http://www.nilemotors.net/Nile/410256-a.html
عرض للطباعة
بارك الله فيك .. وزادك علما ونفعا للناس
خيركم من تعلم العلم , وعلمة
السلام عليكم ورحمة الله وبركاته
طيب ممكن سؤال لو انا دلوقتى جيت فى الشتاء رحت مركب الثرموثتات وفى الصيف اشيلهم
ده ينفع ولا ماينفعش
وبجد شكرا ليك على الموضوع ده وتسلم ايدك علشان الموضوع ده فعلا يخنق
علشان انا عندى استهلاك البنزين عااااااااااااالى جدا فوق ما حد يتخيل
واذا كان عليا عاوز اركب الثرموثتات دى ومقتنع بيها ولكن ناس كتير اوى خوفتنى منها لتبوظ وهى قافلة والعربية تولع والكلام ده بس
فا رأى حضرتك ايه اركب فى الشتا وشيل فى الصيف ولا اعمل ايه
العربية تولع؟؟؟
ماشي.. هي مش هتولع ولا حاجة... أقصى ضرر ممكن يحصل إن الموتور يجيب جوان وش سلندر.. وتصليحه سهل وغير مكلف.
ده كمان في حالة إننا مشينا بالعربية واحنا مش واخدين بالنا من عداد الحرارة إنه ارتفع.
تركيب الثرموستات شيء أساسي وضروري وما هواش رفاهية ... ده ضروري جدا عشان أداء العربية يتظبط
تقدر تشبه الثرموستات بالفرامل في العربية... لو سرعة العربية زادت بندوس فرامل علشان نحافظ على سرعة العربية في حدود الأمان...
الفرامل ممكن تبوظ... بس تقدر تستغنى عنها علشان احتمال انها تبوظ؟؟؟؟؟
معلش... ما تزعلش مني... بس كل اللي بيقول الكلام ده مش فاهم فايدة الثرموستات... ودماغه شغالة بنظام "الحافظ" مش "الفاهم"... وتيجي تسأله إيه السبب؟؟ يقوللك ما اعرفش.. أنا سمعتها كده.
...
موضوغ مغيد جدا ...... شكرا
بعد اذن حضرتك ليه سؤال،انا معايه النترا 2008، من حوالي شهر ونص كده لقيت مؤشر الحراره علي فوق النص وبعدين نزل لوحده وماتكررتش تاني،وبعدها بحوالي اسبوع رحت مشوار طويل في الزحمه وركنتها فتره ونزلت وانا بدور اتأخرت في الدواره وبعد مادارت مشيت طول الطريق مبرجله وسحبها وحش،رحت للميكانيكي لقي الحراره مش منتظمه قاللي كده الترموستات مش شغال وبعد تجربه كذا واحد ماشتغلش برضه فكنا مضطرين نشيله،طبعا الحراره دلوقتي زي ماحضرتك بتقول كده لو مشيت طريق مفتوح تقل جدا،المشكله الجديده دلوقتي ان العربيه ابتدت تبطل مني وهي ماشيه وبعد كده احاول ادورها تغيب جدا وتبرجل،ابطل وادور تاني تتظبط وتمشي عدل،رحت كشفت كمبيوتر العيب ماظهرش قاللي انا شاكك في سير الكرنك لكن لازم تجيلي وهي مبرجله عشان الكمبيوتر يقرا العيب،تفتكر حضرتك ده من ايه،انا اسف عالأطاله لكن الموضوع شاغلني ومش لاقي حل
بارك الله فيك موضوع اكثرمن رائع
أولا.. ثرموستات الكوعة بريء من الجريمة اللي اتهمه بيها الميكانيكي ده... بدليل إن العربية لسه مبرجلة حتى بعد ما شلته.
ده اللي قلناه في أول سطر في الموضوع الأصلي في أول مشاركة.. مش كل ما العربية تسخن يبقى ثرموستات الكوعة فيه مشكلة.
واضح جدا إن المشكلة كهربية في الأساس.. لإنك بتطفي العربية وتشغلها تاني تلاقي كل حاجة رجعت كويسة..
أتوقع إن المشكلة تكون في أحد الحساسات.. سواء حساس الكرنك أو الأيدل... واحتمال يكون فيه مشكلة الموبينة
أنا حاسس أصلا إن الموضوع كله ممكن يكون سلكة مش مربوطة كويس أو فيشة مش راكبة صح.
رجاء... رجع الثرموستات تاني... وما تخليش الميكانيكي يقنعك غلط بإن عدم وجوده أحسن... لو كان غلط كان زمانك غرقان في السخونية من زمان.
...