مشكلة زيادة السعر مع السبع مصر الجديدة

**mido_mask** · 10-01-2013 04:21 AM

السلام عليكم ورحمه الله وبركاته
أولا يا جماعة أنا بحب أشكر المنتدى ده وأستاذ أحمد على المجهود الكبير المبذول
أنا اتعلمت هنا كتير وبقيت لازم كل يوم أدخل المنتدى عشان اشوف الجديد واتعلم من الخبرات الموجودة
فـكان لازم أشكر القائمين على المنتدى ده وأستاذ أحمد خصوصا .

نيجي بقى ل مشكلتي أنا حاجز في 1/12 عند السبع مصر الجديدة ودفعت 5000 والمفروض إن التسليم خلال شهرو نص لشهرين دلوقتي طبعا السعر زاد ولما كلمت المندوب قال لي احنا رجعنا نسلم تاني بس b 104 . أنا حاولت اكلم نيسان و قلتلهم إن ده تهريج واحنا حاجزين من زمان وبعد كده قلتلهم أنا هلغي الحجز , فـأنا مش عارف أعمل إيه مع السبع لإن البنك أنا ودتله عرض سعر b-102 و طبعا موافقه البنك محتاجة تجديدعشان عدى عليها أكتر من شهر ومندوب البنك بيقولي لازم أروح السبع أجيب عرض سعر جديد فـأنا مش عارف أعمل إيه معهم بصراحة ؟؟؟هل خلاص اسلم وادفع ال 2000 جنيه ولا أروح السبع واكلمهم في الموضوع ده .
ملحوظة أنا كاتبينلي على ظَهر الوصل إن السعر وقت التسليم ولما رحتلهم اخر شهر 12 قلتلهم أنا عاوز استلم عشان أنا سامع إن فيه زيادة عشان الدولار المندوب قال لي مفيش زيادة ولا حاجة

**youssef_u** · 10-01-2013 05:42 AM

كلنا في الهوا سوا يا باشا انا حاجز السوبر صالون من شهرين وتلات اسابيع بالظبط وهستلم بالسعر الجديد

**mido_mask** · 10-01-2013 07:47 AM

المشاركة الأصلية كتبت بواسطة youssef_u

كلنا في الهوا سوا يا باشا انا حاجز السوبر صالون من شهرين وتلات اسابيع بالظبط وهستلم بالسعر الجديد

بس مش شايف إنك استنيت كتير قوي و في الآخر ندفع زيادة
ده أنا مستني 40 يوم ومش عاوز ا دفع الزيادة إنت المفروض متدفعشي بال سعر الجديد عشان إنت مستني من بدري جدا وده رأيي بصراحة بس إنت حاجز فين ؟؟؟

**youssef_u** · 10-01-2013 12:22 PM

المشاركة الأصلية كتبت بواسطة mido_mask

بس مش شايف إنك استنيت كتير قوي و في الآخر ندفع زيادة
ده أنا مستني 40 يوم ومش عاوز ا دفع الزيادة إنت المفروض متدفعشي بال سعر الجديد عشان إنت مستني من بدري جدا وده رأيي بصراحة بس إنت حاجز فين ؟؟؟

اوتوايجبت المهندسيين

**shomany** · 10-01-2013 01:04 PM

انا حاجز ex من يوم ١٧/١٠ ومستلمتش و كنت بكلمهم امبارح وعدوني انهم هيوفرولي عربيه بالسعر القديم وبعد المكالمه فورا جالي مسج ان السعر زاد !!! وبعت ايميل بشتكي فيه لنيسان ميدل إيست انهارده ومش هستلم بالسعر الجديد .. ان شاء الله

**HaNo_ELBeh** · 10-01-2013 01:20 PM

انا كمان كنت حاجز من شهر 11 وامبارح كلمونى من اوتو ايجيبت وعرفت انى هستلم على السعر الجديد مافيش فايدة

**mido_mask** · 10-01-2013 03:06 PM

المشاركة الأصلية كتبت بواسطة shomany

انا حاجز ex من يوم ١٧/١٠ ومستلمتش و كنت بكلمهم امبارح وعدوني انهم هيوفرولي عربيه بالسعر القديم وبعد المكالمه فورا جالي مسج ان السعر زاد !!! وبعت ايميل بشتكي فيه لنيسان ميدل إيست انهارده ومش هستلم بالسعر الجديد .. ان شاء الله

أنا يا باشا بعت ميل ل نيسان ميدل إيست وال سبع كلمني وقالي مش هينفع ولازم تستلم بال سعر الجديد وعاوزين يسلموني النهاردة أو بكرة
السؤال ل حضرتك الكلام ده عند السبع ولا موزع تاني ؟؟؟؟