إيه الفرق بين مواتير التربو والمواتير العادية؟؟؟
كتير مننا سمع قبل كده عن التربو... وإن مواتير التربو قوية وحاجات زي كده
طيب هو إيه الفرق بين مواتير التربو والمواتير العادية؟؟؟
موتور التربو ما يفرقش كتير عن الموتور العادي... كل الموضوع إن موتور التربو متركب عليه تربو :)
http://img.diytrade.com/cdimg/598800...rbocharger.jpg http://image.importtuner.com/f/revie...rbocharger.jpghttp://www.sz-wholesaler.com/userimg...harger-290.jpg
بس التربو ده بيعمل إيه؟؟؟ وبيشتغل إزاي؟؟؟
التربو Turbo عبارة عن مروحة قوية (توربينة Turbine) مهمتها إنها تزود كمية الهوا اللي داخل على السلندر عشان يزود قوة الحرق داخل السلندر
إزاي؟؟؟ هو مش لو زودنا الهوا الحرق ممكن يقل؟؟؟
لأ.... كل ما كان الهوا أكتر بنقدر ناخد حرق أفضل للبنزين
الموضوع عامل زي الفرق بين الفحم لما تولعه... بيبقى كده
http://www.tropical-rainforest-anima...oalburning.jpg
وبعدين لما تهوي عليه أو تشغل قدامه مروحة هيولع جامد ويشعلل.. زي كده
http://weirfieldcoal.com/coal_burning.jpg
وعشان نفهم أكتر... خلينا نشوف الأول هو الموتور العادي الهوا بيدخله إزاي؟؟؟
ده شكل الموتور العادي
https://s-media-cache-ak0.pinimg.com...2dc3699eb1.jpg
http://i580.photobucket.com/albums/s...kemanifold.gif
فيه حاجة إسمها Intake Manifold أو مانيفولد السحب... وده عبارة عن ماسورة كبيرة طلع منها مواسير أصغر بعدد السلندرات...
ومهمته إنه ياخد الهوا من الفلتر ويوزعه على السلندرات..
طيب هو بيسحب الهوا إزاي؟؟
هقوللك... بس متهيألي إننا محتاجين الأول ناخد فكرة سريعة عن دورة الاحتراق..
ده شكل دورة الاحتراق للموتور
http://1.bp.blogspot.com/_8PGObef_cZ...tration-sm.jpg
https://media.giphy.com/media/yi611GdumtsHK/giphy.gif
اللي يهمنا هو اللي بيحصل في المرحلة رقم 1 ورقم 4
• في المرحلة رقم 1 السلندر بينزل لتحت ويسحب معاه الهوا.. بنفس فكرة السرنجة لما بتشفط الدوا
كدا الهوا دخل السلندر وبعدين عملية الحرق بتتم .. ومش هندخل في تفاصيلها لإن ده مش موضوعنا دلوقتي.
https://upload.wikimedia.org/wikiped...o_3D_Small.gif
• في المرحلة رقم 4 السلندر بيطلع لفوق ويطرد العادم من فتحة تانية اللي بتودي على الشكمان..
طيب ... وده إيه علاقته بالتربو؟؟؟
زي ما قلنا التربو هو عبارة عن مروحة....
بس الفكرة العبقرية هنا بقى إني استخدم العادم في تشغيل المروحة..
إزاي؟؟؟
بص على الصورة كده
http://www.catmaser.com/images/turbo_diagram.jpg http://www.cap-ny153.org/Turbocharger%2002.jpg
http://www.autozine.org/technical_sc...ercooler_1.jpg
التربو عبارة عن مروحتين على عمود واحد... واحدة متوصلة على العادم والتانية متوصلة على هوا السحب..
ولما تدوس بنزين العادم بيطلع بكمية كبيرة ويبدأ يحرك المروحة... اللي هي كمان بتحرك المروحة التانية اللي على السحب وتدخل هوا زيادة .. أو بمعنى أصح "تضغط الهواء"..
http://www.jhdiesel.com/Turbo_Engine_System.gif http://www.automotoportal.com/media/...70103006.6.jpg
التربو عشان يشتغل كويس لازم الهوا اللي داخل في السحب يكون بارد نسبيا، إنما اللي بيحصل إن الهوا بيبقى سخن جدا ويمكن يوصل لحد 150 درجة مئوية بسبب حاجتين:
* ضغط الهواء بيرفع درجة حرارة الهوا..
