الموضوع: موت مفاجئ لاجهزه سامسونج s3

شوف يا باشا البروسيزور دا اللى عملته أبل واللى صنعته سامسونج......... طبعا كان فيه خلاف بينهم
زى ما مصنع فوكسكون بيصنع لأبل

لكن اللى بيصمم أبل http://en.wikipedia.org/wiki/Apple_A5

زى شركة nvidia >>>> بتصمم فقط على ما أسمع

المشاركة الأصلية كتبت بواسطة Ahmed_Adham

حضرتك تعرف ان التشيب a5 بتاعت الاي فون بتتصنع في سامسونج؟

الكلام دة صحيح
بس هوة الموضوع بالظبط زى ما انت تعمل تصميم لحاجة وتروح الورشة تنفذها هناك علشان الادوات والاجهزة مش عندك

هوة دة اللى ابل بتعملة
يعنى البروسيسور المستخدم فى الايفون او الشريحة سواء a5 او a6 الجديدة دى تصميم ابل بالكااااااااااااااااااااا اااااااااااااااااامل وكل اللى بتعملة سامسونج انها بتنفذ التصميم دة من غير ما تحط اى تاتش منها ولا اى شىء ومتقدرش تستخدمة فى اى حاجة من حجاتها
دة لا يقلل لا من سامسونج وبالتاكيد لا من ابل لان فى الحالة دى ابل بتدفع فلوس لسامسونج فى التصنيع لكن التصميم بتاع البروسيسور بالكامل من اختراع ابل زى باقى المكونات اللى هى بتحطها فى اجهزتها باثتثناء الكاميرا ومعتمدة على سونى فى الموضوع دة ويمكن اغلب الناس متعرفش ان الكاميرات اللى مستخدمة فى ابل كلها سونى بالحساس بتاعها

المشاركة الأصلية كتبت بواسطة semsem kane

مانا قولتلك ياباشا ايفون افضل من الاندرويد من حيث الامان

لكن دعم الاندرويد افضل , سهولة الاندرويد افضل , وبردة هترجع للزوق , لان فية ناس كتير مقتنعة ان ios افضل من اندرويد , والعكس فعادى دية حرية اختيار وارتياح

اما بالنسبة للى انت بتقولة فالسعر دة فطيعا الmoto razer افضل بكتير , وهو موبايل كويس جدا بس يعيبة الاتى :

كاميرا 8 ميجا بس بجودة عدسة اقل

الشاشة مع انها Super amoled و 256 ppi الا ان شاشة ال S2, s advance اللى المفروض اقل منها فى ال ppi اقوى منها

الموبايل بطاريتة عشان تتفك لازم الجهاز يتفك

طبعا التليفون حجمة كبير ( طول + عرض + وزن ) دة غير الكاميرا اللى خارجة برة

هو الكامير 8 ميجا بكسل .... بس بتصور 1080 @30 هحتاج إيه انا اكتر من كدا HD
بالنسبة للشاشة فعلا هو أكبر ا عتراض ليا أنا خايف يكون ألوانه مش قد كدا عشان ال 256 دى وهى أكتر حاجة مقلقانى بصراحة

الموبايل بطاريته built in بس انا ميفرقش معايا موضوع الفك بس نلاقيها فين لما تبوظ هههههههه ........

بالنسبة لحجم الموبايل مش هيفرق معايا برضه أنا بحب الموبايل اللى يملى إيدى

متنساش برضه إن سمكه 7.1 مللى ما عدا الحتة بتاع الكامير 10 مللى تقريبا


يعنى المشكلة الوحيدة هى ال 256 ppi دى هتأثر فى إيه

لأن السولا مثلا 265 على شاشة 3.7الإكسبريا S شاشة جامدة جدا 342 PPi أشد من الأيفون 4s , والأ]فون 5 بس غالى
وفى نفس الوقت بلوتوثه قديم

هو يا سمسم باباشا عندك حق الأيفون عليه قيود دايما بتديك الخصوصية والأمان وفى نفس الوقت بتقيدك ..... هى سياسة من أبل عشان تخلى الأيفون وبس ....... أنا شايفها سياسة فاشلة برضه بالنسبة لسعره دا ومعرفش أعمل مكالمة فيديو عن طريق الشبكة 3g فى الأيفون 4 متعرفش تاخد صورة وإنت بتصور فيديو ... غير لو اشتريته مقفول يبقى تدور بقى على فكه وجيل بريك ومعرفش إيه وحوارات كدا يعنى حتى شريحته نانو

بالنسبة للأندرويد دا معمول للكل وخليها على الله بلا أمان بلا كلام فاضى كله هياخد ههههههه

المشاركة الأصلية كتبت بواسطة semsem kane

مانا قولتلك ياباشا ايفون افضل من الاندرويد من حيث الامان

لكن دعم الاندرويد افضل , سهولة الاندرويد افضل , وبردة هترجع للزوق , لان فية ناس كتير مقتنعة ان ios افضل من اندرويد , والعكس فعادى دية حرية اختيار وارتياح

اما بالنسبة للى انت بتقولة فالسعر دة فطيعا الmoto razer افضل بكتير , وهو موبايل كويس جدا بس يعيبة الاتى :

