أربع عربيات خبطه فى بعض بسبب المطرة, وأنا كنت واحد منهم ( 08/01/2013 )

**verna2008auto** · 09-01-2013 12:09 PM

قدر الله وماشاء فعل ...فعلا الحزر لا يمنع القدر ...
للاسف ياسيدي الفاضل .. اي حد لو لاقدر الله مكانك .. كان ده ها يكون برده نفس التصرف ...
لكن لو حد جامد وبلطجي وبايت في الشارع وفاضي ومش لوحده كان عرف ياخد فلوس او (يدشمل السواق الغلطان اللي خبطك من ورا ده )
والله انا با حس بضعف شديد وقلة الحيلة مع الناس دول للاسف مافيش قانون يحمي الناس العاديين اللي زينا
:b4_444::b4_444::b4_444::b4_444:

**abogharib** · 09-01-2013 12:36 PM

المشاركة الأصلية كتبت بواسطة verna2008auto

قدر الله وماشاء فعل ...فعلا الحزر لا يمنع القدر ...
للاسف ياسيدي الفاضل .. اي حد لو لاقدر الله مكانك .. كان ده ها يكون برده نفس التصرف ...
لكن لو حد جامد وبلطجي وبايت في الشارع وفاضي ومش لوحده كان عرف ياخد فلوس او (يدشمل السواق الغلطان اللي خبطك من ورا ده )
والله انا با حس بضعف شديد وقلة الحيلة مع الناس دول للاسف مافيش قانون يحمي الناس العاديين اللي زينا
:b4_444::b4_444::b4_444::b4_444:

هو اى حد ياخد حقو فى البلد يبقى بلطجى من وجهه نظرك ؟؟؟؟

**Elsebily** · 09-01-2013 12:57 PM

هو طبعا اللي غلطان مطر ايه مادام مطر يبقي يمشي براحته

**tutankhamoun** · 09-01-2013 01:06 PM

طبعا اللي مودي البلد في داهية ..... هو أنت هاتقبل عوض يا بيه و الكلام الفكسان ده .
لذلك أي حد بيعمل اي حاجة و البلد عايشة في البالوظة و محدش بيأخد حقه ... و آخرك تخبط دماغك في الحيطة .

طبعا سواق اللي خبطك هو اللي غلطان علشان مش عامل حساب المطر و فاكر نفسه شواماخر ....
البلد بقت تقرف .
و للآسف طول ما مفيش قانون و شرطة تجيب حقك ........ آخرك تعمل خناقة مع الواد الغلطان و شكرا على كدا .

**tutankhamoun** · 09-01-2013 01:07 PM

حاجة كمان ....

تلاقي الناس ... تستغلب الواد ....... و تشهد معاه هو كمان و يقولك أصله شغال على العربية و غلبان و طالع يجيب آكل عيشه .

و احنا بنبيع مخدرات ..........
آه يا بلد ......... آه يا شعب

**المنسي** · 09-01-2013 01:21 PM

معلش يا ابو ياسين البلد دى هو ده حالها اللى زينا بيمشي جنب الحيط مع العالم دى لانك عارف ان احنا بالنسبة لهم بهوات الحمد لله على كل حال

**abogharib** · 09-01-2013 01:54 PM

المشاركة الأصلية كتبت بواسطة verna2008auto

اللي بيعرف يجيب حقة يا مومبيك في ظل عدم وجود القانون يبقي (( بطل )) لان مش كل الناس بتعرف تزعق وتتخانق وعندها قابلة للبهدلة

وكان تعليقي ان مواصفات الشخص الايام دي ( في وجهه نظري ) اللي يعرف يسد مع حد شايف نافسة مش غلطان وهوا غلطان وبجح وكمان يسد في المعارك والخناقات والزعيق والبهدلة انة اعتقد لية مواصفات خاصة .. زي ال (( مارينز كده ))القوات الخاصة البتنجانية الامريكية ...
او يكون شبة ارنولد شوال زينجر مثلا
او ممكن

لكل مواطن محترم سايق عربية يشتري بلطجي في شنطة العربية يستخدمة وقت الخناقات

(( مافيش قانون )) (( مافيش التزام )) (( مافيش حق )) = ظلم كبير

ايه الكلام الكبير دا يا باشا بصراحه عجبنى كلامك جدا
بس الحكايه كلها فى الاول و الاخر قلب يعنى لو حد خبط عربيتك و نزلت تتكلم معاه بالذوق هتلاقى بيبجح و شايف نفسو ..ابسلوتلى انت لما حد يخبط عربيتك تنزل تديلو علقه تمام مينسهاش طول حياتو

بس طبعا لو مثلا راجل فى سن ولدى و خبط العربيه اكيد يعنى مش هتخانق معاه او اقولو حاجه احتراما للسن
وربنا يكفينا شر الطرق و الحوادث

**أبو يوسف** · 09-01-2013 02:54 PM

الغريب والله ياجماعة
أن الناس كلها والله حوالى 25 شخص بيكلمونى وكأنى أنا اللى غلطان , وكلام ملوش أى لازمة ( معلش , كفاية انك بخير , فداك , كويس انها جت على كدة ) وسيبين السواق والله والله ما حد كلمه ولا كلمة
وتلاقى اللى بيكلمك دة كان بيتخانق مع السواق على نص جنية فى الاجرة , لكن لما الموضوع يجى عندك يقولك معلش
ذنبى أية انا اتغرم حوالى 2000 جنيه فى خبطة أنا مليش زنب فيها , والله العظيم ياجماعة انا مرة العربية ريحت مني على تاكسى ونزلت بقولة حقك عليا متزعلقش , يرد عليا يقولى أعمل بيهم أية دول والغريب ان العربية بتعته مفهاش خدش , قولته طيب اعملك اية يعنى يقولى وانا كمان اعمل اية , قولتلة أخبط دماغك فى الحيطة واتنرفزت ولما لاقينى اتنرفز قالى خلاص يابية حصل خير
مش عارف هو الاحترام مبقاش ينفع لازم أكون قليل الذوق والادب
حسبى الله ونعم الوكيل
أبو يوسف

**newcastle** · 09-01-2013 03:30 PM

كل الطرق زي الزفت كلها هبطانه من حتت و فيها حفر ونقر واللي يزيد الطين بله ان الناس معندهاش اي تمييز ولا على مستوى اي مسئوليه كله ماشي سريع وكله عمال يغرق في بعضه واللي مستغرب كلامي يمشي في الدائري او اي طريق ويشوف الناس ماشيه ازاي

-

الموضوع: أربع عربيات خبطه فى بعض بسبب المطرة, وأنا كنت واحد منهم ( 08/01/2013 )

LinkBack

أدوات الموضوع

عرض

-

-

-

-

-

المواضيع المتشابهه

مبروك للأعضاء المتميزين... وأنا أول واحد يبارك :)

أربع فلاتر بتكلفة فلتر واحد للسيارة الميجان2

محتار بين أربع عربيات

خبطه بسبب ظابط شرطه

مع الاعتذار لكل الهيندواية اللى انا واحد منهم

الكلمات الدلالية لهذا الموضوع

المفضلات

المفضلات

ضوابط المشاركة