موضوع رائع ربنا يبارك لك
عرض للطباعة
موضوع رائع ربنا يبارك لك
جزاك الله خيرا
شرح رائع جزاك الله خيرا
موضوع اكتر من ممتاز والشرح رااائــــــــــع.بارك الله فيك
السلام عليكم
انا معايا جولف 4 - 1800 سي سي
وعندي مشكله ان العربية في الطريق السريع عداد الحرارة بينزل جامد واول لما ادخل البلد يرجع تاني 90
انا اشتريت العربية كده والميكانيكي لما شافها قال ترموستات الكوعة ملغية وهي اللي بيتعمل كدة
انا دلوقتي عايز اعرف ممكن تتركب تاني؟؟؟
ولو ينفع ايه هيكون النظام في الصيف العربية هاتسخن عن 90 انتو عارفين الالماني بيسخن في الصيف
فعلا.. كده الثرموستات ملغي
الثرموستات ممكن يتركب بمنتهى السهولة ومفيهوش حاجة صعبة... كل المهم إنك تجيب الثرموستات بتاع العربية الأصلي... لإن بيبقى فيه اختلافات في درجات الحرارة والمقاسات حسب الموتور المستخدم
http://pad2.whstatic.com/images/thum...sed-Step-4.jpg
إن شاء الله لو ركبت الثرموستات العربية حرارتها مش هتزيد عن علامة المنتصف.. بس الكلام ده يستدعي الأول إنك تشيك على الدايرة بالكامل وتتأكد إن مفيش أي تسريب.. وبعدين تعمل غسيل كويس عشان تشيل الرواسب.. وبعدين تركب الثرموستات وتحط ميه رادياتير.. يعني ميه خضرا أو حمرا أو أي نوع موصى عليه في الكتالوج
لو خايف من موضوع الحرارة في الصيف.. لازم كمان تتأكد إن الرادياتير عندك شغال كويس.. ولو كفاءته مش كويسة لازم تغيره بواحد أكبر أو بواحد 3 ماسورة عشان الجو في مصر.
ما تنساش كمان إن المروحة ليها دور مهم جدا.. ويفضل تكون راكبة على قميص بلاستيك زي اللي في الصورة ده
http://www.motorboneinc.com/eBay/Fan...%20E34-12V.jpg
القميص ده له دور أساسي في تحسين كفاءة التبريد.. ﻹنه بيجبر الهوا يعدي من كل الراديادتير ويروح للمروحة
حضرتك ممكن ترجع لبقية المشاركات في الموضوع... فيها إجابات عن أسئلة كتير ممكن تفيدك.
...
تقبل تحياتى على المعلومه المفيده
موضوع ممتاز وربنا يبارك فيك
انا امبارح ركبت ترموستات الكوعة بعد ما قريت الموضوع الرائع دة
العربيةبومة 1300 موديل 2007 اوتوماتك
بس لاحظت ان عداد ار بي ام بينزل عن معدلة حد 400 تقريبا لما اهدي او اشيل رجلي من الدواسة
فهل فية ارتباط وهل انتظر ان معدل البنزين ؟ وارجوك اريد ان افهم كيف يتم عمل تنظيف لدورة التبريد بالكامل
أنا آسف على التأخير في الرد.. كنت عايز أرد من زمان بس اتشغلت ونسيت خالص :(
على العموم.. أتوقع إن حساس العادم أو الأيدل محتاج يتنظف
المشكلة إن الحرارة لما بتنزل والموتور يبدأ دورانه يكون صعب .. الكمبيوتر بيعدل في نسبة خليط الهوا والبنزين علشان يرجع الموتور للدوران الصح... طبعاً غير إنه بيزود استهلاك البنزين بشكل كبير .. فكمان بتعمل ترسبات على الحساسات..
ده غير إن برمجة العربية ممكن تكون اتغيرت على حسب ظروف التشغيل..
متهيألي لو الموضوع برمجة وبس.. فالعربية هتتعدل لوحدها على حسب الظروف الجديدة.
...
أحد الأسئلة المهمة اللي قابلتها في المنتدى..
عندي مؤشر الحرارة بينزل شرطة لما أجري بالعربية على الصحراوي.. إزاي أعرف إذا كان نزول مؤشر الحرارة ده معناه إن الثرموستات متشال أو عطلان وهو مفتوح؟؟
متهيألي لازم ترجع لكتالوج العربية الأول..
أحيانا بيبقى مكتوب فيه ملاحظات على المواضيع دي
بس خلينا الأول نعرف الفرق بين الوضع الطبيعي والوضع الغلط
الوضع الطبيعي لدرجة حرارة التشغيل لازم مؤشر درجة الحرارة يشاور قبل علامة النصف بشرطة أو مسافة قصيرة جدا... زي كده:
http://nileup.com/up/uploads/nilemotors_13943118101.png
دي أقل درجة حرارة المفروض تشوفها وانت سايق بعد ما العربية سخنت
أحيانا.. مع الزحمة والحر الشديد وتشغيل التكييف.. أو بمعنى أصح .. مع الأحمال الزايدة.. ممكن درجة الحرارة تعلى شوية.. وممكن توصل بعد علامة المنتصف بشرطة أو مسافة صغيرة.. زي كده:
http://nileup.com/up/uploads/nilemotors_13943118102.png
ده طبيعي بردو.. بس ده معناه إن قدرة نظام التبريد (والرادياتير تحديداً) مش قادرة تتخلص من الحرارة الزيادة... وغالبا .. ده بيكون في العربيات اللي الرادياتير بتاعها معمول للمناطق الباردة نوعا ما.. بس المفروض ما يكونش موجود في أي عربية ياباني أو كوري معمولة بمواصفات الشرق الأوسط
لو الكلام ده بيحصل عندك.. يبقى فيه احتمال تكون محتاج تنظيف أو تراجع أداء مروحة التبريد
طيب.. إيه الوضع لما الثرموستات يبقى عطلان على الوضع البارد أو متشال من الدايرة؟؟
مؤشر الحرارة بينزل جامد ويوصل قبل علامة الـ"C" بحاجة بسيطة.. تقدر تقول إنه ما بيعلاش عن ربع التدريج.. زي كده:
http://nileup.com/up/uploads/nilemotors_13943118103.png
لو عندك الوضع زي الصورة الأخيرة دي.. يبقى عندك مشكلة في الثرموستات زي ما قولنا.. ولازم تجيب ثرموستات جديد.
ده لو عايز تحافظ على موتور عربيتك!!!