انا بطلت اركب جنب مراتى ، لأنى بحس انى راكب جنب سواق مشروع ! !
و العمر مش بعزقة
عرض للطباعة
انا بطلت اركب جنب مراتى ، لأنى بحس انى راكب جنب سواق مشروع ! !
و العمر مش بعزقة
اكيد بتحول للأسوء لان ده الشارع المصري
بصراحة انا احيانا بتحول وبتحول جامد كمان بحس اني مايكل شوماخر ولاحاجة مع ان العربية بتصوت تحت ايدي واحيانا بمسك نفسي عن التحول
انا وسط ما بين الاتنين شوية عصبية و شوية برود:d عشان لو عصبية علي طول همسك سواق مكروباص ولا حاجة و اربطه في العربية من ورا و امشي بيه:d بجد بجد شوارع مصر دماااااااااااااااار
التحول ليس ظاهرة استثنائية و يوجد فى شوارع امريكا المحروسة ما يسمى بظاهرة "Road Rage" أى غضب الشوارع و هو تعبير عن سلوك السائقين داخل المدن و على الطرق السريعة أو الطرق الحرة " الأخيرة معدناش منها"
فالموضوع مش فى مصر بس بالعكس دا موضوع عالمى لأنه مرتبط بسلوكيات الناس و ليس لها علاقة اطلاقا بسلوك الفرد العادى يعنى داخل مسكنه أو عمله بالعكس قد تجد النقيض تماما ودا يدخل فى مفهوم اللاوعى الجمعى
أنا شخصيا متحول قديم و أعمل جاهدا على التخلص من هذه العادة السيئة عن طريق سلوكيات بسيطة أثناء القيادة
1- الكاسيت ميعلاش
2- الأغانى فى المعظم رومانسى و هادى و كلاسيك
لو مبتسمعش أغانى اذاعة القرءان الكريم بديل أفضل طبعا
3- عند الاحساس ببداية التحول بحاول أنظم نفسى "شهيق و زفير" قبل ما أخرج عن الحالة الجميلة اللى بدأت القيادة عليها
4- بحاول أعد لحد 100 قبل مشتم أى حد أو اتنرفز عليه "فى سرى طبعا"
5- لو عندك تكييف فى العربية متستخسروش فى نفسك سواء صباحا أو مساء
6- تذكر حديث الرسول الكريم-صلى الله عليه وسلم- "وهل يكب الناس فى النار على وجوههم الا حصائد السنتهم" ودى ممكن تكتبها و تعلقها فى مكان ظاهر ليك فى العربية لو حالتك متقدمة يعنى
7-كل متطبق عدد أكثر من النقاط السابقة بيبقى تأثيرها زى الكومبو كدا يعنى لما تطبق اتنين غير ثلاثة غير خمسة
شكرا لكم و اتمنى اننا جميعا نحاول على قد منقدر نتخلص من العادة السيئة دى
طبعا اكيد بتحول اول ما اركب العربية بس لما بكون لوحدى
لما بيكون معايا حد التحول بيبقى بسيط
يعنى من باب الاحترام للى معايا
غير كده بقى حدث ولا حرج على كمية المشاكل والعراك اللى عملتها من سواقين الميكروباص والتاكسى والنقل كمان
انا مشكلتى غريبة شوية
الحمد لله انا مش بتحول إلا لما حد يستفزنى بقلة أدب ... و اصحابى بيستغربوا على هدوئى فى السواقة و النقلات براحة و مش بجرى بعكس بعضهم
بس مشكلتى ان دايمآ لازم حد يتفزنى لمرحلة التحول فى حالة واحدة بس و هى ان والدى او والدتى معايا فى العربية لدرجة انهم فاكرين سواقتى كده على طول
بس بصراحة لما بسوق فى الشتاء نادرآ جدآ لما بتحول إنما فى الصيف ببقى ماشى ماسك أعصابى بكل الطرق
أنا عن نفسي نادراً جداً لما باتحول وباتنرفز
بس كتير لما بابدأ أتحول، بعد 10 ثواني كده صوت العقل بيناديني وبالم نفسي تاني وبافكر في النتائج الوخيمه اللي ممكن تترتب على التحول :)
انا ساعات باحس ان التحول مطلوب عشان تمشى فى الشوارع
انا ساكن فى مصر الجديدة و ايام ما كنت شغال فى المهندسين كنت باخد كوبرى اكتوبر رايح جاى
ايامها كان ليه معايا ال 128 الله يرحم ايامها , و بصراحة العربية قعدت معايا 3 سنين و طول المدة دى كنت عايز ارشها و ما رشتهاش لحد ما بعت
و بالتالى ما كنتش خايف عليها , كنت متحول على طول
الصبح كنت باروح فى 20-30 دقيقة وانا مروح كانت 45 دقيقة بالكتير قوى
الوالد مرة شتمنى فى الشارع و انا باركن , كلمتة من المكتب الساعة 4:50 و كنت قدام البيت 5:12
دلوقتى بقى العقل و الهدوء هما الغالبين , بس مفيش مانع من التحول و قلة الادب و القيادة الانتحارية عشان اخلص
بالمناسبة انا امبارح كان عندى مشوار فى الزمالك , رحت فى حوالى ساعة و رجعت فى ساعتين و نص و من غير تحول :)