٠٠/١٠٠
عرض للطباعة
٠٠/١٠٠
انا كنت ناوى اشيل الترومستات
بس بعد الموضوع د ة هكشف على الترومستات لان درجة الحرارة فى الجو الساقع دة بتبقى فى المتصف
ودة بعد طقم شمبر للماتور
طيب ياريت حد يفدني في المشكلة اللي عندي
انا عندي كوعة الثرموستات مخرومة يعني العلبة نفسها اللي فيها خرم وبتسرب مياه والميكانيكي لحمها باللحام الثنائي وعليها سليكون حراري بس انا مش مقتنع بالحل ده وخايف اللحام دة يسرب مياه تاني وخاصة اني مشاوري كلها علي طرق صحراوية
من فضلكم ايه الأفضل اغيرها ولو هاغيرها اجيبها منين وسعرها في حدود كام
شكرا ليكم مقدما
العربية فيكترا سي 2007
طبعا ده حل مؤقت... والأحسن تغير الكوعة بدون شك.. وما أتوقعش تكون غالية ..
بس لازم كمان تعرف إيه السبب في ظهور خرم زي ده.. والمؤكد بالنسبالي إن السبب من نوع المية المستخدمة..
لازم تحط مياه رادياتير المخصوصة للرادياتيرات الألومنيوم.. وبكده تحلفظ على الكوعة والرادياتير وكمان تتجنب ظهور حاجات زي دي في الموتور نفسه.
...
طب يا باشهندس , انا ظهر عندي مؤخرا مشكلة نزول مؤشر الحرارة عن الحد الطبيعي و المعتاد ( كان دايما عندي قبل المنتصف بشرطة بسيطة) و حاليا بقى يطلع وينزل , بس لما بينزل بينزل حاجة بسيطة عن العادي بتاعه يعني بيبقى قبل المنتصف برده بس بحبة حلوين , و اثناء المشي ممكن يعلى تاني ويوصل لمستواه الطبيعي و ينزل تاني وهكذا
اللي لاحظته ان فيه افيز على الخرطوط اللي داخل للموتور شكله بايظ تقريبا وبلاقي ميا مسربة حواليه و الميا بتنقص من القربة بشكل طفيف
السؤال : كده لو موضوع التسريب ده اتحل الحرارة ترجع تظبط ؟ ولا فيه مشكلة ف ثرموستات الكوعة؟
الخرافة المصرية وصلت السعودية و الثرموستات متشال من عربيتي قبل ما اشتريها
أكيد طبعا دايرة التبريد مش هتشتغل مظبوط لو فيها تسريب.. خصوصا إنها معتمدة على الضغط العالي.. بس الأعراض دي بتقول إن غالبا كده فيه مشكلة في ثرموستات الكوعة.
أتوقع إن العربية عمرها أكتر من 7 سنين .. مش كده؟؟ وإن حضرتك بتستخدم مية الحنفية..
لو كان توقعي صحبح.. يبقى حضرتك محتاج حاجتين.. أولا ..تغيير خراطيم مياه دورة التبريد (وغطا القربة كمان) والتأكد من إحكام غلق الدايرة وإن مفيش أي تسريب.
ثانيا.. تعمل دورة غسيل محترمة وتغير ثرموستات الكوعة.
...
للأسف... ده دليل على استسهال الميكانيكي اللي كان بيصين العربية
إذا كان الثرموستات اتشال غلشان العربية بتسخن.. فإزالة الثرموستات هي مجرد مسكن لأعراض سخونة الموتور... إنما المرض ما زال موجود وما اتعالجش.. وببساطة كده الميكانيكي معرفش يصلح العيب أو لقى إن تكلفة إصلاحه فيها تعب ومجهود.
ده غير إن فيه ناس مقتنعة بإن الثرموستات ﻻزم يتشال.. ودول بقى الله المستعان على دماغهم.
...
صاحب العربية كان مهمل فيها و شكله استسهل و الصنى معروف انه بيسخن لو ما اشتريتش الردياتير الاصلي بتاعه الخاص بالمناطق الحارة
الى يغيظ ان الغطا بتاع الترموستات مكسور و ملحوم
شكل المكيكانيكي بينه و بين الترموستات ثأر
لكن الحمد الله ان ايده ماتمدتش على المروحة لان فيه ناس بتوصل المروحة بالسلف و بمجرد تشغيل العربية تشتغل المروحة على طول و باستمرار
يعنى فيها كوع و ثرموستات و ممكن ردياتير