الحمد لله ان العربيه رجعت تانى سليمه زى الاول
رقم العضوية : 59518
تاريخ التسجيل : 20Jan2010
المشاركات : 2,160
النوع : ذكر
الاقامة : cairo
السيارة: Lanos 2
السيارة[2]: Lancer 2007
دراجة بخارية: No
الحالة :
السلام عليكم
زي ما وعدتكم اني هعمل تقرير شامل بعد ما عملت طقم شنبر للعربية حبيت اوفي بوعدي
في الاول بشكر الاخ مصطفي prisoner و الاخ محمد الجرجاوي علي تعبهم معايا و هم فعلا اخواتي الكبار و متأخروش عني في اي حاجة
نبتدي الموضوع من الاول و بالتفاصيل المملة لاني مش عايز اي حد يحتار الحيرة اللي وقت فيها دي:
العربية بتاكل زيت و بعدين الموضوع بقي زيادة و مرة في مرة العربية بقت تطلع دخان اكتر من الاول من الشكمان و في يوم طلعت دخان فظيع و فيه بوجية فصل غيرت بوجيهات و قولت هتمشي و تاني يوم البوجية قطع فقررت اني خلاااااااص زهقت من العطلة و القرف خصوصا اني مش بعرف استغني عن العربية
المهم كلمت الاخ مصطفي فقالي انه مغير موتورة بموتور 1500 2 كامة و مبسوط منه جدا و تعالي ننزل الحرفيين نشوف و فعلا نزل معايا و لف معايا بمنتهي الاخلاص و لقينا التكلفة بالتركيب بتبديل الموتور القديم بالجديد 4500 لو هتسيب الفتيس مانيوال و 5000 جنية لو هتخلي العربية اوتوماتيك
المهم وقفنا نتناقش علي رواقة فقولتله انا بصراحة مش هقدر ادفع التكلفة دي خصوصا اليومين دول فقالي خلاص اعمل عمرة لمتورك و ريح نفسك
قولت خلاص مبدهاش بقي كلمت المتخصصون و طلعت علي هناك
وصلت فقابلتهم المهم قالولي ايه اللي حصل بالظبط قولتلتهم كذا كذا و انا اتخنقت و عايز اخلص
كشفوا علي العربية و كبسوا بنزين جامد كذا مرة فلقينا فعلا الدخان كتير فقالولي قدامك حلين يا اما تعمل عمرة يا اما نص موتور سفلي 1500 يركب علي وش السلندر بتاعك و الكربيراتير و بنرشحلك العمرة لو عايز توفر و لو انت مش بتاع جري و مش محتاج التسارع قوي (هم مش بيحبوا التعديل هم حافظين العربية اللي التوكيل منزلها و شاطرين فيها جدا غير كده لا و ده عيب فيهم)
قولتلهم انا العربية معايا مش مزعلاني في حاجة و توكل علي الله و فك اعمل عمرة
ابتدينا الفك و الصور كالتالي:
دي اول صورة بعد ما فكوا البطارية و بعض متعلقات الدبرياش
و دي صورة القنطرة بتاعة الموتور اللي بتبقي بطول الحوض من تحت و عليها قاعدتين موتور
و دي قاعدة من القاعدتين اللي علي القنطرة لقيتها مقطوعة
و هنا ابتدوا يركبوا السلسلة اللي هيرفعوا بيها الموتور و للعلم هي مش اي سلسلة هي سلسلة مخصوص لحاجة زي كده و اخرها من الناحيتين فيه مسمار معين بيقفل عليها عشان الموتور ميفلتشي منها
[IMG][/IMG]
و دي صورة الطنبورة الشمال بالصرة بعد ما فكوا الكوبلن منها و باين ان صمولة الكوبلن مش موجودة
و دي لما ابتدوا يرفعوا الموتور و دي بقي لحظة صعبة جدا علي صاحب العربية بتبقي خايف و بالنسبة للصنايعي بيبقي خايف ليكون نسي حاجة مبروطة ده غير قواعد الموتور الل فوق بتبقي عايزة تتفك براحة و هو بيرفع
[IMG][/IMG]
و ده بقي بقي بعد ما بيرفع لفوق شوية و يطمن علي كل حاجة و يفك قواعد الموتور بيبتدي ينزل الموتور لتحت العربية عشان يسحبة من تحت بدل ما يضطر يفك الكبوت
[IMG][/IMG]
و هنا ساعة ما الموتور اتفك من السلسلة و بقي علي الارض علي حتت الخشب اللي بيحطوها عشان يحافظوا علي كارتيرة الزيت
[IMG][/IMG]
[IMG][/IMG]
[IMG][/IMG]
و ده منظر الموتور و هو برة و السهم بيشاور علي الكوبلن اليمين
[IMG][/IMG]
و ده منظر الحوض منغير موتور
[IMG][/IMG]
و هنا بيفك الفتيس من الموتور
