أنا لغيت حجز السوبر صالون 2013

**man1974** · 08-01-2013 10:45 PM

السلام عليكم
النهارده يا أخوانا أنا لغيت حجز السوبر صالون 2013 من توكيل آي إف جي في الإسماعيلية بعد انتظار شهرين وخسمة أيام (كان مكتوبلي في الإيصال التسليم خلال شهر ونصف).

أنا بصراحة أصبحت الآن متأكد أن نيسان مش ممكن تكون شركة، ومستحيل تكون يابانية.
عملت شكوى يوم 2 يناير ولا حد حتى كلف نفسه يتصل بالعميل لحل المشكلة. فعلا الشركة دي مش ممكن الواحد ينتظر منها أي حاجة لأن الجواب ببيبان من عنوانه.

التوكيل قالي تاخد قيمة الحجز بعد 10 أيام (2000 جنيه). يعني الواحد يتلطع وهو بيستلم وبرده يتطلع هو بيلغي. عموما خليهم يشبعو بالعربية ويزودو سعرها ولا حتى يعملوا عليها خصم. فعلا نيسان أسوأ تجربة شراء سيارة. منهم للله خسروني كثير. بعد ثلاث أسابيع من الحجز اتصلو بيا وجابلوي عربية متخربشة، لكن خطأي إني روحت سحبت الفلوس من البنك قبل ما شوف العربية. ونص الفلوس كانت باليورو والنص التاني بالدورلار. وطبعا حولت الفلوس بالمصري. وكان الدولار أياميها 6.05 جنيه ودلوقتي بـ 6.45. وكان اليورو بـ 7.75 جنيه ودلوقتي بـ 8.47. يعني كده خسارة مش أقل من 7000 جنيه. وده كله حصل لأني كنت منتظر يكلموني في أي وقت. منهم لله

**youssef_u** · 08-01-2013 11:07 PM

اولا ربنا يعوض عليك في الخسارة و لعله خير
ثانيا مشكلة الحجز دي في كل التوكيلات بسبب البيع باوفر برايس و بعديها الدولار زاد و وقفوا التسليمات لحد ما يحددو السعر الجديد

**kliken** · 08-01-2013 11:51 PM

قدر الله و ما شاء فعل و ربنا يعوضك خير ان شاء الله
بس تقريبا كل التوكيلات فيها حجز و تأخير استلام و زياده الاسعار الحاليه فى جميع الماركات و التوكيلالات

**Mohab555** · 09-01-2013 12:15 AM

الحمد لله ويمكن ملكش خير فيها .... العربية كويسه جدا طبعا و مفيش كلام على كفاءتها بس فعلا الناس بدأت تشتكى من سوء معاملة التوكيل خصوصا فى موضوع الحجز و التسليم و الكلام ده و فى كلام اصلا ان التوككيل وقف التسليم علشان الزياده الجديدة فى الاسعار الى عاوز يطبقها ... وده هيخليه يخسر كل الى كسبه من نجاح مع الصنى الشكل القديم ... بص لو مقتنع بالعربية اوى ممكن تشوفها عند معرض بره بس هتدفع اوفر برايس ... و لو مش كده هاتلك حته ريو كده زى حلاتنا و نور نادى الكيا ريو معانا ... هههههههه
صلى على النبى و متزعلش نفسك

**man1974** · 09-01-2013 12:23 AM

شكرا ليكم جميعا. كله خير إن شاء الله.

**abdulmoniem** · 09-01-2013 09:44 AM

http://www.nilemotors.net/Nile/328983-a.html

**abdulmoniem** · 09-01-2013 01:36 PM

بشمهندس أحمد حسن من شركة أوتو إيجيبت ..

كلمني دلوقتي وقالي إنه هيلاقيلي عربية في خلال 5 أيام .. بالسعر القديم

وقالي إنه هيطبق كل الكلام ده على العملاء إللي متأخرين في الحجز

أما الناس مثلاً إللي حجزت ولسة فترة السماح مخلصتش هيستلموا بالسعر الجديد

**jojojojo** · 09-01-2013 04:34 PM

لا حول ولا قوه الا بالله ربنا يعوض عليك ومصر فعلا بقت السرقه والنصب فيها عيني عينك وع فكره التوكيلا ديه يعتبر بتربح حرام عشان بيبعوا السلعه اكبر من تمنها وبيستغلوا الناس وده اسمه غش وربنا يعوض عليك بافضل منها

**kliken** · 09-01-2013 06:19 PM

ممكن تكلمهم تانى تشوف اذا كانوا هيسلموك بالسعر القديم و لا الجديد

الموضوع: أنا لغيت حجز السوبر صالون 2013

LinkBack

أدوات الموضوع

عرض

-

-

-

المواضيع المتشابهه

تقريرى المصور عن يعض الاضافات الجديده للنيسان صنى 2013 فئه السوبر صالون

الزجاج الفاميه للصني السوبر صالون 2013

حصريا ً :: الاعلان العماني لنيسان صني السوبر صالون 2013 قبل نزولها بمصر

السوبر صالون و ال اي اكس

ما الذى يمكن إضافته للنيسان الإى إكس صالون من السوبر صالون وبكام

الكلمات الدلالية لهذا الموضوع

المفضلات

المفضلات

ضوابط المشاركة