الموضوع: اصلاح تسريب خرطوم تبريد الكربراتير سيينا 1400 - انظر الصور.

السلام عليكم ..
الزملاء الاعزاء بالمنتدى الغالى ....
زى ما حضراتكم عارفين - من مواضيع سابقه - انى اهملت العربيه لمده طويله و حبيت تعمل الصيانات السريعه بالتتابع علشان الوقت و كده
و الحمد لله النهارده عملت شويه حاجات سريعه
1/ تغيير و صيانة بزبوز المياه بتاع تبريد الكربراتير كالتالى :
البدايه لما حسيت ان فيه تسريب من الخرطوم بتاع تبريد الكربراتير بالشكل ده :


و كمان لقيت المشترك بتاع السخن بيسرب ضعيف جدا بالشكل ده




فقررت اجيب الخرطوم و اركبه حسب اصول الصنعه و طبعا زى كل الشغل اللى باعمله روحت مركز كول اير و قلت للاسطى محمد ابو عبود اللى انا عاوزه و الحمد لله بدانا الفك بدايه بالخرطوم بالعمة و فلتر الهواء كالشكل التالى :-









و طبعا لقيت البزبوز مملح بالشكل ده




و الخرطوم منفس و منفخ بالشكل ده من ربط الافيز بالشكل ده




وطبعا جبت الخرطوم الجديد تركى علشان ملقيتش الاصلى و اماترا قافله يوم السبت و السعر 65 جم من الصعيدى بالحرفيين و المحبس حديد موش بلاستيك
وده شكله بعد التركيب و اخذ الهواء والمروحه تدور عند الحد المسموح به و نطمن.




الافيز الانجليزى ابو 1.50 عنب اللوز اللوز


بعد التركيب









وطبعا الميه عند الحد الموصى به









و ابوعبود بيجرب العربيه



درجه الحراره بالتابلوه و الحمد لله


ملاحظات مهمه
1/قبل ما نحط الميه الجديده لازم نفتح السخن اللى بالتابلوه - ضرورى جدا
2/ تركيز الميه ميقلش عن 40 %
3/ تانى يوم نزود القربه على البارد حسب الموصى به.
4/ من باب الاحتياط فكيت الكربراتير و روحت لمخرطة بالحرفيين و شلت البزبوز - كان راكب كبس - و خليته يعملى بزبوز جديد قلاووظ - التكلفه 20 جم - و نحاس تقيل - بس ملحقتش اصور المرحله دى علشان الوقت العصر و كنت مستعجل علشان الحق المركز و العربيه متباتش.

ارجو انى اكون افدتكم و الموضوع الجاى تنظيف و تشحيم سلك الدبرياج و تغيير البوجيهات

تحياتى للجميع و كل سنه و انتم طيبين..