كاميرا 8 ميجا بس بجودة عدسة اقل

الشاشة مع انها super amoled و 256 ppi الا ان شاشة ال s2, s advance اللى المفروض اقل منها فى ال ppi اقوى منها

الموبايل بطاريتة عشان تتفك لازم الجهاز يتفك

طبعا التليفون حجمة كبير ( طول + عرض + وزن ) دة غير الكاميرا اللى خارجة برة

عن تجربة النظامين اقدر اقول وجهة نظرى الشخصية فى الموضوع دة بكل امانة لان لا ليا اسهم فى ابل ولا جدى الحج سامسونج :)
اولا انا مختلف معاك فى انك بتقول دعم الاندرويد احسن
هوة الاول انا محتاج افهم الدعم فى اية ؟؟؟
لو فى سوفتوير يبقى كلامك مش مظبوط
لان التحديثات من ابل ما بتونش وميزتها انها بتنزل كلها فى نفس الوقت مش زى سامسونج وغباء موضوع التحديث بناء على الموقع الجغرافى دة يعنى التحديث ينزل المانيا يجيلك مصر بعد 4 شهور
انا بتكلم على سامسونج مبتكلمش على جوجل لان جوجل تحديثاتها فعلا زى ابل سريعة لكن مع احترامى السوفت الاندرويد الخام ممـــــــــــــــــــل وشكلة مش حلو خالص بالنسبالى انا على الاقل
يعنى الاندرويد من غير اضافات الشركات زى سامسونج واتش تى سى ملوش طعم ( وجهة نظرى )
لو قارنا بين الماركت هنا وهنا
ماركت ابل يتفوق وبجدارة عن ماركت الاندرويد فى كل شىء
بداية من ان تقريبا فى برنامج لاى حاجة ممكن تيجى فى خيالك تكتبها فى السيرش بار بتاع الماركت
نهاية بجودة واناقة وشكل البرنامج على الايفون وقوتة من ناحية الجرافيك ودى يمكن حاجة ابل متفوقة فيها اوى انها بتشترط موضوع شكل البرنامج دة اوى واداءة
مقارنة النظامين بالنسبالى غير مقنعة كون ان فى واحد فيهم مفتوح والتانى مقفول وبالتالى المقارنة نفسها ظالمة للاتنين
هوة كل سوفتوير فيهم بيتفوق على التانى فى حجات وكل واحد فيهم بردة ليه عيوب
وعلى المشترى انة يقرر اى سوفتوير فيهم يقدر يلبى كل احتياجاتة
بالنسبة لموضوع الخامات والتقفيل تحديدا
ابل تتفوق بجدااااارة عن كل شركات التصنيع حاليا فى موضوع الخامات المستخدمة دة جدا
ودة اللى دايما بيديك احساس الفخامة والرقى لما بتشوف الايفون والسبب فى كدة اعتمادهم الكلى على المعدن والزجاج اللى اكيد احسن من البلاستيك والبوليكربونات وكل الماتيريال الموجودة الجديدة لتخفيض المصاريف الانتاجية للموبيل
هوة موضوع التحمل دة انا مش مقتنع بية بردة لان كل الموبيلات ازاز
بس هوة كل ما كان الموبيل وزنة خفيف
كل ما تحملة للصدمات وخصوصا الوقوع اقوى وبيتهيالى سامسونج وابل دلوقتى موبيلاتهم كلها خفيفة الى حد الهوس
من الاخر كدة كل موبيل لية ميزة ولية عيب ومفيش حاجة كاملة
الفكرة كلها المشترى بيرتاح لاية زى اختيار العربية بالظبط
ولو حبيت نتكلم كسوفتوير ونفصص الاتنين انا معنديش مانع
انا مجرب الاتنين فترة طويلة جداا وكلامى والله ملوش علاقة بانحياز ولا نيلة كدة كدة بتدفع اللى وراك واللى قدامك فى اى شركة :)

المشاركة الأصلية كتبت بواسطة MohammedAladel

لأ معرفش بصراحة .... بس أنا أعرف إن سامسونج ليها قوى فى مجال الشاشات معرفش الشرايح بقى إيه نظامها

أنا سمعت كمان إن كاميرا الأيفون سونى اشتغلت فيها !!

تشيب A4 اللي كانت في ايفون 4 وايباد 1 وايبود الجيل 4
تشيب A5 اللي كانت في ايفون 4s وايباد 2 وايبود الجيل 5
تشيب A6 اللي في ايفون 5

كلهم من تصميم أبل وتنفيذ و تصنيع سامسونج زي كده مهندس بيرسم وواحد تاني بيبني لو أي واحد فيهم معملش شغله صح مش هيطلع المنتج النهائي ممتاز ف بالرغم من انهم بينافسو بعض بشراسه في المنتج النهائي الا ان أبل مش واثقه في حد يديها جوده تصنيع غير سامسونج ودي شهاده لسامسونج.

عن نفسي بعتبر المقارنه بينهم ملهاش لازمه لأن الموضوع مش مين بيعمل ايه أقوى او احسن ولكنه انت بتفضل ايه؟ لأن كل موبايل منهم ليه مميزاته وعيوبه وكل واحد حسب استخدامه بيميل لجهاز عن التاني.