السلام عليكم ورحمة الله وبركاتة
انا هتجنن يا شباب والله العظيم
امبارح نزلت لقيت العربيه واقفه فى مكان تانى بقول للراجل اللى واقفه قدامه ايه ده
قالى ما اعرفش وما تركنش هنا تانى واخر قلة ادب بقى
فتحو الابواب بس جم يلفو الدركسيون عمل Lock فا ما عرفوش يروحو يمين او شمال
بس انا هتجنن فتحو الابوب ازاى
الابواب من قدام فيها مفاتيح اللى ورا لا
والسنتر انا مشيك عليه قبل ما اطلع والابواب كلها كانت مقفوله
بس لما روحت السنتر كان مقفول بس المسوجرات مفتوحه
فى فتحه النهارده وانا عمال ابص فى العربيه فى فتحه لقيتها جنب الازاز قدام المسوجر بس من برا فرق فى كاوتش الازاز هل مثلآ نزلو اى حاجه وسحبو المسوجر ؟
طب لو كده تتسد ازاى ولا لازم اجيب كاوتش ازاز كبير شويه يأخد المساحه كلها ؟
وكمان انا جربت مفاتيح كتير على الباب وما فتحش باى واحد هل معنى كده ان الطبله بتاعت الباب سليمه ولا برضه ممكن يكونو فتحو منها ؟
ولا ممكن يكون بلف الابواب مش مظبوط ؟
انا بجد مش عارف وبقيت خايف اسيبها فى الشارع ومش عارف انام من امبارح بسببها :(
المفضلات