[IMG][/IMG]
و هنا الفتيس انفصل عن الموتور و الديسك باين في اليمين
[IMG][/IMG]
و ده منظر الفتيس لوحدة بعد الفك و المنظر ده اختلف تماما بعد ما الفتيس اتغسل و اللي غسلة كل ما يشوفني لحد انهردة يقولي حرام عليك الفتيس بتاعك بهدلني اخد نص يوم غسيل
[IMG][/IMG]
و ده منظر التاكاهات بعد ما شالوا غطاء التكاهات اللي بيبقي فوق اللي عليه كلمة ميتسوبيشي :
[IMG][/IMG]
و دي بقي من اهم الصور و الاسهم بتشاور علي :
طرمبة المياة اول سهم علي اليمين تحت
الاربع اسهم اللي جنب بعض دول بيشاوروا علي الشمايز و البساتم و الحمد لله طلعوا سلام و ده السبب اني عملت طقم شنبر مش عمرة كاملة
طيب يعني ايه طلعوا سلام : يعني الشمايز ناعمة مفيهاش تسليخ او خشانه و بالنسبة للبساتم نفس الكلام ده غير انها مش بتلق علي البييل و طبعا كل حاجت تم قياسها بالبوكوليس بدقة و براحة جدا لحد ما اطمنت
السهم اللي فوق علي الشمال بيشاور علي ماسورة المياة و دي كنت مغيرها من فترة قريبة بسبب مياة الحنفية
السهم اللي تحت في الوسط بيشاور علي حامل المنافولد
[IMG][/IMG]
نيجي بقي للنصف العلوي من الموتور و هو وش السلندر و ده كنت مرعوب منه ليطلع بايظ و ده لاني كنت بحط مياة حنفية في فترة و بوظتلي حاجات كتير فخفت تكوت اكلت وش السلندر او مجاري المياة الداخلية جواه و الحمد لله طلع التأكل بسيط جدا
طبعا بستغل الفرصة دي و بحذر للمرة المليون من مياة الحنفية و تأثيرها علي كل حاجة في العربية و دورة المياة و وش السلندر و الموتور و الريادياتير و طبب المياة اللي في الموتور و قربة المياة كل حاجة مياة الحنفية بتبهدلها والله العظيم عن تجربة
دي اول صورة و السهمين اللي فوق بيشاوروا علي تأثر مياة الحنفية علي مجاري المياة في وش السلندر و السهم اللي تحت بيشاور علي الجزء اللي بيبقي فوق البساتم و هو رأس البوجية و الصبابات و غطاء غرفة الاحتراق
[IMG][/IMG]
و دي صورة قريبة شوية لمكان التأكل البسيط و طبعا ظاهر اثار مياة الحنفية من صدأ و املاح علي غرفة التبريد:
[IMG][/IMG]
و دي صورة كمان للتأكل و بكرر التأكل كان بسيط و ده لاني استخدمت مياة الحنفية حوالي سنه او اقل فتخيل بقي لو فضلت اكتر من كده !!!
[IMG][/IMG]
و دي صورة اقرب
[IMG][/IMG]
و دي صورة للجزء السفلي من الموتور و مجاري المياة المقابلة للجزء العلوي و الاسهم بتشاور عليها و علي التأثير و فيه سهم بيشاور علي الشمايز
[IMG][/IMG]
و دي صورة كارتيرة الزيت بعد ما اتفكت:
[IMG][/IMG]
و دي صورة من تحت خالص تحت كارتيرة الزيت و الاسهم بتشاور علي السبايك و مصفاة الزيت اللي بتبقي جوة الكرتيرة
و دي صورة كمان للموتور من تحت و السهم بيشاور علي مكان فلتر الزيت
[IMG][/IMG]
دي بقي لما لقينا الشمايز و البساتم سلام فلازم قبل ما يفك البساتم يرقمهم لانهم هيركبوا تاني فيركب كل واحد مكانة علشان هو بيبقي مطبع مع الشميز فمفيش حاجة تبوظ و الترقيم بيبقي زي بالظبط طريقة ترقيم طفاية الحريق في المرور بالدق علي عمود اخرة رقم علي رأس البستم
[IMG][/IMG]
و دي بقي صورة البستم بعد ما اتفك
اول سهم علي اليمين ده بيشاور علي السبيكة
السهم اللي في الوسط بيشاور علي البييل
الاسهم اللي في الشمال اتنين بيشاوروا علي الشنابر و هي بتبقي حلقات دائرية حوالين البستم و فيه سهم بيشاور علي رأس البستم
و دي صورة اويل سيل بيبقي تحت الكاتينة تحت الشداد كمان و كان مبهدل الدنيا زيت و بوظلي سير الكاتينة
و دي بقي صورة طرمبة الزيت و محدش يستغرب من حجمها !!!
