دخان ابيض في بدايه الدواره

**kh_elshiemy** · 23-07-2008 03:23 PM

الي خبراء اللانوس ...لما بدور العربيه الصبح او لما ابطلها فتره طويله وارجع ادورها بلاحظ دخان ابيض في بدايه الدواره لمده لحظه ويختفي ..وحتي لو دورت بعد كده او حتي زودت بنزين مافيش اي دخان والعربيه زي الفل ......لما سألت الميكانيكي قال عاوز يتعملها جلد لأحد الصبابات ودي بتتعمل عند المخرطه .......ايه رأي المحترقين في الكلام دا و علي رأسهم محمد ممدوح

**badblood** · 23-07-2008 10:17 PM

ممكن يكون حاجه من الاتنين لو بتغيب والدخان ده بيطلع يبقى رشاشات (وده بيكون ابيض مائل لزرقان)
او دخان بس من تأكير في الدوراة يبقى كوتش صباب وده مش محتاج خراط والكلام الفاضي ده

**badblood** · 23-07-2008 10:18 PM

معلش
لودخان بس من غير تأخير في الدوارة يبقى كاوتش الصباب

**Adham** · 30-07-2008 04:01 AM

جلد الصباب يعمل دخان اول الدوارة

و دخان بين النقلات و انت قارص (خللي حد بسوق عربية وراك ويشوف ويقولك)

ومش بيحتاج خراط

بيحتاج طقم جلد الصباب + جوان وش سلندر + ميكانيكي فاهم

يحتاج خراط دة لو فية حاجة في الصبابات و تحتاج تجليخ او قواعد ودلايل ورودية
ودة مش حايبان الا لما يتحل وش السلندر برة ويتشاف

عندك ميكانيكي كويس ولا لأ؟؟

انت في مدينة نصر!!! ممكن ادلك على حد لو تحب

**mummy_47** · 30-07-2008 01:48 PM

المشاركة الأصلية كتبت بواسطة badblood

معلش
لودخان بس من غير تأخير في الدوارة يبقى كاوتش الصباب

طيب لو تاخير في الدوارة من غير دخان..عشان انا عندي المشكلة ديه ..

**badblood** · 30-07-2008 10:33 PM

المشاركة الأصلية كتبت بواسطة mummy_47

طيب لو تاخير في الدوارة من غير دخان..عشان انا عندي المشكلة ديه ..

ممكن يكون بوجيهات او سلك البوجيهات

**mummy_47** · 31-07-2008 10:19 AM

اشكرك على ردك السريع يا badblood لكن هي بتحصل معايا الصبح فقط...ومفيش تاثير على سحب العربية...فهل اغير البوجيهات او لا...

**khaledsaad** · 31-07-2008 12:42 PM

علي حد علمي ان دا ف النوبيرا بس برجاء الافاده

**ahmed1981** · 31-07-2008 09:05 PM

المشاركة الأصلية كتبت بواسطة kh_elshiemy

الي خبراء اللانوس ...لما بدور العربيه الصبح او لما ابطلها فتره طويله وارجع ادورها بلاحظ دخان ابيض في بدايه الدواره لمده لحظه ويختفي ..وحتي لو دورت بعد كده او حتي زودت بنزين مافيش اي دخان والعربيه زي الفل

واضح من كلام حضرتك إن الموضوع بسيط
وليس له تأثير على أداء السيارة
ورأيي في هذه الحالة أن تتابع مقياس الزيت والمياه
وإذا كان لا يوجد نقص أو النقص قليل في أحدهما
فإنسى هذا الموضوع ولكن مع متابعة مستويات الزيت والمياه

**badblood** · 01-08-2008 02:21 PM

المشاركة الأصلية كتبت بواسطة mummy_47

اشكرك على ردك السريع يا badblood لكن هي بتحصل معايا الصبح فقط...ومفيش تاثير على سحب العربية...فهل اغير البوجيهات او لا...

اضمن غبر البوجيهات والاسلاك كمان هي لازم تعمل كده الصبح بس عشان بتعد فترة طويله مش دايرة

الموضوع: دخان ابيض في بدايه الدواره

LinkBack

أدوات الموضوع

عرض

-

-

-

-

-

المواضيع المتشابهه

دخان ابيض

دخان في بدايه الدواره

دخان ابيض متقطع

دخان ابيض من الشكمان

دخان أبيض كثير في الدواره صباحا

الكلمات الدلالية لهذا الموضوع

المفضلات

المفضلات

ضوابط المشاركة