استاذ كريم مع احترامي الشديد لحضرتك اانا يمكن كنت الاول بسأل الناس بدون ما ابحث بحث مظبوط بس بعد كلامك كان لازم ابحث مظبوط لان واضح ان كل الاراء اللي بتتقال على النت فتي وبس
اولا : زيت الماجنتيك زيت تخليقي بالكامل وده بعد اتصال حالا لمهندس الوكالة الرسمية لزيوت كاسترول في السعودية وحولني على ما يسمى بمهندس مختبر وهو فلبيني الجنسية وأكدلي نفس المعلومة وان الزيت طبقا لتصنيف معهد البترول الامريكي مناسب جدا لسيارتي ، كذلك زيت ايدج تخليقي بالكامل ولكنه مناسب اكثر لسيارات السباق .
ثانيا : حضرتك بتقول ان في الكتالوج كمية الزيت 3.3 لتر ومع الفلتر هتزيد 200 او 300 لكن الكتالوج بيقول عكس كده والدليل اهو في صورة من الكتالوج بتاعي بيقول ان الكمية 3.3 مع الفلتر
http://i799.photobucket.com/albums/y...ps3c3ea706.jpg
ثالثا : حضرتك بتقول ان الزيت الماجنتك ده للعربيات اللي فوق 100 الف كيلو وللأسف كلام حضرتك خطا بردة والدليل ان في نفس الصورة اللي فوق على الشمال بيقولك استخدم API SM
او أعلي وطبقا بقى للصورة التالية واللي هي عبارة عن تصنيف المعهد الامريكي للبترول بيقول ان الـ API SN اعلى وافضل من الـ SM وخصوصا للسيارات اللي تاريخ صنعها من 2011 وانت طالع وده بالفعل هو نفس تصنيف الكاسترول مجانتك اللي انا حاطة http://www.pqiamerica.com/TinmelineAPI.gif ودة لينك المصدر هــنــا تقدر حضرتك تقرا الكلام اللي مكتوب هيشرحلك الفرق بين كل صنف وهيأكدلك ان اختياري صح والحمد لله مع اني في البداية مكنتش قريت الكلام ده واستعنت بخبرة الاستاذ Youssef.Awad مشرف قسم النيسان جزاه الله خيرا
وده لينك تاني بيتكلم عن نفس الموضوع بتوسع اكتر
هــــنـــــا
ودي صورة لضهر علبة الزيت بتأكد صحة التصنيف
http://i799.photobucket.com/albums/y...psc0c88f8a.jpg
رابعا : حضرتك بتقولي ان اللزوجة غلط وللأسف بردة كلام حضرتك خطأ لان من واقع الكتالوج والكلام هنا مش مبني على اراء او تجارب شخصية دة مبني على اختبارات تمت الاف المرات على السيارة وما يناسبها من زيوت ولزوجة وفي الاخر حطولنا الانسب
وهتلاحظ ان اول لزوجة موصي بيها في الصورة هي اللي انا حطيتها 5-30
http://i799.photobucket.com/albums/y...ps84d8b9cd.jpg
نرجع تاني لكلام مهندس المختبر اللي انا كلمتة واللي شرحلى ان الحبيبات المغناطسيية اللي موجودة في الكاسترول مجنتك بتحافظ على اداء المحرك لأطول فترة ممكن وبتقلل الاحتكاك ما بين اجزاءة في الفترة البسيطة اللي بتدور فيها سيارتك الصبح او فترة توقف طويلة وده لان الجزيئات المغناطيسية دي بتفضل لازقة في اجزاء المحرك وبالتالي بردة على المدى الطويل هتوفر في نسبة الوقود المستهلك وده لانها بتصنف تحت تصنيف زيوت موفرة للطاقة
وده نفس الكلام اللي موجود في الصورة الاولى اسفل الصفحة على انها بتقلل مقدار الوقود الضروري للتغلب على احتكاك اجزاء المحرك
أخيرا
دة لينك صفحة كاسترول ماجنتيك على اليوتيوب هتلاقيه فيه فيديوهات كتيره بيتكلم فيها ناس خبراء بجد عن مواصفات الزيت ولزوجتة وبيعالج مشكلات ايه واية السيارات المناسب ليها
انصح كل الناس انها تشوفه
مـــن هـــنـــا
في النهاية بشكر حضرتك وبشكر كل الناس اللي ردت
وبشكر الاستاذ يوسف مشرف قسم النيسان اللي شجعني على اختياري الحالي
والله ولي التوفيق