الموضوع: جراج كهرباء فكره كويسه ؟

مع احترامي للجميع

الباب ده انا عايشته في السعودية فترة طويلة جدا في الصيدلية
كان بيبقى فيه ريموت زي الانذار بالظبط والباب بيبقى باب خاص بس شكل الباب الصاج بتاعنا... الفرق ان المجرى بتاع الباب الصاج لازم يكون متزن جدا ومفيهوش عوجة ولا أي احتكاك مع الباب.... وعشان كده كان المجرى متركب على وش الجدار من برة
الموتور كان راكب جنب بكرة الباب من فوق ومن ناحية جوه طبعا... وكان كبير بحجم موتور المية وكان له كرونة او جير بوكس نازل منه سلسلتين ...واحدة عشان تمور التروس وواحده عشان تعشقهم... والسلاسل دي كنا بنستخدمها لو حصل اي عطل او قطع للكهربا مثلا لأنه صعب جدا جدا انك ترفع الباب او تنزله وهو معشق (تمام زي العربية)

هو جميل جدا جدا جدا... بس فاكر مرة عطل بهدلنا معاه... فيه بعض العربيات فيها زرار جراج بيلت ان بيبقى فوق المراية بتاع الصالون وده بيتم برمجته على كارت الكونترول بتاع الجراج

أشهر مكان فيه الابواب دي هتلاقوه في الماركت بتاع هايبر وان كل ابوابه كده... بس معمول لها مفتاح كونتاك زي العربية

هي دي الشركة اللي كنا متعاملين معاها في السعودية بس كان مويل الموتور اللي عندي مختلف
[youtube]http://www.youtube.com/watch?v=NAtmh1w7eKc[/youtube]

المشاركة الأصلية كتبت بواسطة sakr1964

هى فعلا فكرة جميلة وبسيطة جدا جدا فى نفس الوقت يعنى ممكن حضرتك تعملها بابسط المكوانات وانا حشرح فكرتى:

اولا حنعمل بوابه حديد دلفة واحدة تمشى على عجل بنصف دائرة....

ثانيا حتشترى موتور تحريك الدش طبعا فاكرينوه

ثالثا وحدة تحريك الدش بالريموت

حنبدا الحركة عند الرقم (1) ويكون الباب مغلق

ثم تقوم بفتح الباب وتخزين الفتح على رقم 2 مثلا او اى رقم سرى تعرفه انتا فقط*

بالتالى سيتم اعطاء الموتور امر تشغيل من وحدة التحريك يحمل رقم 2 او اى رقم تختارة سيغلق الباب ثم نعطيه الرقم 1 سيفتح الباب افتكر الفكرة وصلت اى خدمة ....*

موتور الدش تصميمه انه يحرك طبق بالكتير 6كيلو قول ياسيدى لغاية 15 كيلوا كمان وده غير ممكن انت عارف البوابه الحديد وزنها كام بقى