مروحة تكييف الفليشيا

**elandlos** · 06-01-2013 01:37 PM

المشاركة الأصلية كتبت بواسطة المنسي

الفيوز رقم 3 من الشمال وده الخاص بمروحة التدفئة والتهوية والمفروض 25 امبير ممكن تخليه 20 او 15 امبير انا عندى معظم الفيوزات مقلل الامبير علشان كده

استاذ منسى بارك الله فيك معلومه وفرت على كتير كنت ساقوم بتشغيل كل الاحمال من اناره ومراوح وخلافه وارفع فيوز فيوز وارسم خريطه لكل الفيوزات وكنت ساقوم بتقليل كل الفيوزات والفيوز اللى يعترض اكبره شويه وهكذا ...شغل عافيه يعنى ههههههههههه
بارك الله فيك

**المنسي** · 06-01-2013 02:10 PM

المشاركة الأصلية كتبت بواسطة sakr1964

اتفضل دى صور من كتالوج فليشا حتعرف وظيفة كل فيوز وحتعرف كمان قدرته........

عم صبحي ربنا يبارك لنا فيه مرجع شامل

**elandlos** · 07-01-2013 04:44 PM

الحمد لله تم المطلوب
وتم تغيير كل الفيوزات بالقيم الصحيحة
تخيلوا كان 95% من الفيوزات 30 امبير
ربنا ستر والحمد لله

**المنسي** · 08-01-2013 09:40 AM

الحمد لله عايز اقولك ان عندى الفيوزات كلها اقل من القيم المكتوبة فى الكتالوج وده مش مشكلة اما لو اعلى فهى دى المشكلة

**aw2100** · 08-01-2013 10:20 PM

المشاركة الأصلية كتبت بواسطة المنسي

الحمد لله عايز اقولك ان عندى الفيوزات كلها اقل من القيم المكتوبة فى الكتالوج وده مش مشكلة اما لو اعلى فهى دى المشكلة

خدها معلومة من اخوك الناس الألمان دى مبتهرجش معنى ان المصنع يقولك ان الفيوز دة قيمتة 10 امبير متركبش فيوز لا اقل منه ولا اعلى منه حيعملك مشاكل وخصوصا كل الفيوزات اللى فى السوق امبيرها اقل من المكتوب عليها الا لو لقيت فيوزات المانى او يابانى اصلى وطبعا دة صعب وكلامى دة عن تجربة واخنبارات لعينة من الفيوزات اللى فى السوق لانى باعمل فى مجال التحكم الألى واهم حاجة فى شغلى دوائر الحماية الألكترونية circuit breaker ومنها الفيوز العادى fuse طبعا وتخيل لو فيوز طرمبة البنزين او بك السلانسية او مروحة التبريد مثلا قطع منك وانت ماشى او مسافر والله على ماقول شهيد !!!!!!

**المنسي** · 09-01-2013 12:49 PM

المشاركة الأصلية كتبت بواسطة aw2100

خدها معلومة من اخوك الناس الألمان دى مبتهرجش معنى ان المصنع يقولك ان الفيوز دة قيمتة 10 امبير متركبش فيوز لا اقل منه ولا اعلى منه حيعملك مشاكل وخصوصا كل الفيوزات اللى فى السوق امبيرها اقل من المكتوب عليها الا لو لقيت فيوزات المانى او يابانى اصلى وطبعا دة صعب وكلامى دة عن تجربة واخنبارات لعينة من الفيوزات اللى فى السوق لانى باعمل فى مجال التحكم الألى واهم حاجة فى شغلى دوائر الحماية الألكترونية circuit breaker ومنها الفيوز العادى fuse طبعا وتخيل لو فيوز طرمبة البنزين او بك السلانسية او مروحة التبريد مثلا قطع منك وانت ماشى او مسافر والله على ماقول شهيد !!!!!!

شكرا ليك بس هو فين الفيوزات الالمانى ولا اليابانى كل اللى موجود صيني