☎ ◣◥ هل ما زلت تستخدم التيلفون الارضي ؟ ◤◢ ☎

**S O P H O S** · 08-01-2013 07:15 PM

والله يا ياريس باشا كم اتمني
لكن حتي الموبيل مبقتش طايق اشيله
وعلطول مقفول علشان دماغي ..

**shaddadfalcon1** · 08-01-2013 08:49 PM

بقالي 9شهور بدفعه عشان اوصل النت وكل يوم اقول هروح بكره وعمال ادفع كل مره ال 65 جنيه عالأرض

**RAPID** · 08-01-2013 09:27 PM

ولا له اى لازمة الا النت فقط لا غير
وعلى فكرة هما عارفين كدة كويس ودى النقطة الوحيدة اللى بيلعبوا عليها
المفروض مدفعش غير مكالماتى بس لكن تقول لمين:(

**dede_dodo88** · 08-01-2013 11:14 PM

المشاركة الأصلية كتبت بواسطة Y a r i s

رواتب كبار المديرين بالشركة المصرية للاتصالات

عبدالحميد -------- -مرتب شهرى - 1670533(مليون و670الف و533ج)
محمد -------------مرتب شهرى - 1520529 (مليون و520الف و529ج)
عماد ------------------مرتب شهرى - 1278874(مليون و278الف و874ج)
سناء --------------مرتب شهرى - 1269193(مليون و269الف و193ج)
السيد م-----------------مرتب شهرى - 1215193 (مليون و215الف و193ج)
حسن ------------مرتب شهرى -1170231 ( مليون و170الف و231ج(
سيد -------------- -مرتب شهرى - 1090831 (مليون و90ألف و831)
خالد ------------- -مرتب شهرى - 1085462 (مليون و85الف و462ج)
طارق --------------مرتب شهرى - 756338 (756الف و338ج)
محمود-------------مد-مرتب شهرى - 390538 (390الف و538ج)
احمد ------------------ف-مرتب شهرى - 268837 (268الف و837ج )

هو الرغم أني شاكك في صحة الأرقام دي و حاسسها مبالغ فيها أوي على جهة حكومية.. لكن قطاع الأتصالات من القطاعات المربحة و فلوسها كتير.. يعني عادي تشوف الأرقام دي بس هتكون أقل شوية بس في شركات الأتصالات القطاع الخاص..

و أنا عن نفسي الخط الأرضي بستخدمه في حاجتين لا ثالث لهم.. أني موصل عليه خط الأنترنت و بطلب بيه الدليفري lol

**mohamed_selim** · 08-01-2013 11:21 PM

الارقام ممكن متكونش صحيحه بالظبط بس المرتبات فى المعدل المذكور للشاده المذكور اسماءهم و المكافئات والبدلات برضه كبيره زى ما هو مذكور و ده من واحد صاحبى كان بيشتغل تحت عبدالحميد اللى اسمه فوق و سابهم من سنتين
و فعلا قطاع الاتصالات مربح و المفروض ده بيتوزع على الموظفين و نسبه مختلفه من سنه للتانيه بس هنا بنتكلم على مرتبات و بدلات ثابته بالضافه ان المصريه للاتصالات بتخسر بقالها فتره فلازم اعادة نظر فى العك ده !

**Ahmed_Adham** · 09-01-2013 01:01 AM

حرام عليك فكرتني بالهم اللي انا فيه. أنا غيرت شقتين ومفيش بوكس ونفسي أركب أرضي عشان النت. دلوقتي شغال usb من فودافون وكل شهر بعدي ال 15 جيجا وشغال بخطين والجرافيك على النت كله كواليتي زفت.

بمناسبه ال dsl فيه في تركيا 16 ميجا ب 250 جنيه في الشهر بشرط الاستخدام العادل اللي هوه ايه بقى؟ أول 100 جيجا دونلود على سرعه 16 ميجا وبعد كده انليميتد على 3 ميجا ههههههههههههه مش ال 64 كيلو بتاعنا.

حد طالع معايا على تركيا؟

**CaptaiN-AhmeD** · 09-01-2013 07:31 AM

ياعم انا والله العظيم كسرت عدة التليفون بسبب الحوار دا وقولت يجطع النت عالنتيييت عال هينتتو عليه

كل كام شهر بدفع فلوس زي الـ.. لآمؤخذه ولا بستخدم عدة التليفون الي قربت تبقى في المتاحف بره مصر ولا عمر حد اتصل بيا ارضي اصلاً كله موبايلات بس

ولقيت نفسي يوم ما بحب اعمل مكالمه شغل للضرورة القصوى الي هي مره ف السنه اسمع صوت واحده كويتيه بتكلم واحد هنا شكلهم متجوزين وبيشتغلو بعض والله اعلم !

