كاسيتات العربيات

**KoDaK_Gti** · 12-09-2008 04:59 PM

المشاركة الأصلية كتبت بواسطة HNaga

مين قال ان السونى ضعيف
السونى السى دى معايا بقاله سنتين وشغال زى الفل

انا بقول ان السونى ضعيف وتعبان جدا كمان
ومعايا جهاز سونى GT350 mp3 لو حد عاوز يشتريه وبالضمان بتاعه مكملش 4 شهور كمان

**HeMa_LanCeR** · 12-09-2008 05:04 PM

المشاركة الأصلية كتبت بواسطة kodak_gti

انا بقول ان السونى ضعيف وتعبان جدا كمان
ومعايا جهاز سونى GT350 mp3 لو حد عاوز يشتريه وبالضمان بتاعه مكملش 4 شهور كمان

علي كام؟؟؟

**KoDaK_Gti** · 12-09-2008 05:32 PM

مش عارف سعره جديد كام لأن اخويا اشتراه وانا خدته منه ركبته علشان البايونير بتاعى فيشته ضاعت ورحت حجزت فيشة فى التوكيل ولسة مستلمتهاش بس هو كان جايبه ب 1200 جنيه
وسألت عليه فى التوفيقية ب 1050 حنيه من اسبوع فأنا هعرضه ب 750 جنيه (نهائى)
مميزاته :
فيه جاك AUX وفيه كنترول صب للتحكم فى الصب
والسى دى راكب فى عربيتى ومعاه الجراب بتاع الوش ومعاه الريموت والضمان لكن العلبة مش عارف فين والجهاز بحاله ممتازة وراكب فى العربية لو حد عاوز يشوفه ويجربه
ودى صورته

**KoDaK_Gti** · 13-09-2008 01:06 AM

بعتذر يا جماعة عن السعر كتبتو غلط والله وهو جديد ب 750 جنيه لسة شايف سعره النهاردة عند نفس الراجل ابو 1050 ده اللى فيه فيديو سى دى بس الراجل لخبطنى
للأسف مش هبيع دلوقتى غير لما اركب البايونير
وبعتذر تانى مره على الخطأ

**tommys** · 14-09-2008 02:30 AM

وأنا بقول إن السوني أفضل من البايونير بمرااااحل من حيث أستحمال أقصى درجات التشغيل ونقاء في الصوت وبيعيش كتير من غير صيانة وده المطلوب.....أما البايونير أمكانياته حلوه بس حساس جدا ولو باظ يترمى ياأما تتجمرك بمبلغ محترم في التوكيل وده رأيي الشخصي

**Chery_fulwin** · 18-09-2008 08:18 PM

هو مفيش حد معاة JVC يا جماعة ؟
انا معايا Jvc KD-g386 من 3 شهور و صوتة حلو قوي و نقي وسبيكرات JVC 300 واط

**M.Mokhtar** · 28-09-2008 12:58 PM

طيب سؤال بسيط
ليه محدش جاب سيرة Panasonic فى الحوارده
الشكره دى منزله اجهزها جباااره وامكانات معديه جدا
بس السعر كمان معدى معاها :)

**tarekkasaby** · 09-10-2008 12:13 PM

المشاركة الأصلية كتبت بواسطة mimysheckles

طيب سؤال بسيط
ليه محدش جاب سيرة Panasonic فى الحوارده
الشكره دى منزله اجهزها جباااره وامكانات معديه جدا
بس السعر كمان معدى معاها :)

