الموضوع: اخير استلمت الصنى من اوتو ايجيبت

اولا انا بعتذر على التأخير فى عرض الموضوع لظروف سفرى
ثانيا الحمد لله استلمت عربيتى الصنى وهحكليكوا اللى حصل بالتفصيل

بعد محكيت ليكم الموضوع كلة http://www.nilemotors.net/Nile/326160-a-2.html روحت الاسبوع الاسبوع اللى بعدة وطبعا محدش اتصل بيا ولا عرفنى اللى اللى حصل ووصلوا لحد فين فى العربية قولت مش هينفع افضل اتصل بيهم ومحدش يرد عليا الا بس فى واحد هناك اسمة الاستاذ محمد الازهرى هو دة اللى كنت بتابع معاة يعنى كل 3 أيام ولا حاجة بيرد عليا
المهم روحت هناك ودخلت على الاستقبال وبلغت الانسة اللى موجودة انى عربيى فى ورشة السمكرة وعاوز اقابل اى حد علشان اعرف وصلوا لاى ... قالتلى اتفضل اتستريح وهكلمهم طبعا كالعادة فضلت مستنى اكتر من ساعة ولا حد عبرنى!!!!!!! لغيت ماشفت م/ كريم داخل فقمت رايحلة واتكلمت معاة وقالى ان العربية تقريبا خلصت بس واقفين على كالون الشنطة اللى تحت وهو مش موجود عندهم كالعادة وقبل كدة كان الاستاذ محمد الازهرى مبلغنى انهم عاوزين الكالون وبصراحة لفيت علية فى كل محلات التوفيقية ومش لاقية ونزلت الحرفين انى الاقية استيراد محدش راضى يبيعة لوحدة علشان الشنطة مش هتقفل ..
المهم قولت ل م/ كريم عاوز اشوف العربية دخلت شوفت العربية فقولتله ورينى الكالون القديم
الفنى بتاع السمكرة قالى هو سليم بس مش بياخد اشارة من جوة العربية يعنى الشنطة مش هتفتح من التابلوة قولتلة مش مشكلة ركبة لغيت ماالاقى واحد جديد .
المهم م/ كريم قالى العربية هتخلص على بكرة اخر النهار ان شاء الله
روحت تانى يوم الساعة حوالى 2 قابلت الاستاذ محمد الازهرى اللى مكنش موجود بقالة 4 ايام وقالى العربية بتتفنش بس ناقص الحلية اللى تحت اللى ف الشنطة ومش موجودة قولتلة مش مهم انا ابقا دور عليها فى الحرفيين
المهم روحت حاسبت وكان الاستاذ محمد الازهرى مشكور جابلى خصم 10 % بس انا قولتلة انا ليا خصم نايل موتورز لقيت بتاع الحسابات بيقولى ان عقد نايل موتورز انتهى فى 30/11/2012 فقلى استنى هسأل ودخل لمدير الصيانة وفى الوقت دة اتصلت بالاستاذ احمد مصطفى اللى بشكرة فعلا لان انا عارف الظروف اللى كان فيها والقرار اللى كان واخدة انة يبتعد عن المنتدى لكن الراجل مشكور رد عليا وقالى ان العقد فعلا بينتهى فى 11 لكن هما فى اوتو ايجيبت مدوة لغيت اخر السنة
وفعلا بعد كدة المحاسب اكد لى الكلام دة وبعد ماحسبت هصل مشكلة كبيرة فى الشغل كنت مضطر اروح بسرعة للشغل فااستلمت العربية من غير ماابص على اى حاجة ومشيت
وبعد مخلصت المشكلة اللى فى الشغل بصيت على العربية ولاحظت الاتى

