شوف يا صاحبي .. بالنسبة للمشكلة الأولى فدي ان شاء الله حتكون سلوك بوجيهات لاني لسه معديه عليا المشكلة دي وكان سببها سلوك بوجيهات ... وعشان تتأكد شغل التكييف على السلانسية وشوف لو العربية حصلها رجرجة وحسيت انها عايزة تبطل يبقى فعلا سلوك بوجيهات .

بالنسبة لترشيح الزيت على الفتيس وعلى الموبينة فده اويل سيل العقربة واويل سيل الموبينة ودول سهل اوي اي ميكانيكي يغيرهم مش حياخدوا وقت .

بالنسبة لوضوع صوت الموتور فده ليه كذا سبب منها مثلا نوع زيت الموتور اللي حضرتك بتستعمله وعدد الكيلومترات اللي الموتور شغال عليه , عموما جرب تغير الفلاتر وغير البوجيهات بالمرة وشوف النتيجة وماتنساش تنظف البوابة وان شاء الله حتلاقي فرق كبير .