فرامل قافشة

**emkh** · 26-07-2008 04:44 PM

عندى عربية mazda 323 الفرامل الامامية قافشة ودواسة الفرامل علية وبتعلا كل ما بمشى غيرة حشو الماستر الرئيسى وطقم السرفو والماستر الفرعى ,دا كله عند واحد بتاع فرامل ارجوكم ال يعرف السبب يرد عليا واعمل ايه مع العلم العربية مش بتتحرك بسسب الفرامل

**mrghost** · 26-07-2008 05:09 PM

ممكن يكون البستم اللى فى الدوشمه نفسها قفش مفروض يتفك ويتغسل كويس ويركب بعد كده

**emkh** · 26-07-2008 05:15 PM

اتفك واتغسل كويس واتشحم شحم خفيف عشان يسهل حركته ومفيش فايدة

**eldeplomasy** · 26-07-2008 05:59 PM

عندي حاجه قريبه من كده هعمل بيها موضوع

**essamr** · 26-07-2008 06:08 PM

emkh

عندى سوال لك فى حد لعب فى الصباع بتاع السيرفو الصباع الى هوة بين الماستر العمومى والسيرفو

لو حد لعب فيه حاول تقصر طوله عن طريق الرجلاش الى فيه وتتحل مشكلتك ان شاء الله

وكمان راجع على خراطيم العجل واتاكد انها سالكة كويس

اتمنى انى اكون ساعدتك

تحياتى لك وللجميع

**emkh** · 28-07-2008 12:12 AM

اشكر كل من ساهم فى الموضوع ولكن الصباع اترجلش ولسه ذى ماهى واتأكدنا من الخراطيم سالكه
عيز اسأل عن حاجه فى العربية عامله ذى الموزع لزيت الفرامل بيسموها فى السوق الضفدعه هى فيدنها ايه وهل بتأثر فى الموضوع ولا وايه
نشكركم مرة تانيه وارجو ان تفتونى

**Adham** · 28-07-2008 02:11 PM

المشاركة الأصلية كتبت بواسطة essamr

emkh

عندى سوال لك فى حد لعب فى الصباع بتاع السيرفو الصباع الى هوة بين الماستر العمومى والسيرفو

لو حد لعب فيه حاول تقصر طوله عن طريق الرجلاش الى فيه وتتحل مشكلتك ان شاء الله

ايوة هو دة و اسمة الزغاد بتاع السيرفو

طالما كل مابتمشي و العربية تسخن الفرامل تعلى زيادة و تقفش معاك بيبقى " الزغاد" عاوز يترجلش يتوطى شوية

خللي بتاع الفارمل يرجلشة

**MEDO_AHMED2** · 28-07-2008 03:25 PM

انا كان معايا ماذدا 323 مو 88 عملت معايا كدة ولما نزلت من المحور وانا راجع من اسكندرية كنت احرق الغيار وهيه ماشية على الهادى خالص وديتها لميكانيكى فى ارض اللواء شارع الاوقاف اسمة عادل الميكانيكى بيت العرابية عندة وفك الفرامل وزبطها وركبها وادهالى احسن من الاول لو انت تعرف تروحلو هتدعيلى بس انت قولو انا من طرف الى انت جيبتلو الكيا شوما من بورسعيد