الموضوع: توضـيح اسباب انقطاعى عن الفترة السابقة فى قسم نيسان نايل موتورز

يا باشا حمد الله على سلامتك وانت عارف كويس اوى انت ايه والى اعرفه عنك انك من الصعب ان اى حد يهبطق بس عموما نورت وممكن يكون فى تقصير الى حد ما من بعضنا بس والله ربنا يعلم الدنيا عاملة اذاى وكل واحد فينا فى دوامة ما يعمل بيها الا ربنا الواحد مبيبقاش عارف يخش البيت اصلا بس اكيد فى تقصير على الاقل نسال على بعضنا بالتليفونات وان شاء الله الماية ترجع لمجاريها زى ما بيقولو تحياتى اخوكم فى الله محود النادى

حمد لله على السلامة

الواحد بقى بيتعامل مع الناس فى قسم نيسان و مرتبط بيهم زى ما يكون وسط اهله او زاميله فى الشغل مش مكان ياخد منه معلومة و يمشى و بقى بيعمل حساب لاعضاء و فاكرهم بالاسم و ساعات بيعاتب نفسه انه ممكن يكون قال حاجة زعلت حد منه

الواحد لاقى هنا اهتمام بكل واحد حتى لو كان عضو جديد و لاول مرة ينزل موضوع و حاسس كمان ان اهداف ناس كتير من وراء مساعدتها هى لوجه الله و حبا للمنتدى

و ده ما يمنعشى وجود اعضاء بتقول كلام زى الرصاص و بتتصرف و بتفكر بطريقة مستفزة و انا لما بلاقى الحكاية وصلت لكده بفضل الابتعاد عن الموضوع ده علشان مايكبرشى و ده مش بيزعلنى بالعكس الحاجة اللى انا فاهمها كويس قوى ان كل مكان فيه الكويس و فيه الوحش و المكان ده بصراحة فيه حاجات كتيييييييييييير كويسة

معلش يا استاذ احمد انت لازم تيجى على نفسك و تستحمل علشان المنتدى و علشان الاعضاء اللى بيحبوك فى الله و اكيد انت ح تكون اكتر واحد زعلان على اى حاجة تحصل للمنتدى

تحياتى

حمد الله بالسلامه, واهم حاجه انك بخير.