الموضوع: مشكله غريبه فى التكييف

بسم الله الرحمن الرحيم
دلوقنى انا معايا اكسنت 99 1.5
تكييفها فيه مشكله و هو كل ما اشحنه و يبقى تمام اجى اغير اتجاه الهوا من البكره بسمع صوت هوا وتقريبا تسريب فريون و بعد شهر ولا حاجه يفضى الفريون
المهم روحت لساندن كشف قالى خرم فى السربنتينه لحم الخرم و شحن فريون و خدت 260 جنيه
بعدها بشهرين نفس الكلام قولت خلاص اغير الراجل روحت لواحد مشهور فى المعادى اسمه طلعت فى شارع 77 المهم قالى السربنتينه ضعيفه و ريشها مقفله هنغيرها و نغير الشافت سي
ل و نشحن و بعد ما خلص لقى مروحه الرداياتير بتاعت التكييف بتعلق قام مغيرلى موتورها و خد 900 جنيه و بقى تمام الكلام ده اخر الصيف اللى فات و برضه نفس الكلام و بقيت لما اشغل التكييف اسمع صوت هوا اول ما الكباس يشتغل
و ده صوت نقص الفريون
من يومين كنت فى مشوار و الجو كان حر قوى ولابس لبس تقيل و مستنى ناس فى الشمس قولت اشغل التكييف حتى على 1 و المفاجأه ولا حاسس بيه خالص حتى على 4 مفيش تبريد و احنا شتى المفروض 1 يبقى تلاجه
مش عارف ده ايه ولا اروح لمين هل البكره اللى بتغير الاتجاهات بتعمل صوت هوا و ده العادى ولا لأ ؟؟
هل اروح التوكيل ولا مش مستاهله و ممكن يكون جوان او بلف ؟؟؟
ساعدونى بالله عليكم
المشكله ان كل شحنه فريون ب170 جنيه و انا صرفت كتير فمفيش فرصه انى اعمل و اجرب تانى
و هل لو ثبت البكره دى و ماجتش جمبها المشكله هتتحل و مش هيسرب ؟؟ لانى بمجرد ما بحركها بحس على طول ان التكييف قل

حضرتك فى عندك تسريب فى خط الضغط الواطى(التلاجه الداخله+الوصله للكومبروسر) والدليل ان الفريون بيتسرب خلا شهر او اكتر لو فى الضغط العالى كان هيتسرب فى يوم او اتنين بالكتير.......خلى الراجل بتاعى التكيف يضغط الرائره هوا حتى 300 psi...ودور على الخرم بماء وصابون....ملحوظه الخرم هتلاقيه صغير جدا....وغالبا هيكون مكانه مرشح زيت...الله يوفقك...لو فى اى سؤال 01200075636