الموضوع: مروحة تكييف الفليشيا

بارك الله فيكم جميعا
فعلا الموضوع انا كنت عارف انه محير شويه لأنى عارف ان لاعلاقة للمروحه بالموتور ميكانيكيا
ولكنى حاولت مرة اخرى واستمريت فى وضع فتح المروحه لبضع ثوان ووجدت دخان خفيف خارج من الهواية امامى ففصلت بسرعه وايقنت ان هناك شورت (قفله) وربنا يستر اما ان تكون المروحه شيعت او بعض اجزاء الضفيره على اى حال هل من استطاعتى حل التابلوه واكتشاف العطل ام اذهب للدكتور الكهرباء انا ممكن افك واتعامل كويس وعندى العده جاهزه ... معذرة العربيه شاريها من ست وكانت مركونه عندها فتره كبيرة

المشاركة الأصلية كتبت بواسطة المنسي

من الافضل انها تروح لكهربائى يعمل فحص شامل على جميع التوصيلات وان شاء الله خير

لا والله يااخى الكهربائى استغنينا عنه هذه المره
فلقد قمت باحضار العدة المحترمه وفتحت الكبود وفكيت بحرص المجموعه الموجود فيها المروحه بالكامل وفوجئت بان المجموعه وكأنها وقد صب فيها اسمنت كتل من التراب المبلل المتحجر كلبش المروجه وسد كل الفتحات قمت بالصيانه الشديدة اللازمه وحركت المروحه كويس ثم جمعت واختبرت وكله تمام وبكده الدخان اللى خرج لى من الهوايه فى البدايه كان عباره عن بداية شياط للضفيره نتيجة قفش المروحه وربنا ستر
الخطوة التاليه عايز افك التابلوه لأختبر كل الوصلات واطمئن عليها وعايز اعرف الفيوز الخاص بالمروحه فين علشان اقلله شويه بحيث يحمى الضفيرة والمروحه
شكرا للجميع