الموضوع: موت مفاجئ لاجهزه سامسونج s3

المشاركة الأصلية كتبت بواسطة mido_soliman

عن تجربة النظامين اقدر اقول وجهة نظرى الشخصية فى الموضوع دة بكل امانة لان لا ليا اسهم فى ابل ولا جدى الحج سامسونج :)
اولا انا مختلف معاك فى انك بتقول دعم الاندرويد احسن
هوة الاول انا محتاج افهم الدعم فى اية ؟؟؟
لو فى سوفتوير يبقى كلامك مش مظبوط
لان التحديثات من ابل ما بتونش وميزتها انها بتنزل كلها فى نفس الوقت مش زى سامسونج وغباء موضوع التحديث بناء على الموقع الجغرافى دة يعنى التحديث ينزل المانيا يجيلك مصر بعد 4 شهور
انا بتكلم على سامسونج مبتكلمش على جوجل لان جوجل تحديثاتها فعلا زى ابل سريعة لكن مع احترامى السوفت الاندرويد الخام ممـــــــــــــــــــل وشكلة مش حلو خالص بالنسبالى انا على الاقل
يعنى الاندرويد من غير اضافات الشركات زى سامسونج واتش تى سى ملوش طعم ( وجهة نظرى )
لو قارنا بين الماركت هنا وهنا
ماركت ابل يتفوق وبجدارة عن ماركت الاندرويد فى كل شىء
بداية من ان تقريبا فى برنامج لاى حاجة ممكن تيجى فى خيالك تكتبها فى السيرش بار بتاع الماركت
نهاية بجودة واناقة وشكل البرنامج على الايفون وقوتة من ناحية الجرافيك ودى يمكن حاجة ابل متفوقة فيها اوى انها بتشترط موضوع شكل البرنامج دة اوى واداءة
مقارنة النظامين بالنسبالى غير مقنعة كون ان فى واحد فيهم مفتوح والتانى مقفول وبالتالى المقارنة نفسها ظالمة للاتنين
هوة كل سوفتوير فيهم بيتفوق على التانى فى حجات وكل واحد فيهم بردة ليه عيوب
وعلى المشترى انة يقرر اى سوفتوير فيهم يقدر يلبى كل احتياجاتة
بالنسبة لموضوع الخامات والتقفيل تحديدا
ابل تتفوق بجدااااارة عن كل شركات التصنيع حاليا فى موضوع الخامات المستخدمة دة جدا
ودة اللى دايما بيديك احساس الفخامة والرقى لما بتشوف الايفون والسبب فى كدة اعتمادهم الكلى على المعدن والزجاج اللى اكيد احسن من البلاستيك والبوليكربونات وكل الماتيريال الموجودة الجديدة لتخفيض المصاريف الانتاجية للموبيل
هوة موضوع التحمل دة انا مش مقتنع بية بردة لان كل الموبيلات ازاز
بس هوة كل ما كان الموبيل وزنة خفيف
كل ما تحملة للصدمات وخصوصا الوقوع اقوى وبيتهيالى سامسونج وابل دلوقتى موبيلاتهم كلها خفيفة الى حد الهوس
من الاخر كدة كل موبيل لية ميزة ولية عيب ومفيش حاجة كاملة
الفكرة كلها المشترى بيرتاح لاية زى اختيار العربية بالظبط
ولو حبيت نتكلم كسوفتوير ونفصص الاتنين انا معنديش مانع
انا مجرب الاتنين فترة طويلة جداا وكلامى والله ملوش علاقة بانحياز ولا نيلة كدة كدة بتدفع اللى وراك واللى قدامك فى اى شركة :)

حضرتك جبت من الآخر .... نظام أبل مقفول ومخصص لأجهزتها .. نظام أندرويد نظام مفتوح وهو دا الاختلاف الرئيسى

أنا ملاحظ إن تطبيقات كبرامج وألعاب لنظام الأيفون أقوى فعلا وأكتر بكتير من الأندرويد

أبل بتصنعلك الموبايل وتبرمجه وتعمل فيه كل حاجة ودا شئ كويس وميخليش حد يتحكم فيها


يعنى على سبيل المثال سونى بتوقف خط إنتاج موبايلات ... عشان مجرد نظام تشغيلها قدم ومحتاجين ينزلوا النظام الجديد

زى ساتيو أو ساشيو مثلا satio وكذا موبايل لكذا شركة

إنما أبل النظام واحد لكن بيتطور ويتحدث ودا بيراعى على الأقل حقوق المستهلك

يعنى الموبايل السونى أريكسون لما يقدم معاك تدخل على الموقع الرسمى يقولك اتوقف الدعم ليه

