صنى 1600 أوتوماتيك ولا لانسر 1600 أتوماتيك (منتهى الحيره)- أرجو مشاركه الاستاذ سبعاوى

**Hosam_Optrawy** · 25-07-2008 03:38 AM

اكيد الموضوع مش محتاج تفكير ولا حيره
لانسر وانت مغمض

**ahmed_bq** · 14-01-2009 04:28 PM

المفروض عشان تسمع اراء مظبوطه تحط الاستفتاء ده في منتدى المقارنات عشان يبقى منتدى محايد

اصل انتا حاطه في منتدى نيسان واكيد كل اللي راكب نيسان هيقولك الصني ولو حطيتو في متسوبيشي هيقلولك لانسر احسن طبعا

انا رأيي طبعا من غير متفكر لانسر ثم لانسر

معتقدش ان فرق ال20000 جنيه دول اونطه ... كان زمان الصني اغلى بقى بالعقل والمنطق

وكمان شكلا وقطع غيار منتشره وسعر اعادة بيع محترم واستهلاك بنزين اقل يبقى لانسر اكيد

**amsma** · 14-01-2009 10:01 PM

المشاركة الأصلية كتبت بواسطة ahmed_bq

اصل انتا حاطه في منتدى نيسان واكيد كل اللي راكب نيسان هيقولك الصني ولو حطيتو في متسوبيشي هيقلولك لانسر احسن طبعا

معتقدش ان فرق ال20000 جنيه دول اونطه ... كان زمان الصني اغلى بقى بالعقل والمنطق

وكمان شكلا وقطع غيار منتشره وسعر اعادة بيع محترم واستهلاك بنزين اقل يبقى لانسر اكيد

فرق السعر دة لان الصني بتتصنع في 6 اكتوبر ...صحيح الحاحة جاية من برة بس التقفيل مصري و معظم العيوب -الطفيفة- اللي في العربية سببها للأسف المكونات المصري من كاوتش و كراسي و خلافة -مع اني بشجع المنتج المصري والله بس للأسف دايما يكسفنا-
العربية الصني حلوة فعلا و الفرق بينهم ما يستاهلش ال20000
لو حيران فعلا ---> ازود حيرتك و اقولك شوف التيدا, و قلي على الحيرة ---> تمسح اللانسر
و احسن حاجة اجر عربية لانسر يوم و صني يوم (ما دمت خلاص حاتشتري) ادفع شوية زيادة و جرب بنفسك , خدهم و امشي بيهم كتير ممكن تسافر السويس او اسكندرية و ترجع و تجرب الجري و الثبات و تبقى مقتنع --اهم حاجة تبقى انت مقتنع
و صلي صلاة استخارة و ربنا يهديك و يرزقك خيرها و يبعد عنك شرها

**إسلام شاهين** · 14-01-2009 10:22 PM

بصفتي ركبت الصني وركبت الانسر بس مع ملاحظة إن الصني اللي ركبتها ياباني مش مصري والفرق اللي لاحظته وسع الياباني عن المصري فمن واقع التجربة أرشح الصني حيث إن موتورها أقوى من اللانسر .

**kita66** · 14-01-2009 11:56 PM

الحمد لله انا سقت العربيتين وبكل حياد الصنى افضل واشيك واقوى من الانسر انا سقت الانسر عربيه خفيفه جدا جدا من اى مطب تلاقيها بتنط من مكانها ميزتها الوحيده عن الصنى هو التقفيل فقط

والله الموفق

**hany79** · 15-01-2009 12:21 AM

استاذ كيتا قالك التمام انا معايا صني 2008 و ساعات باخد عربية اخت مراتي لانسر2006 الاتنين اوتوماتيك 1600.
اللانسر اوسع من جوة و صوتها اهدى بكتير و عشان كده ممكن تسرح بيها من غير ما تحس لكن الصني موتورها تحس انه اقوى و استجابته اسرع و تحس انها اتقل في الارض عن اللانسر بشكل ملحوظ و انا عن نفسي بحس انها اشيك كتير من اللانسر لكن اللانسر يليق فيها التظبيط عن الصني و موضوع الكلام عن عيوب التقفيل في الصني انا شايف انه مبالغ فيه قوي العربية ما شاء الله زي الفل و فارق الفلوس مبالغ فيه قوي فاتكل على الله و دوس في الصني

**atlas_u** · 15-01-2009 01:50 AM

السلام عليكم:

بص يا باشا طبعا انا معايا صني م لم اسوق الانسر ابدا حتي الان بس انا ها اشكرلك جدا ف الصني و ها اقولك انا كنت ف نفس الحيرة لما اشتريت بس فرق السعر الرهيب و البدون مبرر عن الاطلاق هو ال فمصلحة لصني قلبا و قالبا و خصوصا لو ها تقارن السوبر صالون (طي مراية- فوانيس شبورة-كاست و سي دي شانجر-كاوتش بريدج ستون ياباني و ال عمر اللانسر ما شافتو- وكيل محترم مش حرامي- مراكز صيانة مختلفة و ال مشعجبك تروح لغيرو و كلهم منافسين للجوده مع بعض) حط فرق سعر الحجات دي مع فرق السعر و احكم انت.
التقفيل و لا فية اي مشكلة اطلاقا و زي الفل و اي مشكلة بتسمع انها حصلت ف الصني المصري بتحصل قصادها ف الانسر و بتحصل برضو ف اي عربية (حالات فردية)
عمرك ما ها تلاقي صفقة ف مصر احسن من صفقة الصني (اي فئة) و لف و احكم انت

**bmya** · 15-01-2009 03:07 AM

المشاركة الأصلية كتبت بواسطة goodman

1- السيارة بتعوم (بتفقد إتزانها) عند السرعات فوق 100 كم/س ... وشعرت بذلك طبعا في كل مرة أتخطى فيها أتوبيس (حافلة كبيرة)، وكذلك عند قيادتي بين مرتفعين (جبلين) ... في كلتا الحالتين أحتاج ليقظة كبيرة لأتحكم في عجلة القيادة جيدا ... وإلا من غير المعروف إلى أين سوف تتجه بي الانسر!!!

.

معلش ياباشاا انا مش قصدي اكدبك
بس حكايه فوق ال100 والعربيه تعوم والكلام ده يبقي فيه حاجه غلط في العربيه
اذا كان انا معايا السيريون وهي وزنها 990 كيلو فقط ودايما ماشي 120 وكتيير بتزيد ومش بتعوم وباخود الملفات بالسرعه دي وبعدي جمب عربيات نقل عادي
اعذرني حضرتك بتبالغ شويه في العيوب
او عربيت حضرتك كانت عايزه تظبيط
وعموما مبروك علي الصني وهي عربيه جميله وربنا يباركلك