاركة الأصلية كتبت بواسطة ahmedfouad

ان شاء الله تطلع حاجة بسيطة .. اخبار الهزة اللى فى العربية ايه بعد ما شحمت الكبالن
كانت راحت .. الحمد لله ولا رجعت والحمد لله بردوا :)

رحت لواحد اسمه محمد كوبلن - صقر قريش - وغيرلى الكوبلن الداخلى ومن ساعتها الحمد لله ما بقتش قيه هزه

يعنى تغيير الشحم ما عملش حاجة ؟

اصلى اشتريت شحم الاهلية اللى انت قولت عليه بس لسة ما غيرتوش .. قولت اظبط انا كمان

المشاركة الأصلية كتبت بواسطة ahmedfouad

يعنى تغيير الشحم ما عملش حاجة ؟

الشحم خلى الهزه تختفى خالص بص الى خالانى اغير الكوبلن انi ظهر رزعه لما اجى انقل بين الغيارات P-R-D ,
ولما طلع الكوبلن كان فعلا متاكل

الحمد لله - بتوفيق ربنا المشكله اتحلت و طلعت المشكله من الفيشه السوده الى اسمها PPA الى راكبه فى البورده على يمين البطاريه
الى اشتريت منه العربيه كان مبدل الفيشه دى بترامل وسلوك والفيشه البنى الى اسمها PPH2 كانت مكسوره برده وعمل الطرف الى بيدى كهرباء لطلمبه البنزين بترمله وحته سلكه
الى خلانى اعمل كدا ان كل ما اتصل بحد يقولى هات العربيه نكشف عليها كمبيوتر - طبعا هأجر ونش والميزانيه مش متحمله اجره ونش دا غير ثمن الاصلاح - فتوكلت على الله وقلت اشترى الفيش دى واوصلها وكدا كدا الفيشه PPH2 بهتدلنى اكتر من مره بسبب ان طرف طلمبه البنزين كان بيعلق ومنظر السلوك ماكنش عاجبنى فقلت اغير الفيش وحاول معاها ولو الفيش ماجبتش نتيجه افك وحدة UCH وابص عليها بس الحمد لله اشتغلت لما غيرة الفيشه السودا بس برده لسه ما وصلتش للعلاقه ما بين ال Immobilizer Fault - الى بيكون سببه ان فى مشكله فى الكود الى وحده UCH مستقبلاه من الكارت - و PPA لان الفيشه دى بتغذى كشافات الاناره وال FOG و الاشاره فلوحد من وحوش الميجان ممكن يقولنا ايه العلاقه ما بينهم
وان هحاول ابص على دائره الكهرباء يمكن اوصل لعلاقه ما بينهم


ودى صور للفيشه
View image: compatment

ودا المنظر قبل تركيب الفيش
View image: 1

ودا بعد التغيير
View image: 2


والفيشه PPA السوده جبتها بـ 50 ج لانى قولت للراجل وانا بسال عن الفيشه PPH2 انا مش عاوزه بس هاخدها يمكن تنفع ونزلت معاه من 100 الى 50 من عند (واحد اسمه عزوز بجوار عادل زوايا )

لكن الفيشه PPH2 جبتها بالعافيه بـ 140 ج من عند ناصر الكهربائي

واسف لو كنت طولت عليكم وربنا يجعلها اخر الاعطال