* لما الموتور بيسخن العادم السخن بيسخن التربو جدا لدرجة إنه يوصل لدرجة الاحمرار... وطبعا الهوا هيسخن هو كمان..
بص على الصور دي
http://www.motordehidrogeno.net/wp-c.../hot_turbo.jpg http://www3.telus.net/public/spelch/hotturbo.jpg
والهوا لما يسخن بيبقى متمدد جدا .. يعني كمية الأكسجين اللي هتحرق البنزين هتبقى قليلة، وكده يبقى التربو مالوش لازمة، لإن الهوا اللي داخل مافيهوش هوا !!!
طيب إيه الحل عشان نبرده؟؟؟
الحل في تركيب سربنتينة يدخل فيها هوا السحب ويبرد فيها قبل ما يدخل السلندر.. السربنتينة دي بيسموها "مبادل حراري" أو Heat Exchanger وبيقولوا عليها في دنيا التربو Intercooler
http://www.aa1car.com/library/turboc...ler_engine.jpg
http://www.turbosmart.com.au/wp-cont...tercooler2.jpg
http://www.shop.davismotorsportsofre...Dec%202009.jpg
المبادل الحراري بيبقى مشكلة للي بيعمل أو بيعدل على العربية علشان لازم يلاقيله مكان جوه الكبوت... ولازم يكون مكان مواجه للهوا بشكل مباشر علشان يبرد كويس..
بعض العربيات بيتحط المبادل الحراري فوق الموتور ... والعربيات دي بيكون فيه فتحة في الكبوت...
زي كده
http://archive.boston.com/cars/newsa...x333-44873.jpg
http://www.sarona.com/media/images/3...new_bumper.jpg
طبعا الفتحات دي ممكن أي حد يعملها في العربية .. حتى لو مجرد منظر مش بجد
http://www.trailfx.com/~/media/Image...Hood-Scoop.jpg
وفي أغلب العربيات الحديثة .. المبادل الحراري بيتعمله حساب جوه الكبوت.. وغالبا بيتحط قدام الرادياتير وسربنتينة التكييف.. أو على الجوانب قدام العجل الأمامي مثلا..
ده مثال لعربية فيه منها نسختين واحدة عادية والتانية بتربو
http://resources.carsguide.com.au/st...-2000-used.jpg
http://www.turbosmart.com.au/wp-cont...ticle_EVO5.png
المبادل الحراري واضح جدا من الاكصدام.
طيب... إزاي أعرف إن الموتور ده فيه تربو بجد؟؟
الموتور التربو حتلاقيله صفارة مميزة بتزيد مع زيادة دوران الموتور... وغالبا حتلاقيها متأخرة سنه صغيرة عن الموتور... وده اللي بيسموه تأخير التربو أو Turbo Lag
طيب فيه حاجة مهمة جدا..
تركيب التربو لازم يبقى معاه تعديلات تانية على كل أجزاء الموتور اللي بتواجه الضغط والطاقة الزايدة في السلندر.. زي :
البساتم (Pistons)
الشنابر (Piston Rings)
البييلاّت (Connecting Rods)
السبايك (Bearings)
جوانات وش السلندر والفرن والسحب (Gaskets)
مانيفولد السحب (Intake Manifold)
وش السلندر (Cylinder Head)
http://www.motorera.com/dictionary/pics/p/piston.gif http://www.cambridgemotorsport.com/s...rbo_piston_set
وأحيانا كمان ممكن يكون فيه تعديلات على البلوك
وفي أغلب الأحوال.. علشان التربو يشتغل صح بدون مشاكل .. لازم الطاقة الزايدة اللي هتطلع من التربو يكون معمول حسابها في تصميم الموتور
أخر حاجة...
زي ما شرحنا قبل ... الهوا الأكتر معناه حرق أفضل وأسرع... ومعناه بردو استهلاك بنزين أعلى لو قارناه بموتور عادي له نفس السعة اللترية...
بس الميزة الأساسية من التربو هي إننا نقدر ناخد قدرة أعلى من مواتير أصغر... أو نقدر نعمل تعديل على الموتور الأصلي وناخد منه قدرة أعلى، وبكفاءة استهلاك وقود أفضل بدون شك.
في الحالة دي لما نيجي نقارن ... هنقارن الموتور أبو 1600 سي سي وفيه تربو مع موتور عادي 2700 سي سي ... لإنهم بيطلعوا تقريبا نفس القدرة الحصانية، وساعتها هتلاقي موتور الـ1600 سي سي مع تربو بيستهلك بنزين أقل من موتور الـ2700 سي سي
...