[IMG][/IMG]
طبعا بعد ما كل الحاجات دي اتغسلت و رجعت جديدة و تم تغيير كل الاويل سيلات البايظة و الجوانات و كاوتش الصبابات و كل حاجة العربية الحمد لله رجعت جديدة تماما بفضل الله ثم الناس المحترمين اللي اشتغلوا في العربية
مبقاش فيه دخان مبقاش الزيت ينقص مبقاش فيه وجع قلب و قلق و انا ماشي
التكلفة هحطها في رد منفصل و هقول التكلفة بالتفصيل الممل بأذن الله انا بس قولت انزل التقرير بدل ما يضيع لأي سبب لاني سايب ورقة الحساب في البيت
و طبعا انا تحت امركم في اي استفسار و ده مش جميل لا ده رد جميل المنتدي المحترم اللي اتعلمت منه حاجات كتير
والله اعلي و اعلم
التعديل الأخير تم بواسطة MITSUKERO ; 09-01-2013 الساعة 12:24 PM سبب آخر: تعديل صورة
ربي قد مسني الضر و انت ارحم الرحمين
لا إله إلا انت سبحانك اني كنت من الظالمين
رقم العضوية : 45939
تاريخ التسجيل : 01Sep2009
المشاركات : 4,938
النوع : ذكر
الاقامة : الباجور/ منوفيه
السيارة: لانسر كرستاله
السيارة[2]: بيجو 504 +شاهين
دراجة بخارية: نعم صينى
الحالة :
الحمد لله ان العربيه رجعت تانى سليمه زى الاول
اقوى واغلى 10 اسلحه بالعالم
http://technology-mmm.blogspot.com/
http://imageshack.com/a/img850/6764/4fdl.jpg
رقم العضوية : 107200
تاريخ التسجيل : 10Jul2011
المشاركات : 635
النوع : ذكر
الاقامة : Cairo
السيارة: none
السيارة[2]: BMW 525
دراجة بخارية: no
الحالة :
اكتر من رائع...الحقيقه انا كواحد غير متخصص وعلى قدى..فهمت وانبسطت جدا :)
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
مبروك الشمبر
العربيه عامله كام 1000 استهلاك
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 128175
تاريخ التسجيل : 28Jul2012
المشاركات : 83
النوع : ذكر
الاقامة : الوادي
السيارة: لايوجد
السيارة[2]: لانسر
دراجة بخارية: ام زد
الحالة :
اخي الحبيب الف مبروك علي العربية انا نفس عربيتك وانا عند برضة دخنةبس بسيطة خالص وفي ناس بتقولي اعمل طقم شمبر وناس بتقول لاءه وانا محتار بس انا معنديش تقطيع ولا حاجة من دية ولاكني عاوز احافظ علي العربية ياريت اخي الحبيب تقولي علي التكلفة ومكان او اسم للي عملت عندة العمرة عشان انا في الصيف ناوي اوضب العرية رش ولو احتاجت طقم شمبر اعملة وياريت تقولي انت بتحط اية بدل مياة الحنفية لاني انا باستخدم مياة الحنفية والمياة عندنا اسواء من عندكم كمان كلها حديد لان المياة في الوادي الجديد وحشة اوي
انا منتظر رد حضرتك علية ولك جزيل الشكر ولو امكن تليفون حضرتك
رقم العضوية : 59518
تاريخ التسجيل : 20Jan2010
المشاركات : 2,160
النوع : ذكر
الاقامة : cairo
السيارة: Lanos 2
السيارة[2]: Lancer 2007
دراجة بخارية: No
الحالة :
العربية عاملة 470 الف كيلو و معايا من و هي زيرو و دي اول مرة احتاج افك الموتور
بديل مياة الحنفية مياة خضراء و يفضل موبيل
عملتها في مركز اسمه المتخصصون و كل الصنايعية اللي فيه شغالين في توكيل قليوب
معلش برد بسرعة علشان انا في الشغل هرد بالتفصيل تاني
ربي قد مسني الضر و انت ارحم الرحمين
لا إله إلا انت سبحانك اني كنت من الظالمين
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
مبروك الصيانة يا باشا
رقم العضوية : 59518
تاريخ التسجيل : 20Jan2010
المشاركات : 2,160
النوع : ذكر
الاقامة : cairo
السيارة: Lanos 2
السيارة[2]: Lancer 2007
دراجة بخارية: No
الحالة :
ربي قد مسني الضر و انت ارحم الرحمين
لا إله إلا انت سبحانك اني كنت من الظالمين
رقم العضوية : 55072
تاريخ التسجيل : 06Dec2009
المشاركات : 472
النوع : ذكر
الاقامة : egypt -zagazig
السيارة: toyota corolla . 2010
السيارة[2]: دايو لانوس 1
دراجة بخارية: لايوجد
الحالة :
تسلم يا باشا على مجهودك الرائع
ماشاء الله لا قوة الا بالله
رقم العضوية : 128175
تاريخ التسجيل : 28Jul2012
المشاركات : 83
النوع : ذكر
الاقامة : الوادي
السيارة: لايوجد
السيارة[2]: لانسر
دراجة بخارية: ام زد
الحالة :
اخي انا شاكر جدا لسرعة حضرتك علي الرد
انا فعلا عند الزيت بينقص بس بسيط جدا ويظهر نقصان الزيت لما اكون مسافر مثلامن الوادي الي اسيوط 1000 كيلو والدخنة تظهر لان انا استخدامي العادي في البلد يعني في اليوم مش اكثر من 5 كيلو من البيت الي العمل فقط في ناس بتقول انة يبقي زيت مخزون في الشكمانيعني تحركاتي من غير السفر لايكون نقص زيت
المفضلات