الحمد لله
نزلت امبارح اركب CD Player لل جيتز و انا متعود اتعامل مع اوسكار اللى فى الهرم و فوجئت ان كل اللى عنده Panasonic
و مافيش بايونير خالص غير موديلات قليله
المهم ان الراجل اقنعنى ان اشترى باناسونيك على ضمانته وقالى ان الضمان بتاعه سنه و نص وان ده اللى حايبقى الجوكر فى السوق قريبا
المهم قعدت محتار لانى كنت عايز Pioneer 4050
فقولت اسمع صوته و المفاجاه ان صوته قبل ما اركبه طلع ممتاز و احسن من JVC لما قارنتهم ببعض فبصراحه اشتريت اتنين واحد ليا وواحد لصاحبى !!!!!
ولما سئلت فنى الصيانه عنده اكدلى انه من اقل الاجهزه فى السوق اعطال و اقلها فى موضوع احتياجه لتنظيف او تغيير العدسه
فمش عارف انا اتصرفت صح و لا ايه نظام باناسونيك فى مصر وللعلم هوه تقفيل صينى
و اليكم الاسعار والمواصفات *****

ده اللى انا جبته و هوه جرافيك و فيه اشكال مختلفه وسنتريت وتحكم خاص فى الصب وممكن يركبله كاركيت بلوتوث باناسونيك بحوالى 700 جنيه و AUX و مميزات كتير و موديله 7405و سعره 1175 جنيه ومواصفاته كالتالى
http://www.panasoniccaraudio.net/docs/cq_c7405.html

*********
وده الموديل بتاع صاحبى

مش فاكر رقم الموديل قوى بس سعره كان 600 جنيه
ومواصفاته كالتالى
http://www.panasoniccaraudio.net/docs/cq_c3305.html

**Nour_Peugeot** · 14-10-2008 05:12 AM

سبب الجدال الواضح علي السوني

سوني كويس جدا في حاله عدم وجود جي ام و عن تجربة بس برده مش كل موديلات السوني كويسة

و السوني تقفيل تايلندي

في العربية عندنا cd sony مش قاكر الموديل علشان انا مش مهتم اووي بالحوار ده

و 2 سماعة بيضاوي 400 وات و 2 سماعة دائرية 150 وات بجد بسم الله مشاء الله الصوت كويس جدا و البيز كمان كويس

و و الله بقاله 3 سنين مجينه جمبية كل العملته من حوالي شهر نضقت السمعات و العدسة

بس برده البيونير هو الاستاذ في السمعات بس اعتقد ان في موديلات برده متنفعش في بلدنا

و عموما لو حد عيز يوفر شوية و مش هيجيب جي ام يجيب سوني و يريح دماغة

**amruzo** · 22-10-2008 01:32 AM

الكلاريون فعلا كان زمان ايام الكسيت دلوقتى تقريبا غير متواجد المفاضله دلوقتى فى البايونير وده اجمد صوت ومفيش اى مشاكل فيه الا موضوع خروج السى دى وده على ما سمعت من محل كاسيت انه بيبقى عيب من ميل الكاسيت فى العربيه ومعايا انا جربت معاه كل انواع السى دى وكانوا كلهم بيعنلو مشكله فى الخروج وكله بمزاجه على السى دى طبعا شويه تطلع عادى وشويه بالساعه عشان يخرج المهم السون رائع انا مش شايف فى مشاكل نهائى هو عيب وحيد ان صوته مش فى قوة البايونير يعنى مهما تعمل عده صوت البيز محدود قوى بس مش زى البايونير ده مصيبه الكينود قوى جدا ومشفتش معاه اى مشاكل بس ده فى الكاسيت العدى مجربتوش سى دى والتلاته اما اندونيسى او تايلاند او ماليزى وكله كويس وشوف انت عايز ايه صوت جامد وعده تهد لا تتنازل عن البايونيروالسلام ختام

مشاهدة نتائج الإستطلاع: ما هو افضل كاسيت سياره فى مصر ؟

الموضوع: كاسيتات العربيات

LinkBack

أدوات الموضوع

عرض

-

-

-

-

-

-

المواضيع المتشابهه

إيه رأيكوا في كاسيتات سوني اكسبلود؟؟

حد جرب كاسيتات lg يا جماعة

كاسيتات نيسان الاصلى وصورها

هو كاسيتات و سماعات ال j v c كويسه

حد عنده كاسيتات سلف لغبور

الكلمات الدلالية لهذا الموضوع

المفضلات

المفضلات

ضوابط المشاركة