حيرة تغيير زيت الموتور

**Sehsss** · 07-01-2013 12:39 AM

السلام عليكم ورحمة الله

بدأت حيرة تغيير زيت الموتور، حيث قاربت على تغييره، أنا كنت حاطط ليكوي مولي هاي تك وكان كويس الصراحة بس على الحرق الكتير نتائجه أفضل، وعرفت من الأعضاء إن التوب تك ملائم أكثر للصني وحبيت أجيبه وطبعا مش لاقيه خااااالص لأن هناك مشكلة في الشحن، مش موجود غير عند موزع في شارع دمشق وأنا ما ينفعش أروح مصر الجديدة خالص، وكل لما أكلم موزع قريب مني يقولي مش موجود

فقررت إني أغير نوع الزيت نهائيا وياريت ترشحولي نوع زيت تاني لأني بصراحة محتار جدا.. تحياتي

**AlGazar2** · 07-01-2013 02:51 AM

اى زيت الا موبيل

شيل كويس - فالفولين - كاسترول ايدج - فيسكو 5000 كل دى زيوت الاعضاء بيشكروا فيها

عايز حاجة للشد و الحرق يبقى الكاسترول او الفالفولين بتوع العربيات المتربنه او الريس

**Ahmedmiy** · 07-01-2013 10:58 AM

بسم الله الرحمن الرحيم

اللهم صلى وسلم وبارك على نبينا محمد خير خلقك خاتم المرسلين بالهدى والرحمة

أخى العزيز الحبيب الغالى محمد حسين

أولاً وحشتنى جدا وإن شاء الله نتقابل على قريبا على كل خير

بالنسبة لموضوع الزيوت أرشحلك زيت فالفولين ممتاز جدا بالتجربة وعلى فكرة بحاول أنصح أخوك سونه إستيل يجرب بعد الليكوى مولى علشان أنت عارف أن حسين من المتعصبين لليكوى وبالمناسبة هناك موزع لليكوى فى الحرفيين جبنا من عنده لسونه من شهر تقريبا بس كان فاضل 3 لتر فقط عنده .

على كل حال أتمنى إن شاء الله نراك قريبا على خير

وأتمنى لك دوام النجاح والسداد

سبحان الله وبحمده سبحان اله العظيم

لا حول ولا قوة إلا بالله

الحمد لله حمدا كثيرا طيبا مباركا فيه

**M.Nabeeh** · 07-01-2013 11:08 AM

كاسترول ايدج 5w-40

**SonaSteel** · 07-01-2013 11:40 AM

لو هاتيجي المقابلة يا محمد ممكن اجيبهملك معايا ان شاء الله

بس اكد عليا انك جاي علشان كنت رايح اجدد الرخصة .. كده ممكن اجلها واجيبهملك معايا يوم الجمعه ان شاء الله

**Dr'AhmZZong** · 07-01-2013 02:26 PM

حط high tech تاني يا sehsss ..

**Sehsss** · 07-01-2013 04:01 PM

المشاركة الأصلية كتبت بواسطة sonasteel

لو هاتيجي المقابلة يا محمد ممكن اجيبهملك معايا ان شاء الله

بس اكد عليا انك جاي علشان كنت رايح اجدد الرخصة .. كده ممكن اجلها واجيبهملك معايا يوم الجمعه ان شاء الله

جاي إن شاء الله أكيد يا حسين، بس أنا مش عاوز أعطلك عن التجديد يا باشا، على العموم لو هاتقدر تجيبهم يبقى (3 لترات توبك تك) يا سونا، وتسلم يا حبي مقدما