سامسونج تدخل على موقعها بيبقى جاى مع موبايلات كتيرة ليها بطاقات كدا مكتوب فيها إنك ليك نقاط ممكن تنزل بيها تطبيقات

الموقع يقول لك مش بدعم بلدك

يعنى شغل عفاريت من الآخر وأقصى استهتار بالمستهلك

المشاركة الأصلية كتبت بواسطة mido_soliman

القيود دى ناس كتير اوى متعرفش معناها ولا معنى النظام المفتوح بردة من اندرويد يعنى اية ودة بيسبب اية او اية مزايا وعيوب كل حاجة فيهم
اما بالنسبة لسعرة دة عرض وطلب زي اى سلعة لو غالية متشتريهاش ولو هى غالية ومتباعتش اكيد حيخسروا لكن الفكرة انها بتتباع عادى ومبيلاحقوش عليها كمان
دة غير ان الاسعار كلها قريبة من بعض ومتقيسش اسعار ابل فى مصر لان ابل ملهاش وكيل فى مصر فاللى بيبيع بيبيع بمزاجة وtrade line و applience ومن على شاكلتهم دول عارضين للمنتجات مش اكتر زيهم زى اى محل من الاخر توكيل ابل فى الكون كلة اسمة APPLE STORE مش موجود عندك يبقى مفيش تحديد للسعر
المكالمة الفيديو عن طريق ال3 جى موجودة تحت اسم FACE TIME ودى مقتصرة على ايفون لايفون معاك انها انانية جدا لكن مين فينا بيستخدم الفيديو كول اساسا طالما فى فايبر وسكاى ب والتانجو والخ من البرامج اللى ببلاش
موضوع الصور مع الفيديو فى الايفون4 ؟؟ اشمعنى الايفون 4 لو قارنت الايفون فور قارنة ب الاس2 باة دة بقالة سنتين ودة بقالة سنتين ومكانش فى موبيل ساعتها لا اندرويد ولا ابل بيصور وبيعمل فيديو فى نفس الوقت :))))
وعموما التحديث 6 اللى نازل بقالة فترة كبيرة فية الاضافة دى من زمان سواء على الايفون5 اللى معايا واكيد فى اللى قبلة
الشريحة النانو دى بتتباع فى اى فرع شركة اتصالات ولو مش عايز تشتريها بتقصها وانت واقف مش حوار يعنى :) انا مش عايز نتلكك وخلاص كون انك مش حابب الشركة اوك انا موافق لكن نطلع القطط الفطسانة فيها الكلام مش حيبقى لوجيك مش اكتر
انا عن نفسى اشتريت الشريحة من اتصالات وانا واقف ب 30 جنبة واخدتها ومشيت وفى ناس قصتها زى ما اليوتيوب ومدفوع مليم :) عادى يعنى مش حوار الشريحة دة مازيها زى الميكرو فرقت اية ما كدة كدة حتقصها او حتغيرها
الجيلبريك دة ماهو الا انك تنزل البرامج اللى بفلوس ببلاش ودة انا شايفة حرام اصلا
عايز برنامج بفلوس الناس تعبوا فية اشترية مش عايزة متشتريهوش وحتلاقى البرامج اللى بفلوس موجودة واللى ببلاش موجودة
ونفس الكلام بالنسبة للاندرويد الروت هو الجيلبريك او كسر حماية النظام وبالتالى تقدر تسطب علية اى UNKNOWN SOURCES انت عايزها من برامج مكركة الى اخرة
الموضوع مش قضية قد ما هوة ارتياح نفسى بس

ياباشا أنا هموت ع آيفون بس غالى .... أنا بس بقول لحضرتك أبل بتميز نفسها عشان تسيطر ..... تايجر أكبر وسيطر

بالنسبة لسعره ستف جوبز بنفسه قال إن الأيفون سعره مش غالى دا إحنا بنحاول نرخص فى سعره قدر الأمكان بس الخامات غليت
خاصية ال face time مش شغالة فى مصر ياباشا .... ومتهيقلى مش شغال فى كل الدول العربية ماعدا الإمارات

يعنى ملهاش لازمة ولا إنت إيه رأيك ؟؟

وبالنسبة للموبايل لما بيبقى مقفول على شبكة بتبقى حاجة ملل يعنى وكأنى رميت فلوس فى الأرض

الشركات المحترمة اللى دعمها مستمر أبل وبلاك بيرى وبعدهم نوكيا غير كدا مفيش