تجربتى مع تغيير الكاتينه ومطلوب حل سريع

**hanzcanz** · 18-01-2013 01:31 AM

المشاركة الأصلية كتبت بواسطة original

الشك فى الآتى:
- بوجيهات
- كابلات بوجيهات
- تظبيط كربيراتير

فعلا المشكله من البوجيهات والكربراتير
شكرا لك

**hanzcanz** · 18-01-2013 01:34 AM

المشاركة الأصلية كتبت بواسطة aboomar22

هقولك على تجربتى فى تاخير الدوارة كانت العربية معايا لو جيت ادور الصبح تاخر اوى فى الدوارة لكن لو كنت فى اى مشوار خلال اليوم كانت بتدور عادى بعد ماغلبتى طلع العيب فى الكربراتير فيه بوابه صغيرة فى الكربراتير مربوطة باربع مسامير صغيرين فى جنب الكربراتير كده كانت المسامير دى مش مربوطة كويس فكنت لما اركن واجى ادور الصبح بيكون البنزين هرب من البوابة دى وتاخد وقت لحد ماتحضر بنزين غيره (طبعا تسريب خفيف جدا مع وقت طويل يكون فضى الكربراتير ) لكن لو فمشوار او الشغل مابيلحقش يفضى كله فكان بيدور بالشوية الموجودين والطلمبة تسحب غير اللى نزل طيب دى تعرفها ازاى حط شوية بنزين ضغيرين فى الكربراتير من فوق ودور لو دارت على طول يبقى دى المشكلة

حضرتك بتتكلم صح
هى ان شاء الله الخطوه اللى جايه هراجع على البوابة وانضفها احتمال يكون العيب منها وخصوصا بعد ما غيرت البوجيهات بيوم من تركيبها لاقتها مهببه ودا معناه ان البنزين مش بيتحرق كويس على حد فهمى
شكرا على المشاركه

**hanzcanz** · 18-01-2013 01:36 AM

المشاركة الأصلية كتبت بواسطة حمدى الفنى

البوجيهات ام 37 جنيه مضروبة هات الى قلتلك عليهم من عند السرساوى ب55جنيه ولما تيجى تراجع عالكتينة ما ترحش لنفس الميكانيكى ولو الكتينة ماخرة هترفع المتور تانى بس ركب البوجهات الجديدة الاول وشوف

الحمد لله الموضوع بعيد عن الكاتينه
حضرتك بتتكلم صح هى مشكله بوجيهات وكربراتير
بس ليا سؤال
التاكيهات صوتها عالى قوى والمفروض لما العربيه تسخن الصوت يروح بس عندى بيزيد وبيعلى ومش بيروح خالص وسرعه صوت التاكيهات بيزيد مع دوسه البنزين
وقلت للميكانيكى اضبط التاكيهات قالى مقدرش احملك عليها علشان العربيه هتسخن
بس انا مش مقتنع بالكلام دا لأن الصوت عالى قوى وكده الشواكيش بعيده قوى ومحتاجه تقرب
صح ولا غلط ؟؟؟

**original** · 18-01-2013 07:13 AM

طيب طالما غيرت البوجيهات والحمد لله يبأا فاضل:
- هتغير الميكانيكى
- هتظبط الكربيراتير
- هتستعمل زيت محترم يريح الموتور
- هتتأكد من الشكمان عشان ممكن الصوت العالى يكون منه ولو محتاج يتغير يبأا بلاش البلدى وهاته استثمارى يظبطلك العربية..
- هتظبط التاكيهات
- وأخيرا طمننا عليك

**حمدى الفنى** · 18-01-2013 09:24 AM

المشاركة الأصلية كتبت بواسطة hanzcanz

الحمد لله الموضوع بعيد عن الكاتينه
حضرتك بتتكلم صح هى مشكله بوجيهات وكربراتير
بس ليا سؤال
التاكيهات صوتها عالى قوى والمفروض لما العربيه تسخن الصوت يروح بس عندى بيزيد وبيعلى ومش بيروح خالص وسرعه صوت التاكيهات بيزيد مع دوسه البنزين
وقلت للميكانيكى اضبط التاكيهات قالى مقدرش احملك عليها علشان العربيه هتسخن
بس انا مش مقتنع بالكلام دا لأن الصوت عالى قوى وكده الشواكيش بعيده قوى ومحتاجه تقرب
صح ولا غلط ؟؟؟

جبت البجوهات الى قلتلك عليها روح لمتخصص تاكيهات واظبط عندو فى واحد فالبنزينة الى فميدان الجيزة تحت الكوبرى وانت داخل عالهرم

**hanzcanz** · 20-01-2013 11:09 AM

المشاركة الأصلية كتبت بواسطة original

طيب طالما غيرت البوجيهات والحمد لله يبأا فاضل:
- هتغير الميكانيكى
- هتظبط الكربيراتير
- هتستعمل زيت محترم يريح الموتور
- هتتأكد من الشكمان عشان ممكن الصوت العالى يكون منه ولو محتاج يتغير يبأا بلاش البلدى وهاته استثمارى يظبطلك العربية..
- هتظبط التاكيهات
- وأخيرا طمننا عليك

ان شاء الله هغير الميكانيكى واضبط التاكيهات وعموما انا بستعمل زيت شل الاحمر وبنزله على 2000 ولسه مغيره مع تغيير الكاتينه وهظبط الكربراتير واخيرا انت راجل زى العسل وشكرا لك