الموضوع: تحذير هام لجميع الأعضاء من العفشجى حمادة امام

المشاركة الأصلية كتبت بواسطة الشقنقيرى

يا جماعه انا عملت عضويه مخصوص علشان اشهد شهادة حق للراجل اللى اتظلم بالمشاركه الاولى فى الموضوع انا
عربيتى هوندا سيفك موديل 2001 واخويا عربيته هيونداى النترا الجديدة وكل شغل العفشه بنعمله عند الراجل اللى اسمه حمادة امام والراجل عندة ضمير جامد جداً فى شغله والا مكنش اكتسب السمعه الحلوة دى طول السنين اللى فاتت
وبصراحه فى الاول كنت بعدى عليه اسأل عندى ايه فى العربيه وبعدين اروح أى مركز جنب بيتى يكون مشهور ومعروف يقولى نفس الكلام اللى بيقوله حمادة امام فى التشخيص
يبقا حرام نطلع سمعه على الراجل
ولا دة تشهير بالراجل لو شفنا موضوع فيه واحد بيشتكى من مركز و150 واحد بيشكرو فيه يبقا فى حاجه غلط والسؤال الذكى اللى بيطرح نفسه
ليه العضو ما احسنش الظن مثلا وقال يمكن حمادة امام دة مبيفهمش حاجه مثلا علشان كدة غلط معايا فى التشخيص ليه افترض انه بينصب
اتقوا الله انه معرفش حمادة امام دة غير انه بيصلح العربيات بتاعتنا وبجيله من اخر الدنيا علشان أمين
دى شهادة حق امام الله علشان شفت الموضوع بالصدفه وصعب عليه ان حد يظلمه وهوة مش بيدافع عن نفسه وألا اى حد بعد كدة زعلان من حد حيعمله موضوع يبهدله فيه ويوقف اكل عيشه ودة رقمى لو حد عاوز يكلمنى يتأكد من المعلومات بتاعتى
01220019255
حرام نظلم راجل هوة وابوة الله يرحمه فاتحين الورشه وبيعملو بضمير من قبل ما انا اجيب عربيه اصلا

أولاً اهلاً بيك معانا فى المنتدى

ثانياً لو حضرتك بتقول أنه جايز مبيفهمش حاجة مثلاً علشان كده غلط فى التشخيص.....و ده كلامك مش كلامي......يبقى المفروض نحذر منه.......لأن وارد اللى ميفهمش حاجة فى عربية ياريس مفيهمش حاجات فى عربيات تانية كتير.

الطبيعي أن لما حد يحب يروح لواحد يصلح له أن بيختار واحد بيفهم.

أنا معرفش ولا حمادة إمام ولا صاحب الموضوع معرفة شخصية.........بس زي ما فيه ناس بتشكر فيه......فيه واحد حذر منه..........و الهدف فى المنتدى هنا إن الأعضاء تستفيد من تجارب و معلومات بعض.

ثالثاً بقى الحوار اللى دار بينهم فيه أكتر من ملاحظة عليه.....

أنا واحد مشاركتش فى الموضوع قبل كده غير بعد مشاركتك......

قريت المشاركة الأولى بتاعة صاحب الموضوع.......و اللى استشفيته من أول جزء أن الميكانيكي نزل تحت العربية و مش لاقي حاجة بايظة و علشان كده طلع سأله أنت بتحس بأيه....دي رقم 1.

رقم 2 أنه بعد ما ساق و جرب طلب منه تقريباً عفشة جديدة.........و عاوز العضو يجيبها من التوكيل.

رقم 3 خلال المكالمة التليفونية كان واضح جداً أن الميكانيكي كان عاوز يغير حاجات و خلاص و لما لقى أن الحاجات غالية قوي أبتدى يراجع نفسه.......و دى ظاهرة فى موضوع المقصات و موضوع الشدادات.

أنا عن نفسي و هفترض حسن النية أن الميكانيكي مش عاوز يعمل شغل على صاحب الموضوع بس عاوز يرضيه مع أنه هو شخصياً مش شايف مشاكل كتير فى العفشة ( ده اللى وصلي من الموضوع)

عن نفسي ميكانيكي شغال بالطريقة دي عمري ما أفكر أني اروح له.

و على فكرة........لو أنت خايف عليه بجد..........قوله يحاول يركز فى تشخيصه و يقول اللى ليه و اللى عليه و ميحاولش يرضي الزبون لو هو شايف أن مفيش حاجة فعلاً.

أتفق معاك فى نقطة واحدة و هي أن المفروض مكنش يتهمه بالنصب ويفترض حسن النية.