استفسار عن الأستلام و السعر

**mzkader** · 14-01-2013 08:46 AM

السلام عليكم و رحمة الله و بركاته.
بالنسبة للحجز أنا حاجز من 13-11-2012 و لسه ماستلمتش و كنت بتكلم مع أستاذ أحمد حسن من أوتو إيجيبت مدينة نصر بالامس و قالى هايكون الأستلام من 10 أيام لــ أسبوعين على الرغم من تأكيده لى و أنا باحجز أن الموضوع بالكتير شهرين و ممكن يسلمنى قبل كده عشان أنا حاجز سوبر صالون و الجديد كمان زيادة 2000 جنيه ليصبح الرقم 114000 بدل 112000 أنا كنت عايز أعرف من الناس القديمة فى المنتدى و الناس الــ ليها علاقة مع نيسان هل ده طبيعى من حيث التأخير للسوبر صالون لأن من قرأتى فى المنتدى قبل ماحجز عرفت أن إستلام السوبر صالون بيكون أسرع من العادية و على كلام أوتو إيجيبت كان زمانى أستلمت قبل الزيادة يا ريت لو فى حد يفيدنى فى الموضوع ده و جزاكم الله خيرا.

**dodyam** · 14-01-2013 09:03 AM

أنا استلمت الـ Ex فى شهرين و نص فأعتقد انه بالنسبة للسوبر صالون معقول على الرغم من سرعة تسليمها فى بداية انتاجها و اوتوايجيبت من الوكلاء المحترمين جدا ما تقلقش كل تأخيرة و فيها خيرة

**mzkader** · 14-01-2013 09:54 AM

تسلم على الرد بس بالنسبة للزيادة هل ده طبيعى

**HaNo_ELBeh** · 14-01-2013 11:23 AM

ياباشا انا حاجز من يوم 9/11 ولسة ماستلمتش وكنت امبارح فى اوتو ايجيبت مدينه نصر وقابلت أ/احمد حسن وقالى نفص الكلام 10 ايام ومفيش حاجة فى ايدى لازم هستنى اما بالنسبة لزيادة الاسعار انا عرفت ان كل القديم والجديد فى قائمة الانتظار هيستلموا بالسعر الجديد وان اوتو ايجيبت مالهاش دخل فى زيادة الاسعار ولو معكش يبقى مايلزمكش
[marq="3;right;3;alternate"]
وأمرى الى الله
[/marq]

**youssef_u** · 14-01-2013 12:28 PM

يا جدعان انا حاجز من ١٩ اكتوبر ولسه مستلمتش و هستلم بالسعر الجديد !!! انتو زعلانين عشان استنيتو شهر ؟ ده الطبيعي الخجز بيتاخر و تستلم ع خير ان شاء الله

**mzkader** · 14-01-2013 03:55 PM

المشاركة الأصلية كتبت بواسطة youssef_u

يا جدعان انا حاجز من ١٩ اكتوبر ولسه مستلمتش و هستلم بالسعر الجديد !!! انتو زعلانين عشان استنيتو شهر ؟ ده الطبيعي الخجز بيتاخر و تستلم ع خير ان شاء الله

بصراحة أنا أول مرة أحجز سيارة زيرو و سبب حجزى للصنى هو نايل موتورز و قسم نيسان بعد ماكنت مقتنع بالبروتون جدا.
بس الواحد لما بيحجز و ياخد الكلام من موظف مسؤل فى الفرع بيثق فى كلامه خصوصا لما تلاقى الراجل بيكلمك بكل ثقة و يقولك شهرين بالكتير و ممكن يكون قبل كده عشان أنت حاجز سوبر صالون بس أنا بأمن نفسى بالشهرين عشان ماخلفش كلمتى مع العميل :) فايعدى الشهرين و تكلمه يقولك أسبوعين بالكتير فاطبعا هاستنى الأسبوعين و لو صدق فى كلامه خير و بركه ماصدقش فا عادى مش هاتكون أول مرة أنا الــ مصبرنى أن السيارة أول هام مش لى أنا جايبها لمراتى و تانى هام أن مراتى معاها سيارة حاليا بس الواحد بيحب يظبط المواعيد عشان ألحق أبيع السيارة القديمة.

**youssef_u** · 14-01-2013 09:14 PM

المشاركة الأصلية كتبت بواسطة mzkader

بصراحة أنا أول مرة أحجز سيارة زيرو و سبب حجزى للصنى هو نايل موتورز و قسم نيسان بعد ماكنت مقتنع بالبروتون جدا.
بس الواحد لما بيحجز و ياخد الكلام من موظف مسؤل فى الفرع بيثق فى كلامه خصوصا لما تلاقى الراجل بيكلمك بكل ثقة و يقولك شهرين بالكتير و ممكن يكون قبل كده عشان أنت حاجز سوبر صالون بس أنا بأمن نفسى بالشهرين عشان ماخلفش كلمتى مع العميل :) فايعدى الشهرين و تكلمه يقولك أسبوعين بالكتير فاطبعا هاستنى الأسبوعين و لو صدق فى كلامه خير و بركه ماصدقش فا عادى مش هاتكون أول مرة أنا الــ مصبرنى أن السيارة أول هام مش لى أنا جايبها لمراتى و تانى هام أن مراتى معاها سيارة حاليا بس الواحد بيحب يظبط المواعيد عشان ألحق أبيع السيارة القديمة.

الصني بتتاخر عشان الاول المعارض بتاخد و الاوفر برايس و كده و انا لما حجزت قالي هتستلم بعد شهرين ونص ولما كلمته قالي تلات شهور

وبالنسبه للسعر هو مفيش بايده حاجه الدولار هو الي زاد وكمان انتا لما بتحجز بيبقا معروف ان السعر حسب وقت الاستلام الا لو حددلك السعر على وصل الحجز

**HaNo_ELBeh** · 15-01-2013 10:56 AM

المشاركة الأصلية كتبت بواسطة youssef_u

يا جدعان انا حاجز من ١٩ اكتوبر ولسه مستلمتش و هستلم بالسعر الجديد !!! انتو زعلانين عشان استنيتو شهر ؟ ده الطبيعي الخجز بيتاخر و تستلم ع خير ان شاء الله

حضرتك حاجز فين ومكان الفرع اية

**youssef_u** · 15-01-2013 01:18 PM

المشاركة الأصلية كتبت بواسطة hanyfarag

حضرتك حاجز فين ومكان الفرع اية

انا حاجز عند اوتوايجبت المهندسين ( تقاطع شارع سوريا مع السودان )

**HaNo_ELBeh** · 15-01-2013 01:27 PM

المشاركة الأصلية كتبت بواسطة youssef_u

انا حاجز عند اوتوايجبت المهندسين ( تقاطع شارع سوريا مع السودان )

أنا حاجز من اوتو ايجيبت مدينة نصر والصراحة ناس محترمة جدا ومواعيدهم معقولة

الموضوع: استفسار عن الأستلام و السعر

LinkBack

أدوات الموضوع

عرض

-

-

-

المواضيع المتشابهه

استفسار عن السعر

باذن الله سأستلم اللوجان غدا فما هى نصائحكم عند الأستلام

كيف أفحص ال 516 عند الأستلام

ارجو المساعده فى كيفية الكشف على اللوجان قبل الأستلام ؟

عن z3 استفسار عن الموديلات و السعر

الكلمات الدلالية لهذا الموضوع

المفضلات

المفضلات

ضوابط المشاركة