1- لزق الفربيكة اتزلق فى مكان ومتلزئش فى مكان تانى يعنى اتزلق فى جنب الشنطة من اليمين وفى مكان لوحدة قديمة قصوا نصها ومحطوش واحدة جديدة وهحاول اصورها وانزلها ليكو
2- بعد مخلصوا لمعوا الشنطة بس فاللى يبص على العربية يلاقى ان الجزء اللى ورا بيلمع وباقى العربية لا
3- طبعا هما المفروض بيغلسوا العربية بعدمابيخلصوا بعد مااستلمت لقيت العربية سيئة جدا من الداخل بمعنى اصح كروتة بحتة فوضة واخلص ولقيت الكنبة اللى ورا مش نضيفة وموضوع الغسيل دة انا اشتكيت منة برضوا فى اخر صيانة
الغسيل ياما يغسلوا صح ياماا لا
دا بالنسبة للملاحظات على العربية لكن ملاحظاتى على الوكيل نفسة اوتو ايجيبت
- مش دة الوكيل اللى كل الناس عمالة تشكر فية مفيش حاجة اسمها متابعة العميل وتبلغة بى اللى بيحصل فى العربية
- على ماعتقد ان مفيش ربط بين كل وكلاء نيسان او حتى شركة نيسان نفسها بالنسبة لموضوع قطع الغيار يعنى لولا ان انا اتصلت بكل وكلاء نيسان ولقيت حلة الاستبن عند يونايتد جروب كانت العربية هتفضل عندهم لحد مايحيينا ربنا ......... يعنى المفروض ان نيسان مصر بعد ما قدمت شكوى ان فى قطعة غيار مش متوفرة عند اوتو ايجيبت ولا متوفرة فى نيسان المفروض ان شركة نيسان تحاول توفر قطعة الغيار للعميل من اى وكيل ليها مشالعميل هو اللى يطلع عين اهلة علشان يوفر قطعة الغيار
وكمان اى تخيلوا انهم بلغونى انهم ممكن يوفرولى قطعة الغيار بس هتحمل انا تكلفة استيرادها من اليابان يعنى كنت هدفع 5 اضعاف تمن قطعة الغيار !!!!!!!!! واصلا المشكلة عندهم انهم مش موفرين قطع الغيار !!!!!!!!!!!!!
- شركة نيسان مصر سورى شركة مش محترمه لانى قدمت شكوى ان فى قطعة غيار مش متوفرة وقالوى هنرد على حضرتك فى خلال 3 أيام وهنحل الموضوع طبعا بقالى اكتر من شهر ولا حتى حد عبرنى بتليفون يقولى عملت اى ف مشكلتك !!!!!!!!
فى النهاية احب بجد اشكر نايل موتورز والاستاذ احمد مصطفى الانسان المحترم اللى اتشرفت بمعرفتة مع انى لحظى السىء كلمتة مرتين فى عز ازمتة وضيقة من الكلام اللى اتقال علية فى المنتدى

المشاركة الأصلية كتبت بواسطة ahmed.tv

اكيد حيكلموك .. ولو محدش كلمك لغاية اخر الاسبوع .. وجى الاسبوع الجى
كلهم واعطيهم ملاحظاتك دى .. لانها مهمة .. عشان محدش من باقى اخوانك يحصل معاه نفس اللى حصل

ولما يكلموك من نفسهم قولهم على ملاحظاتك ضرورى .. واكد انهم لازم يسجلوها


وبالنسبة لباقى الاعضاء
بعد اذنكم

بعد نهاية الصيانة فى حالة وجود اى سلبية من اى مركز .. عند اتصالهم بيكم .. الاهم من تسجيل الانطباع .. قدموا شكوى بالسلبيات اللى حصلت معاكم .. حتى لو كانت بسيطة سواء من وقت او اى مشكلة حصلت لقدر الله معاكم .. حتى لو اتنازلتوا عن المشكلة او اتحلت او كانت بسيطة

عشان يهتموا .. وياخدوا السلبيات دى ويعرضوها على مدير المركز الصيانة

تحياتى للجميع

للاسف يااستاذ احمد محدش اتصل بيا وللاسف برضوا انا سفرت تانى بعد مكتبت الموضوع دة ومش عارف هل ينفع اتصل بيهم واقولهم على المشاكل اللى موجودة ولا مينفعش علشان عدى فترة ؟؟