بخصوص لمبة اوف ديريف فى نيسان 2010

**ashrafrbo** · 05-01-2013 10:40 PM

انا احترت هل معنى ان الزرار اللى موجود فى الفتيس الخاص بالاف ديريف بيشتغل لما يكون المبة الخاصة به فى اللوحة منورة ام اللمبة مطفية يبقى الاف ديريف كدة شغال وكمان عايز اعرف المفروض يكون اللمبة دة منورة وانا ماشى ام مطفية لان سالت اثنين اصحابى معهم السيارة كل واحد قال لى كلام مختلف عن التانى

**youssef_u** · 05-01-2013 11:29 PM

المفروض تكون مطفية

**tarekMANDOUH** · 05-01-2013 11:33 PM

الطبيعي انها تكون مطفية في ظل ظروف القيادة العادية يعني العربية بتمشي على اربع سرعات لكن لو انت عايز تسحب اسرع هتعدي من مقطورة مثلا بتدوس على الزرار فتمشي على ثلاث تقلات بس وتسحب اسرع فا الطبيعي انها تكون مطفية

**borio1704** · 06-01-2013 12:12 AM

الأوفر درايف هو ترس زائد في الفتيس هدفه التوفير في الوقود

الأصل في الفتيس الأوتوماتيك اللي فيه أوفردرايف إنه 3 سرعات بس، والسرعة التالتة هي اللي بتوصل للسرعة القصوى بتاعة العربية، إنما السرعة الزايدة (الأوفردرايف) دي معمولة عشان الموتور يستريح على الطوالي

العادي إنك تشغل الأوفردرايف، ولما تحب تطفيه بيظهرلك لمبة برتقاني في التابلوه مكتوب عليها O/D OFF ... يعني Over Drive Off

طيب... إمتى أطفي الأوفر درايف؟؟؟

تطفيه جوه البلد في الزحمة .. أو لو عايز تطلع من عربية قدامك.. أو لو عايز أداء عالي من العربية...

عشان لما تطفيه الفتيس بيفهم إنك عايز عزم من العربية، وهتلاقي سحب العربية اختلف مع إنك دايس نفس دوسة البنزين العادية بتاعتك

...