وف نفس الحاره الضيقه دي الاقي نت زي الطين والقطران والهباب وبيقطع كل خمس دقايق لازم يريح دقيقتين ع جنب لدرجة اني كنت هتشل والله جابلي الضغط

روحت لشركة تي اي داتا قالولي العيب من خط السنترال وهنبعت واحد يصلح البوكس بتاعك

هناك اما راح الواحد دا حاول لمدة تلت ايام يصلح البوكس بتاعي هو وموظفين السنترال وف الاخر قالولي العيب م البوكس وشكرا ع كده قومت مكسر عدة التليفون خالص ومديها شالوووط محترم

ومرضيتش ادفع فاتورة الارضي ولا فاتورة شركة النت

والله ويمين الله كمان مره يا ابو تركي 4 سنين ونص بستخدم انترنت بمشكلة البوكس دا (يشتغل خمس دقايق , ثم يأخدله دقيقتين راحه )

قطعوا خط التليفون قوللتهم ف داهيه والله بالعند فيكو مانا دافع ولا عايزه اصلا ولا عمري استخدمته

شركة النت من تلت شهور بتتصل بيا قولتلهم في داهيتين انا عمري ماحسيت اني عندي نت اصلاً واديني مطارد من الجهتين :d

لحد ماجبت فلاشة فودافون ستريمر ب100 جنيه واختها ف اتصالات بردو ب 125 تقريبا طول الشهر لا استخدام عادل ولا بطيخ اتصفح وعيش براحتك بس مش تفتح اوي يعني متكونش من هواة داونلود الجيميز والافلام غير كده عيييييييييييييش ووالله نعمه ناقص كل يوم ابوس الفلاشه وش وضهر :d

انصحك والله فكك من حوار التليفون الفاشل دا واعمل زي اخووك

وآسسف للاطاله ونقل تجربتي المريره

**CaptaiN-AhmeD** · 09-01-2013 07:35 AM

نسيت اقولك ع فكره الفلاشه الحمد لله ماشاء الله سرعتها صارووووووخيه بمعنى الكلمه

فرق السما والارض الانترنت ابن المشاليل دا بتاع شركة النت كان لو ربنا نفخ ف صورته واشتغل الخمس دقايق ع بعض اجي احملي اغنيه ولا بتاع السرعه كان اخرها 17 Kb/sec يوم ما يقول انا اسسسد

هنا الحمد لله بتوصل معايا ل 900 kb/sec مستريح لو مهيس

بس نقي يو اس بي تكون شبكتها عندك ف الشقه حلوه يعني لو عندك فودافون شبكتها عاليه هاتها لو اتصالات هاتها

عايز نت ببلاش بمعنى الكلمه (بس شلل وشبكه زفت ) مفيش غيرها ام نبيل

**mesaharaty** · 09-01-2013 10:06 AM

أنا شخصيا مخليه فى البيت برضه علشان خاطر النت بس ولولا كده كنت لغيته من زمااااااااااااااااااااااا ن .
أنا يمكن باعمل مكالمة واحدة ولا اتنين فى الشهر كله .
المدام هى اللى بتتكلم فيه كتير يعنى بالعربى التليفون الأرضى هو للمدام بنسبة 95 % .
وبرضه مضطر للدفع كل 3 شهور علشان تفضل الخدمة شغالة .

**Y a r i s** · 09-01-2013 11:41 AM

طيب سؤال لولبي كده الفلاشة بتاعت اتصالات. او فودافون
انا مثلاً بحب اتفرج على اليوتيوب يومياً بتفرج بالليل كده على فيلم ولا فيلمين من الجداد
لاكن لا بعمل داون لووود ولا يحزنون على الفلاشة دي هتسعفني اني اتفرج براحتي ولا هيا للتصفح فقط وشكراً لنقل تجاربكم المفيدة يا غاليين والله ِ الواحد منكم يستفيد بجد .... وكفاية اني احس اني مش لوحدي الي في الدنيا. الي هيحيلو شلل من الفواتير والخدمات الزبالة بتاعت الشركة المصرية للاتصالات .... وتحياتي

مشاهدة نتائج الإستطلاع: هل التيلفون الارضي ليه أي أهمية بحياتك ؟

الموضوع: ☎ ◣◥ هل ما زلت تستخدم التيلفون الارضي ؟ ◤◢ ☎

LinkBack

أدوات الموضوع

عرض

-

-

-

-

-

المواضيع المتشابهه

هجنن من سلك الارضي

الارضي بيفصل

التلفون الارضي بقي مباشر

دفع فاتورة التليفون الارضي عن طريق Atm ؟؟

الكلمات الدلالية لهذا الموضوع

المفضلات

المفضلات

ضوابط المشاركة