الموضوع: تقرير عن مسيرة 80000 كم بالفانتازيا

السيارة :- سكودا أوكتافيا a5 facelift في رواية أخري فانتازيا :)
الموديل :- 5/2010
عدد الكيلومترات :- 79514
الفئة :- أول فئة وكيل.

- طبعاً مواصفات العربية كلها معروفة لدي الجميع.فهدخل في المهم علي طول وهقسم الكلام لبنود :

1- الموتور :- العربية لحد 35000 كم كان زمن التسارع من 0-100 حوالي 13.8 ثانية.حالياً التسارع من 0-100 في 12.5 ثانية
skoda octavia II 0-100 - YouTube

تم قياس كبس الموتور وطلع 94 %...لا يوجد تسريبات من أي نوع..لا يوجد نقصان للزيت..لا يوجد أي عادم ظاهري..لا يوجد خلل في دورة الوقود..لا توجد أصوات غير مقبولة صادرة من الموتور..لا يوجد إهتزازات أو خشونة في الموتور...الكلام ده كله من أو 100 كيلو حتي هذه اللحظة.

2- الفتيس :- تم تغيير زيت الفتيس مرة واحدة فقط عند 60000 كم..لا يوجد تخبيط في النقلات..لا توجد صعوبة في النقلات..لا يوجد خلل من أي نوع.

3- نظام التعليق :- تم الكشف علي كفاءة المساعدين والمقصات والجلب والسكترا واليايات وكله بحالة الزيرو الحمد لله..لا يوجد خبط أو أصوات أو إحساس بضعف نظام التعليق عامة.

4- الفرامل :- تم الكشف علي الطنابير ولسه بحالتها لا يوجد ريجة في الطنابير أو رعشة في الفرامل مع السرعات أو صفارة مع الفرامل.

5- الكاوتش :- تم تغيير الكاوتش علي 40000 كم بنفس النوع كونتينينتال.

6- الكبالن :-من يومين حسيت برجة خفيفة في السيارة بعد سرعة 140 وبعد الكشف في التوكيل تبين السبب في الكوبلن الأيمن بحاجة إلي تغيير بتكلفة 1650 جنيه.

7- التبريد :- تم تغيير مروحة التبريد الرئيسية الكبيرة وسبب التغيير كسر في ريشتين بسببي أنا..غيرتها في التوكيل بتكلفة 750 جنيه..وتم تغيير قربة المياه لأنها اتخرمت..وغيرتها بأخري في التوكيل بـ 160 جنيه.لا يوجد إرتفاع في درجة حرارة المحرك حتي قبل تغيير المروحة والقربة.

8- التكييف :- لا يوجد به أي عطل حتي هذه اللحظة.

9- الصالون :- حالة الكراسي بنفس حالة الزيرو..لا يوجد هبوط في الكراسي أو تهتك في الفرش والتنجيد..حالة الطابلوه زيرو بمعني الكلمة وعمري ما رشيت عليه أي ملمع..فقط فوطة بلة بسيط..حالة جلد عصا الفتيس زيرو.فرامل اليد زيرو..الطارة جيد جداً ( بدأت تمسع بسيط )..حالة فرش الأبواب زيرو..حالة فرش السقف زيرو..الأرضيات زيرو.حالة النواكل كلها زيرو.لا يوجد مسح في الكتابة المطبوعة علي أزرار التحكم في الموجودة في مقصورة السيارة.

10- النوافذ :- تم تغيير ترس رفع زجاج الباب الأمامي الأيمن بتكلفة 70 جنيه..باقي النوافذ زيرو.

11- النظام الصوتي :- بحالة الزيرو سواء الوحدة نفسها أو السماعات.

12 - ضم المرايات :- بحالة الزيرو لا يوجد خلل أو تزييق.

13- الفوانيس :- بحالة الزيرو لا يوجد تطويس أو فقدان لمعة.

14- الدهان :- لا يوجد مسح لون أو كشف فيلر أو تغير في درجة اللون بسبب عوامل التعرية.

تكلفة تشغيل السيارة حتي هذه اللحظة :- 3010 جنيه غيار زيت موتور + 5000 جنيه صيانة 60000 كم +2500 جنيه كاوتش + 1650 كوبلن + 750 مروحة + 160 قربة مياه = 13070 جنيه تقريباً في خلال سنتين و نص بخلاف المصاريف النثرية ( بنزين وغسيل و ترخيص) وممكن نخصم منهم تمن المروحة وقربة المياه لأن دي حاجات مش ثوابت عند كل الناس.

-- بعض الناس ممكن تشوف الموضوع ده ممل .. والبعض الآخر يشوفوه مفيد..لكن في النهاية الغرض من الموضوع هو توضيح مدي إعتمادية سيارة الكثير قال عليها ( كتير عليها تمنها )

تحياتي