حيرة تغيير زيت الموتور

**Sehsss** · 24-02-2013 11:43 PM

المشاركة الأصلية كتبت بواسطة addams_2

أنا كنت عايز أسأل عن total اللي بيحطوه في auto egypt ده كويس ولا ليكوي مولي للتيدا ؟

ليكوي مولي أو شل أو فالفولين أفضل من توتال

**Sehsss** · 25-02-2013 12:41 AM

المشاركة الأصلية كتبت بواسطة moh.hassan

لية مستحيل قلى اية الاسباب اللى مخلياك مش مقتنع كدة
وانا اءكدلك بالشرح

بص يا باشا، واضح إن حضرتك مهندس بترول أو كيميائي وأنا مش هاعرف أرد عليك بحرفية
بس كل الحكاية إني ما عنديش ثقة في أي منتج مصري.. وحتى لو عندي ثقة لازم المنتج يبقى متطور علشان أدفع فيه فلوس، مش أدفع والدنيا زي ما هي ما فيش تطور، ولو كلام حضرتك ده صح وإن الزيت المصري مافيش فارق بينه وبين ليكوي أو شل أو فالفولين أو أي زيت مستورد (عاوز أقولك كمان إني ما بحطش موبيل أو شل علشان متعبيين في مصر لأني ما عنديش ثقة في العامل المصري والغش والفهلوة بتوعه) كان زمان الزيت ده اتصدر لخارج مصر

**Formulator** · 25-02-2013 02:08 AM

شوف ياباشا..
بصرف النظر عن الـadditive package أو الـFormulation (الـ20%) أعتقد دى proprietary لكل شركة؟!!

الأهم الـ80% دى الـbase

- هل التعاون sm ده group-III أو hydrocracked Mineral Oil؟
ولا gorup-IV أو Synthetic Base-stocks (الـPAO)؟؟!!
وفيهم نسبة group-V الـEsters؟!! وقد أيــــــــه؟؟

هى دى الحاجات اللى بتقولنا -مبدئيا- الـbehaviour بتاع الزيت فـ مواتيرنا هيبقى عامل إزاى؟!!!

وبردو:
لو حضرتك عندك Technical data-sheet ياريت ترفعهالنا..
عايزين نشوف الـviscosity-الـHTHS والـZDDP content؟!!

لكن، مع إحترامى..
عشان نجرب زيت موتور "التعاون" كده لمجرد انه API sm عـ الـlabel؟!! أعتقد مستحيـــــــل زى مابيقولك Sehsss؟!!!

Rgds،

**samo999** · 25-02-2013 12:32 PM

عاوز اعرف يا جماعة انا حطيت زيت كاسترول ماجنتك --- عربيتى نيسان صنى 2009 عاملة 55 الف كيلو دة مناسب ولا اغيرة

**Sehsss** · 25-02-2013 05:34 PM

المشاركة الأصلية كتبت بواسطة samo999

عاوز اعرف يا جماعة انا حطيت زيت كاسترول ماجنتك --- عربيتى نيسان صنى 2009 عاملة 55 الف كيلو دة مناسب ولا اغيرة

بص هو الماجناتيك ممتاز، بس تحطه بعد ما عربيتك تعدي الـ 100 ألف والأفضل لو عاوز حاجة محترمة في كاسترول تحط الإيدج علشان تخليقي بالكامل

**alex pharmacy** · 26-02-2013 12:33 AM

انا قريت كل التعليقات الا مافيه حد جاب سيرة توتال

مع اني لسه حاطه امبارح في صيانة الالف .... مش عشان هو حلو بس عشان ببلاش

انا روحت عملت الكشف المجاني وانا عامل 350 كيلو وحجزولي الزيت والفلتر وامبارح روحت عملت الصيانة وحطولي توتال 10 الاف

ايه رأيكم فيه وخصوصا انه حاليا الزيت المعتمد لنيسان يعني لو روحت تغير زيت في التوكيل حيحطولك توتال

ايه رأيكم ؟؟؟ واغيره عند كام ؟؟؟