الموضوع: موضوع مفصل عن ما يخص الأوكتافيا من أداء وثبات ( الجزء الأول )

المشاركة الأصلية كتبت بواسطة lanos2004

بس اقول لحضرتك على حاجه
انا عندى لانوس فعلا بس انا بسوق من عمر 15 سنه
اول عربيه اتعلمت عليها مازدا 929 -2000 سى سى -الماتور مكتوب عليه 2l--فاكر شكله كويس ومكنتش اعرف يعنى ايه 2l
اول عربيه امتلكتها كانت ابيزا -1994 1600 سى سى سبور باب واحد عفشه رياضيه جنوط ابيزا اصليه-من الزيرو ولله الحمد
شوف العربيات الى امتكلتها-بعدها-من كل الانواع-زى سكودا فليشيا-لانسر تويوتا نيسان -ليجانزا وكانت 110 الف جنيه تخيل و هيه دايو-هوندا 1991-هوندا 2006-هوندا جاز-هوندا اكورد موديل التسعينات-نوبيرا-اوبل فيكترا 1997وفيكترا2001-نوبيرا -وفورد فوكس ودى اكتر عربيه حبيتها زى الابيزا---وبعدها الانوس بتاعت الشعب كله والى احتلت مكان 128 بصدارة
تقولى سوقت بقه ايه اقولك سوقت عربيات عجب بتاعت قرايبى واصحابى-للتجربه
والحمد لله تخيل عندنا اوكتافيا فى البلد اصل بلدنا فيها وباء اسمه اوكتافيا بسبب طارق الكمونى-بس دى مغيرة ماتور 2000سى سى 150 حصان وعربيه بجد مش 102 حصان زى عربيتاكم الى لما توصل سرعه 210 تعملوا ليها احتفال
با ختصار
الحمد لله انا عندى خبرة كويسه جدا فى العربيات وميزة كل واحدة فيهم-انا عمرى 42 وبسوق من عمر 15 سنه--يعنى 27 سنه عربيات
وعن نفسى ممكن اكون سايق اكتر من اتنين مليون كيلو-لان هوايتى كانت السفر-ما فيش مكان فيكى يا مصر او بلد مرحتوش--ودماغك متروحش بعيد انا مخلص فنون جميله--والسفر مفيد لثقافتى وذاكرتى البصريه-
نرجع لموضوعنا
انا مقلتش ان الانوس افضل من اوكتافيا باى شكل من الاشكال--انا عارف دى ايه ودى ايه كويس جدا
بس احب اقولك ان اوكتافيا سلحفاه وبطه بالنسبه لعربيات كتير جدااا
ولو حضرتك شايف عكس كدة
هات اشد اوكتافيا عندكم -1600 سى سى ونجريها مع لانسر او سيراتو او فيرنا او لانوس
والنتيجه محبطه جدا لاوكتافيا -فى التسارع والتوب سبيد فقط-الاوكتافيا ممتازة فى كل شىء بس بطه
انا لو ربنى كرمنى بفلوس زى زمان-وهشترى عربيه اهم شىء عندى الماتور والثبات -ومقدرش اتنازل عن ماتور قوى وانا بدفع مبلغ يقارب 200 الف جنيه

بنلف وندور في حلقة مغلقة ونفس الكلام بيتكرر ومعاه نفس الردود بتتكرر..ولا كأننا بنتكلم ونرد..ويبقي الجدال علي غير دراية والمكابرة في الصدارة :)

والغريب منكم هو تجاهل بعض الردود لينا معرفش السبب إيه..يمكن إستهزاء !! أو يمكن عدم وجود رد مقنع ومناسب لكلامنا :)

يا عزيزي إذا كنت بتسوق من سن 15 سنة..فالعبد لله بيسوق من أيام ما كان بيحط شلتة علي الكرسي عشان يشوف الطريق :)

وإشتريت عربيات أشكال وألوان وممكن أديك أمثلة زي بيجو 504 - مرسيدس 200 موديل 88 - أوبل كورسا - أوبل فيكترا - سكودا أوكتافيا a4 - دايو نوبيرا ( مرتين ) - هيونداي إلنترا 94 - تويوتا كرولا 99- bmw e39 individual - وأخيراً سكودا أوكتافيا فانتازيا 2010 و مرسيدس فياجرا s320 long wheel base - وفولفو s60 جاية في الطريق أهو إن شاء الله :)...
إليك ما يوجد في العيلة بقه :- bmw e90 - mercedes w210-mercedes w211 7gtronic w211-bmw e60-لانسر كريستالة 1300 موديل 98-chevrolet lanos 2011-هيونداي إلنترا 2012 - جيتا 2010-سيراتو 2012 أول فئة أوتوماتيك..

مش هقولك علي تجربتي لكل عربية من دول..بس ممكن أقولك تقييم شخصي من تجارب مستمرة علي مختلف الظروف بالترتيب كده طبعاً ده بالنسبة لعربيات العيلة مليش دعوة بعربياتي أنا دلوقتي :-

1- mercedes w211 7gtronic.
2-bmw e60
3-(330i bmw e90
4- جيتا 2010
5- elantra 2012 / cerato 2012 الإتنين زي بعض
6- لانوس 2011
7- لانسر 98..

التقييم ده overall .. يعني زي ما حضرتك عندك خلفية كويسة..عندي أنا كمان ولله الحمد خلفية كويسة..ومتمرس في المجال ده من سنين لدرجة إني بحلم أكون تاجر عربيات كبير في الظروف المهببة اللي احنا فيها دي D:
أما بالنسبة لموضوع سلحفاه وبطة ووزة وكمية الزواحف والطيور اللي هجمت علي المنتدي دي..فمهما قولت ومهما عدت..يبقي الدليل واضح أمام سعادتك في الموضوع اللي تم صياغته في أول صفحة..

تحياتي يا باشا