الموضوع: السيراتو الشكل الجديد وصلت مصر خليجي

المشاركة الأصلية كتبت بواسطة esam_ayad

لو أمكن يا باشا ممكن تسألنا عن فئاتها ومواصفات كل فئه ولا هي فئه واحده زي اللي نزلت مصر وياريت أسعارها ان امكن ولك جزيل الشكر

يا جماعه السيراتو موجوده عند بعض المعارض بس الى الان منزلهاش سعر و الوكيل لسه معرضهاش للبيع فعليا الى الان.

سالت اليوم في سمير ريان وقالي السعر 135 وفيها كاسيت وكاميرا خلفية تركيب مصر والمرايات والاوكر لونها اسود والسعر شبة نهائي يعني ممكن يزل منها 1000 بالعافية

المشاركة الأصلية كتبت بواسطة hosam_optrawy

انا شايف السعر كويس

لان ماننساش ان دى خليجى ولسه مانزلتش التوكيل فالتجار عايزين يلموا فلوس فى الاول

فاكرين لما الشكل القديم كان بيتباع هاى لاين ب 135 الف عشان كانت لسه نازله جديد وحتى لما نزلت عند الوكيل ب 126 الخليجى مارخصتش عشان كان الحجز فى الوكيل فتره طويله , لكن بعد سنه كانت الهاى لاين خليجى ب 116 الف !!!

يعنى من الاخر الخليجى 100 % هاترخص بس مش دلوقتى طبعا , واعتقد ان الوكيل هايحط اسعار معقوله يعنى لو الهاى لاين وصلت 150 فى ظل الظروف اللى احنا فيها حاليا بيقى حلو

مستحيل السيراتو الشكل الجديد هاى لاين حتبقى ب 150 ألف بس فى التوكيل لان اساسا السيراتو الشكل القديم الهاى لاين فى التوكيل بقت ب 150 ألف من يوم الخميس اللى فات ( بالمناسبة كيا زودت اسعار كل الموديلات الهاى لاين 7000 جم غير ال 3000 جم الى زادوا من اسبوع تقريبا ) عشان انا كنت فى فرع التوكيل يوميها بسأل على ورق الكارينز هاى لاين اللى لسه شاريها ( على فكرة انا كنت حاجز من شهر 9 /2012 واستلمت 1/3/2013 وكنت حاجز على 140 ألف لكن استلمت على 143 ألف عشان الدولار و دلوقتى بقت ب 150 ألف , فأكيد أكيد السيراتو الجديدة و الكارينز الجديدة هاى لاين وكيل حيعدوا ال 150 ألف وبالمناسبة انا قلت لمسؤول المبيعات فى التوكيل ان السيراتو الجديدة نزلت عند سمير ريان حتنزل عندوكو امتى قالى السيراتو كمان شهرين والكارينز كمان 4 شهور وسألته على الكارينز حتبقى بكام قالى فى ظل ارتفاع الدولار ممكن تبقى هاى لاين ب 180 ألفاو 190 ألف ومش حتزيد عن كده عشان يبقى فى فرق بينها وبين السبورتاج والاتنين يتباعوا

المشاركة الأصلية كتبت بواسطة Hosam_Optrawy

تمام بس السعر 150 الف دا للسيراتو الشكل القديم عشان الظروف اللى احنا فيها حاليا بتاعت الدولار والجنيه واكيد لو الوضع اللى احنا فيه استمر لكذا شهر السيراتو الجديده هاتبقى اكتر من 150

لكن انا لما قولت 150 كنت باتكلم فى الظروف الطبيعيه لما كانت الهاى لاين ب 138 الف لو ماكنش الدولار غلى كان السعر هايفضل زى ماهو ويمكن كمان كانوا عملوا عروض على العربيه عشان يخلصوا الاستوك قبل الشكل الجديد

اما بالوضع اللى احنا فيه دلوقتى ماحدش عارف حاجه ولا فاهم حاجه ولا يقدر يتوقع :angry26:

تمام كده

المشاركة الأصلية كتبت بواسطة bybers

مستحيل السيراتو الشكل الجديد هاى لاين حتبقى ب 150 ألف بس فى التوكيل لان اساسا السيراتو الشكل القديم الهاى لاين فى التوكيل بقت ب 150 ألف من يوم الخميس اللى فات ( بالمناسبة كيا زودت اسعار كل الموديلات الهاى لاين 7000 جم غير ال 3000 جم الى زادوا من اسبوع تقريبا ) عشان انا كنت فى فرع التوكيل يوميها بسأل على ورق الكارينز هاى لاين اللى لسه شاريها ( على فكرة انا كنت حاجز من شهر 9 /2012 واستلمت 1/3/2013 وكنت حاجز على 140 ألف لكن استلمت على 143 ألف عشان الدولار و دلوقتى بقت ب 150 ألف , فأكيد أكيد السيراتو الجديدة و الكارينز الجديدة هاى لاين وكيل حيعدوا ال 150 ألف وبالمناسبة انا قلت لمسؤول المبيعات فى التوكيل ان السيراتو الجديدة نزلت عند سمير ريان حتنزل عندوكو امتى قالى السيراتو كمان شهرين والكارينز كمان 4 شهور وسألته على الكارينز حتبقى بكام قالى فى ظل ارتفاع الدولار ممكن تبقى هاى لاين ب 180 ألفاو 190 ألف ومش حتزيد عن كده عشان يبقى فى فرق بينها وبين السبورتاج والاتنين يتباعوا

يارااااااااجل زادت 3000 وقلنا ماشى معقول جدا قصاد سعر الدولار

لكن 7000 تانى طيب ليييييييه !!!!!!!!! هما سايقين فى العبط زى غبور ؟؟؟؟؟؟؟؟

وهما الــ 7000 دول فى كل الفئات ولا الهاى لاين بس؟؟

كل التجار ولاد تيييييت منهم لله

ماله اليباني الانسر ولا التيوتا ولا المازدا