السلام عليكم

انا حابب انقلكم تجربتي الي اتمنى ما تحصلش معاكم ان شاء الله

كنت خارج انا و واحد صاحبي و سرحنا في الكلام و مشوارنا كان طويل و العربية اصلا كانت لمبة البنزيين منورة و مرة واحدة قطعت مننا بنزين وطفت بصراحة هي كانت ماشية 419 كيلو بس معظم المشي كان في زحمة جامدة و انا كنت متوقع انها ممكن يكون لسة فيها شوية.

المهم بعد دوخة على البنزينات و رفض تام انهم يدونا اي بنزين في جراكن او زجاجات ربنا هدانا لواحد ميكانيكي قريب من بنزينة و هو عارفهم جواها و بيتعامل معاهم و شرحنالة مشكلتنا و الراجل مشكورا بعتنا للي يعرفة جوه البنزينة و اخيرا لاقينا حد يدينا 4 ليتر في جركن زيت.

الحمد لله حطيناهم و دورنا العربية و دارت و رحت حطيت 10 ليتر كمان في العربية و كنت قلت اشوف اللمبة حتطفي ولا ايه الاخبار و ما طفتش وفضلت منورة و بعدين دست دستين جامدين على دواسة البنزين راحت العوامة ظابطة و اللمبة طفت و بعد ما خلصت كل مشاويري انا و صاحبي راحت منورة تاني و كانت اديت علامة الشرط على المسافة الي فاضلة قلت ادخل افول بقى لحسن تقطع تاني فراح مسدس البنزين فصل عند 41 لتر ونص و العامل الي في المحطة كملها لحد 42 لتر.

و ربنا يسترها معانا جميعا و محدش يتحط في الموقف ده.

ومن ساعتها ما بستناش بفول بدري علشان مش ناقصة مغامرات .