عمل نسخه علي ريموت الانذار

**Elsebily** · 16-01-2013 03:40 PM

المشاركة الأصلية كتبت بواسطة sherry215

بس فيه وحدة فتح الشنطة من الريموت

بس اعتقد انك ممكن تسأل حد بتاع الكماليات علي حوار الشفرة ده
والسن مش مشكلة عند اي حد بتاع مفاتيح

عامة انا غالبا بقيت افكر جديا اني اغير الانذار كله خالص واجيب انذار Spy 5000 2way
لاني الاوبشن اللي فيه عاجبني بصراحه بس بردو مشكلته انه بيبقي بريموت واحد وريموت تاني بشاشه في حجم الموبايل الصغير عشان يبين حالة العربيه بس ولو فيه إمكانيه في الانذار ده تخليني اطلع نسخه علي الريموت التاني بردو عادي هتوكل علي الله واجيبه

**Abo Yasso** · 16-01-2013 03:41 PM

انا بقى ضايع منى ال 2 ريموت ومش عارف حتى نوع اللانذار عندى ايه هههههههههه
وفاصل السارينه بتاعه الجهاز من الكابوت
شوفت بقى اللى يشوف بلاوى الناس تهون عليه بلوته

**eng.mostafa323** · 16-01-2013 03:41 PM

المشاركة الأصلية كتبت بواسطة elsebily

هي الفكره انه اي ريموت ينفع يتبرمج علي الانذار ولا ريموتات معينه

انا اظن ان كل ريموت بيبقى ليه تردد معينه
وهما شغالين بتكنولجيا معينه كده
بحيث ان مفيش اتنين ريموت يبقى ليهم نفس التردد
والانذار هو اللى بيتوالف مع تردد الريموت ده
فا اكيد وحدة الانذار لو فيها الاوبشن ده
فا تقدر تتتوالف مع اى تردد

**eng.mostafa323** · 20-01-2013 09:30 AM

سالت امبارح الشيخ ناصر
قالى ممكن يعملوه فى حدود 100 جنيه ريموت جديد
بس لازم تجبلى القديم عشان ياخدو شفرته
انا سالته على سباى 5000

**ggaamm** · 21-01-2013 02:29 AM

المشاركة الأصلية كتبت بواسطة eng.mostafa323

انا اظن ان كل ريموت بيبقى ليه تردد معينه
وهما شغالين بتكنولجيا معينه كده
بحيث ان مفيش اتنين ريموت يبقى ليهم نفس التردد
والانذار هو اللى بيتوالف مع تردد الريموت ده
فا اكيد وحدة الانذار لو فيها الاوبشن ده
فا تقدر تتتوالف مع اى تردد

تصدق بقى انا معايا عربية نوبيرا كنت راكن جنب عربية شيرى صينى
الراجل اول ما فتح العربية بتاعته بالريموت السنتر عندى قفل !!!
بصراحة انا ماستوعبتش الموقف افتكرت انا دوست عالمسوجر وانا مش واخد بالى
لكنى لاحظت ان الفلاشر عنى اشتغل بس كدبت نفسى

المهم غاب شوية بعد ماركب العربية ودور وافتكرته ماشي راح نزل وهو بيتكلم فى الموبايل وقفل العربية وكانت هى الصدمة والله !!

لقيت السنتر عندى عمل صوت والفلاشر اشتغل !!!

انا قلت ما بدهاش والله لنا نازل اشوف ايه اللى حاصل ... وكل ده وانا شاكك لسه مش متأكد

رجع تانى الراجل ومعاه واحدة شكلها مراته ، المهم بقى الراجل مسك الريموت وبيفتح العربية وانا مركز معاه تركيز السنين وفجأة العربية بتاعتى ادت فلاشر والسنتر اتقفل !!!!!!!

انا بقى فضلت ابص عليه واقله انصرف .. انصرف :)
ده ممكن يقلبنى لو عرف طريق بيتنا :)

بس بجد ده مش مبهر يعنى فى الحقيقة على قد الصدفة والصدمة اللى نزلوا عليا

**eng.mostafa323** · 22-01-2013 09:33 AM

غريبه قوى
انت عندك انذار سباى اكييد
يعنى مش صينى

هو الاحتمال الكبير انت بتقول عربيه شيرى صينى
وطبعا دول هتلاقيهم لا بيمشوا بتكنولوجيا ولا نيله
واكييد التردد بتاعها بالصدفه طلع ماشى معاك

بس دى حاجه تقلق
مش عارف الواحد يعمل ايه تانى