المشاركة الأصلية كتبت بواسطة طارق _عبد السلام
عارفين ياجماعه المشكله ايه مش كل حد بيشترى عربيه بيقيسها بمفهوم اغلبكم
يحسب اقصى سرعه وهطلع من الثبات فى كم ثانيه وحاجات من دى
انا وغيرى كتير جدا له متطلبات مختلفه فى الشراء
يعنى انا واحد من الناس يمكن حظى اوفركتير انى اجرب اكثر من عربيه
بسبب ان لى صديق شخصى عنده مكتب ايجار واقل عربيه عنده موديل 2011 ومنوع العربيات ركبتها كلها من الزير بس اعتماده على السيراتو والهونداى والاول كان اللانسر وجاب بى ام وخربت بيته بسبب قطع الغيار والزبون بيهرب منه لما بيلاقى قطعه الغيار غاليه ويقوله احبسنى حد قال لك تجيب بى ام ايجار
ومفهومه قطع الغيار وأعاده البيع لانه بيبيع العربيه بعدها بسنتين بتكون ركبت ربع ونص وكمان
ولحظى الاوفر الاخر بجوارى سكنى تاجر سيارات مشهور جدا عندنا فى المحله وبيجيب عربيات عاليه جدا
عرض على بى ام
وفى نفس فئه السعر فى الفانتازيا (عربيه لاغبار عليها) لاتدخل مقارنه من الاصل لكن متطلباتى مختلفه عن البى ام
البى ام قمه فى الرفاهيه وفى الاداء لكن عربيه واطيه جدا وبلدنا زى الزفت
وجربت الهوندا عربيه من الاخر بصراحه فى كل شىء المشكله قله الانتشار هى منتشره فى اماكن اخرى بكميات رهيبه لكن عندنا نفس المشكله عربيه واطيه جدا وحتحك فى المطبات
لكن عند اى عربيه كورى كنت اقول له انسى وهو مؤيدنى جدا يقول لى عمر مافى ركيب اوروبى يقتنع بسهوله بالكورى
وفعلا اركب السيراتوا او الهنداى احس ان العربيه مش ماسكه نفسها
هى هبله فى الجرى لكن حتى فى الفرامل مختلفه جدا يعنى هى بتجرى حلو اوى وما بتعرفش تقف زى الاوروبى
ومهما اروح لعربيه دماغى ترجع للفانتازيا
هى العربيه عجبانى فى كل حاجه كل اللى انا عايزه فى العربيه دى
ومن ناحيه الشد والطرقعه والشغل ده كان زمان والله بس من بعد ما صديق لى راح قدامى والتانى اتدغدغ قلت مفيش احسن من العقل
والله العظيم ويمين احاسب عليه قدام ربنا كان معايا بولو 1000 سى سىمن فتره وكانوا اصدقائى بتجننوا من العربيه دى ولا تويوتا 20071300 ولا لانسر2007 ولا لانوس 2006 كانوا بيصدوا مع العربيه دى فى السفر حاجه كده غريبه بس الشد والجرى
عمره ماكان من اولوياتى فى شراء اى عربيه
انا من وجهه نظرى
مقتنع جدا بالفانتازيا من كل حاجه
يعنى متطلباتى كلها فى عربيه انا اشتريتها لكن موضوع 3 ثوانى وخمس ثوانى وموتور عقيم وبطه ووزه دى كله ينسى
كل ده كلام فى الاقتصاد :)
وانا ومع كتير بيفكروا بنفس الاسلوب مش كل همنا نجيب عربيه ونسقط لها موتور او نجيبها 3000 سى سى ونمشى نتمنظر على خلق الله
واتباهى انى طرقعت لواحد على الطريق انا اساسا ما اعرفوش
لكى ارضى غرورى
عارفين الموضوع ده بيفكرنى بحاجه
عمرى ما الاقى واحد ماشى بعربيه فيات 26 الا والاقيه بيجرى ويحاول يثبت للناس عكس ماهما شايفين
لكن لو لاقيت واحد راكب مرسيدس او بى ام او هامر
تلاقيه ماشى راسى على الطريق لانه مش محتاج يثبت للناس حاجه هما شايفينها وعارفينها فهمتونى ولا نقول كمان