شكر خاص للأخ الفاضل محمد عبدالجليل (Gelgel2004)

**Medo007** · 05-01-2013 08:58 PM

السلام عليكم ورحمة الله وبركاته
أتوجه بخالص الشكر للعضو الفاضل (Gelgel2004)
من فترة وانا بسمع صوت المروحة بتشتغل على طول وسخونة الموتور ملحوظة وكإن مفيش مياه للتبريد أساسا وكنت قريت موضوع لأخونا الاستاذ محمد عن تنظيف دورة الردياتير واستفدت وقررت بعدها اني أتواصل معاه عشان أغسل دورة الردياتير وبالفعل اتصلت بيه ورحب بيا جدا واتفقنا على المقابلة واتقابلنا النهرده في بنزينة موبيل عند الاسطى جعفر وللحظ السعيد ان هو كمان كان هينظف دورة التبريد , وأول ما وصلت وسلمت عليه لقيت سيارته العزيزة ربنا يحفظهاله ويديله خيرها ويكفيه شرها كانت في غرفة العمليات ( الاسطى جعفر كان شغال فيها وكان مركز أوى ) ودخلنا وجبنا مياة (أبرو) امريكية نصحني بيها ومزيل للصدأ وفي انتظار خروج السيارة وبعد ما الاسطى خلص دخلت العربية ليبدأ العمل بها والاسطى جعفر لقى ان الخرطوم اللي في القربة مش نافع والجوان اللى ماسك في الخرطوم اللى بره اللى بيدخل المية للموتور معرفش اسمه ايه بصراحة كان عايز يتغير برده , الاستاذ محمد كان معاه العدة كاملة ما شاء الله وأنقذنا وجاب الحاجة من عربيته وغسلنا الدورة الحمدلله ونظفت تماما , وطبعا انا مش هكمل باقي التفاضيل لان المية كانت مصدية وما يعلم بيها الا ربنا , انا مغيرتش المية دي من ساعة ما العربية جت وهي ماشية دلوقتي 158 ألف كم
محدش يضرب
والحمدلله دلوقتي بقت تمام التمام والأهم من ده كله اني اتعرفت على العضو الفاضل Gelgel2004
وهو أكتر من أخ والله وعنده حب المساعدة وعنده معلومات هايلة عن السيارات وصيانتها
ربنا يكرمه ويحفظه وميحرمناش من مواضيعه القيمة اللى بينزلها دايما
والسلام عليكم

**S O P H O S** · 05-01-2013 11:27 PM

بصراحة يستحق كل كلمة شكر
علي مجهوده ومساعدته ..

**EngAhmedSayed** · 06-01-2013 01:27 AM

دى اخلاق شباب نايل موتورز

**alaamousa** · 06-01-2013 03:44 AM

انسان محترم ربنا يبارك يه

**Ahmed Amin** · 06-01-2013 05:14 AM

هوا الكلام دا عال فيرنا ولا علي التويوتا ؟

**Gelgel2004** · 07-01-2013 06:29 PM

المشاركة الأصلية كتبت بواسطة medo007

السلام عليكم ورحمة الله وبركاته
أتوجه بخالص الشكر للعضو الفاضل (gelgel2004)
من فترة وانا بسمع صوت المروحة بتشتغل على طول وسخونة الموتور ملحوظة وكإن مفيش مياه للتبريد أساسا وكنت قريت موضوع لأخونا الاستاذ محمد عن تنظيف دورة الردياتير واستفدت وقررت بعدها اني أتواصل معاه عشان أغسل دورة الردياتير وبالفعل اتصلت بيه ورحب بيا جدا واتفقنا على المقابلة واتقابلنا النهرده في بنزينة موبيل عند الاسطى جعفر وللحظ السعيد ان هو كمان كان هينظف دورة التبريد , وأول ما وصلت وسلمت عليه لقيت سيارته العزيزة ربنا يحفظهاله ويديله خيرها ويكفيه شرها كانت في غرفة العمليات ( الاسطى جعفر كان شغال فيها وكان مركز أوى :ka_che1[1]: ) ودخلنا وجبنا مياة (أبرو) امريكية نصحني بيها ومزيل للصدأ وفي انتظار خروج السيارة وبعد ما الاسطى خلص دخلت العربية ليبدأ العمل بها والاسطى جعفر لقى ان الخرطوم اللي في القربة مش نافع والجوان اللى ماسك في الخرطوم اللى بره اللى بيدخل المية للموتور معرفش اسمه ايه بصراحة كان عايز يتغير برده , الاستاذ محمد كان معاه العدة كاملة ما شاء الله وأنقذنا وجاب الحاجة من عربيته وغسلنا الدورة الحمدلله ونظفت تماما , وطبعا انا مش هكمل باقي التفاضيل لان المية كانت مصدية وما يعلم بيها الا ربنا , انا مغيرتش المية دي من ساعة ما العربية جت وهي ماشية دلوقتي 158 ألف كم
محدش يضرب

والحمدلله دلوقتي بقت تمام التمام والأهم من ده كله اني اتعرفت على العضو الفاضل gelgel2004
وهو أكتر من أخ والله وعنده حب المساعدة وعنده معلومات هايلة عن السيارات وصيانتها
ربنا يكرمه ويحفظه وميحرمناش من مواضيعه القيمة اللى بينزلها دايما
والسلام عليكم

السلام عليكم ورحمه الله

لا داعى للشكر يا صديقى كلنا بنساعد بعض بالمعلومه او المجهود و كلا حسب مقدرته
مجتمع نايل موتورز - مجتمع خاص - صعب تلاقيه فى اى منتدى تانى و الحمد لله
و انا تحت امر الزملاء بالمنتدى الرائع
الف شكر و تقبل تحياتى ...

**Ahmed Amin** · 08-01-2013 05:09 AM

المشاركة الأصلية كتبت بواسطة medo007

عالفيرنا ان شاء الله , ملاحظ انك مستغرب شوية :b4_444:

المشاركة الأصلية كتبت بواسطة medo007

, وطبعا انا مش هكمل باقي التفاضيل لان المية كانت مصدية وما يعلم بيها الا ربنا , انا مغيرتش المية دي من ساعة ما العربية جت وهي ماشية دلوقتي 158 ألف كم

أه مستغرب لأن حضرتك بتقول المية نازلة مصدية.!
ولو كان الكلام دا عال تويوتا بما أنها أخر التسعينات كنا قلنا ماشي,
لكن عال فيرنا وهيا في الغالب أخر الالفينات فادا صعب شوية..

لأن المية الي بتيجي في العربية من بلادها مش بتصدي وفيها مانع صدا.
إلا لو كنت حضرتك كنت بتزودها بمية من الحنفية فادا هيكون السبب, عشان كدا مستغرب.

سؤال تقني بقي, حضرتك جبت أنهي تركيز من مية abro
وأعرف التركيز المناسب لعربيتي منين ؟

مبروك عال مية الجديدة,
وشكرا علي ردك وعلي مشاركات أستاذ جلجل المفيدة كلها.