المساعدة فى الاصوات الغريبة دى

**momo44** · 24-07-2008 02:09 AM

السلام عليكم ورحمة الله وبركاته

انا بدأت تظهر عندى شوية اصوات غريبة ومش عارف من ايه وارجو المساعدة منكم
اولا صوت مش عارف طالع منين بس هو شبه الصوت اللى بيحصلك وانت ماشى فوق الكوبرى وعلى الفواصل اللى بين الكوبرى لما تمشى عليها بيطلع صوت منها
الصوت ده بيطلع عندى وانا ماشى على الطريق ودوست على مثلا عين القطط او حتة مش متساوية فى الطريق يعنى فى طرقنا الجميلة شغال على طول مع اى هزة او زلطة او شبه كده
الصوت الثانى من الشكمان لما بدوس بنزين وحتى من غير ما ادوس
انا بحس ان الشكمان بيقطع يعنى العادم اللى بيخرج منه كانه بيقطع مع العلم ان الشكمان مش مخروم والصوت بيطلع من الفتحة عادى ولما بحط يدى خلفه بحس ان العادم بيقطع
انا مش عارف قدرت اوصفلكو الحالة ولا لأ بس ارجو تكونو فهمنو قصدى وتساعدونى
وشكرا مقدما لكل من ساعدنى ومن لم يساعدنى ايضا(لانه اكيد مش عارف لانه لو عارف مش هيبخل بالمعلومة )
دا احنا فى نايل موتورز يا جدعان

**Tamer-Ezzat** · 24-07-2008 03:09 AM

العربية ايه ؟؟؟

كاربوتير ولا انشجشن ؟؟

**Ahmed Samy** · 24-07-2008 05:29 AM

الصوت الأولاني ده غالبا صوت طقة حديد في حديد
يعني عندك كاوتشة أو جلبة بتشاور عقلها
يوم ورا يوم الصوت هايكون أعلى و يتسمع مع نقرات اقل لحد ما يطلعله رنة تبقى الكاوتشة وقعت و هاتسمعه على طووووووووووووووووووووول

ارفع و دور على الجلب و الكاوتش و قوللي

**momo100010** · 24-07-2008 12:38 PM

المشاركة الأصلية كتبت بواسطة t5554983

العربية ايه ؟؟؟

كاربوتير ولا انشجشن ؟؟

العربية كاربراتير

المشاركة الأصلية كتبت بواسطة Ahmed Samy

الصوت الأولاني ده غالبا صوت طقة حديد في حديد
يعني عندك كاوتشة أو جلبة بتشاور عقلها
يوم ورا يوم الصوت هايكون أعلى و يتسمع مع نقرات اقل لحد ما يطلعله رنة تبقى الكاوتشة وقعت و هاتسمعه على طووووووووووووووووووووول

ارفع و دور على الجلب و الكاوتش و قوللي

هو فعلا بيزيد

المشاركة الأصلية كتبت بواسطة Ahmed Samy

ارفع و دور على الجلب و الكاوتش و قوللي

ممكن تعرفنى ازاى

**Bahaaeldin** · 24-07-2008 01:08 PM

سيدى الفاضل

حضرتك تشوف ميكانيكى كويس يربط العفشة كلها (مقصات وبارات ومساعدين) ويكشف على بطن العربية علشان ترتاح ويقول لك لو فيه حاجة محتاجة تتغير والبنسبة لصوت تقطيع من الشكمان فببساطة شديدة خليه يضبط كهربة العربية

**momo44** · 24-07-2008 02:37 PM

المشاركة الأصلية كتبت بواسطة Bahaaeldin

سيدى الفاضل

حضرتك تشوف ميكانيكى كويس يربط العفشة كلها (مقصات وبارات ومساعدين) ويكشف على بطن العربية علشان ترتاح ويقول لك لو فيه حاجة محتاجة تتغير والبنسبة لصوت تقطيع من الشكمان فببساطة شديدة خليه يضبط كهربة العربية

اروح لميكانيكى ولا عفشجى عشان تربيط العفشة
وبالنسبة لضبط كهرباء العربية اروح لكهربائى

المشاركة الأصلية كتبت بواسطة Bahaaeldin

لصوت تقطيع من الشكمان فببساطة شديدة خليه يضبط كهربة العربية

هل ده ممكن يكون بسبب البنزين
انه يكون مخلوط ب80
؟؟؟؟؟

**Bahaaeldin** · 24-07-2008 02:54 PM

سواء ميكانيكى أو عفشجى .. الموضوع سهل جدا .. وانت نفسك لو عندك شوية مفاتيح ربط ممكن تنزل تحت العربية وتشوف بنفسك ايه اللى مفروض يتعمل .. شوف يا سيدى .. تروح محطة نظيفة وتدخل على مجرى ضبط الزوايا وانزل مع الفنى هناك وهو بيربط العفشة وشوف حيعمل ايه وشوف رأيه فى العفشة والزوايا كمان لو حبيت

وفعلا ممكن خلط البنزين او استخدام بنزين اقل فى الأوكتان يعمل كده بس حيظهر كمان مشاكل فى تقطيع وسحب العربية ولكن بما أن الصوت فى الشكمان فقط فده أمر خاص بكهربة العربية و(الميكانيكى) هو اللى بيضبطها لأنه كل اللى بيعمله هو ترحيل مسمار صغير أسفل الاسبراتير لتقديم أو تأخير شرارة الاشتعال بما يناسب الموتور وأنت نفسك راح تلاقى قلة ارتجاج الموتور وتناغم صوته بعد ضبط الكهرباء.

**momo100010** · 24-07-2008 07:38 PM

بس فعلا فى تأثير على سحب العربية وبحس وانا بدوس بنزين بتقطيع
وانا لسة عامل ضبط زوايا الاسبوع اللى فات وقلت للراجل يبص على العفشة كمان
ولا الراجل بتاع ضبط الزوايا مش بيفهم فى الموضوع ده
معلش انا عارف انى تاعبكو معايا