تقرير بالصور عن عمل قطم شنبر و صيانة شاملة (لانسر كريستالة 99)

**ahmed_h_g** · 10-01-2013 10:47 AM

الف مبروك على الصيانة

**ahmed_h_g** · 11-01-2013 02:00 PM

طقم الشمبر يكلف حوالى 650ج + زيت وفلتر

**MITSUKERO** · 13-01-2013 09:15 AM

المشاركة الأصلية كتبت بواسطة حمدي سليمان مه

اخي انا شاكر جدا لسرعة حضرتك علي الرد
انا فعلا عند الزيت بينقص بس بسيط جدا ويظهر نقصان الزيت لما اكون مسافر مثلامن الوادي الي اسيوط 1000 كيلو والدخنة تظهر لان انا استخدامي العادي في البلد يعني في اليوم مش اكثر من 5 كيلو من البيت الي العمل فقط في ناس بتقول انة يبقي زيت مخزون في الشكمانيعني تحركاتي من غير السفر لايكون نقص زيت

دي اعراض كاوتش صبابات او شنابر في بداية البوظان

و مفيش حاجة اسمها زيت مخزون في الشكمان الزيت اساسا لو وصل للشكمان يبقي فيه مشكلة في الموتور

**MITSUKERO** · 13-01-2013 10:00 AM

التكلفة :

طقم جوان وش سلندر : و ده الحاجات اللي بتيجي مع الجوان مش الجوان نفسة : 175 جنية

جوان وش سلندر اصلي : 280

اويل سيل صباب اصلي : 100

خراط : 200 جنية
الخراط نضف وش السلندر فقط و لم يمسحة و ركب كاوتش الصبابات و هو غالي شوية بس مضمون

دي مستلزمات طقم الشنبر

نيجي بقي للبلاوي اللي لقيتها و انا بفك و ده نتيجة الكيلومتر العالي اللي عاملة بالعربية 470 الف كيلو :

اويل سيل كرنك خلفي : 80 جنية اصلي

سير كاتينة : 265 اصلي و اللي عندي كان هيركب تاني عشان كان اصلي و مكملش 40 الف و للأسف لقيت اويل سيل جايب عليه زيت محطوط في صورة في اول الموضوع و اضطريت اغيره

مياة خضراء موبيل : 75 جنية

قاعدة فتيس (اللي متصورة فوق مقطوعة) : مضروبة مش اصلي بس علي كلامهم نوع كويس : 125 جنية

بلية دبرياج اصلي : لقيتها متفرتكة و خشنة جدا و الحمد لله مبوظتشي الديسك لان الطقم كان اصلي : 160 جنية

فبرة طرمبة بنزين + 2 جوان لها : و دي بقي بتخلي الدنيا حوالين الطرمبة ورا الكربيراتير متغرقة : 60 جنية

كرتيرة زيت (الكارتيرة عندي اتخرمت قبل ما اروح بيومين ) : 200 جنية

شربون للدينامو و 2 بلية دينامو : 200 جنية اصلي

2 اويل سيل كوبلن : 100 جنية اصلي

اصلاح ريادياتير : الفبرة اللي فوق كانت مكسورة : 130 جنية

زيت محرك : موبيل 125 جنية

فلتر زيت اصلي : 50 جنية

زيت باكم موبيل dot4 : 30 جنية علبتين

زيت فتيس : 70 جنية تقريبا مش فاكر الرقم بالظبك بس هم 2 كيلو

معجون (سيليكون حراري) : طبعا السيليكون استخدمناه فيه كرتيرة الزيت و فبرة طرمبة البنزين و كوعة المياة و اماكن تانية كتير جدا فجبنا كذا انبوبة : 50 جنية

2 مسمار ميزان اصلي : 100 جنية

تم اصلاح ضاغط الكلاكس و مراجعة سلوك الكلاكس بالكامل و ده لاني كنت مركب كات اوت بنفسي و مغير كتير فيه فقولت اتأكد بس الحمد لله لقوا فردة فاصلة بسبب الخبطة و عجبهم شغلي :)

كان فيه اكرة باب خلفي خارجية بتعلق عملوها

نضفوا الكربيراتير تاني لان الزيت المحروق بيسد البيكات بتاعته

كبسوا دورة التبريد للتأكد من عندم وجود تسريب في سربنتينه السخن قبل تشغيلها تاني

ثبتولي كارتيرات الطينة الخلفية

سدوا فتحات كانت في الشنطة من تحت ورا عشان ريحة العادم متدخلشي و الفتحات دي بسبب طبب واقعة

تغيير لمبة نور الصالون و لمبات محروقة في الفوانيس الخلفية

مراجعة شحن التكييف بجهاز خاص عندهم مش بلدي بالعداداين و الحوارات دي

تربيط العفشة بالكامل

في حاجات تانية مش فاكرها للأسف بس انا حيست ان العربية بقت جديدة بعد الموضوع ده

المصنعية : 1000 جنية كل حاجة علي بعض ميكانيكة و عفشة و كهرباء و ابواب و تكييف و كله

مش عارف ينفع اقول عنوان الورشة ولا لا لو حد من الإدارة يأكد ليا ماشي بس انا في حد لقيته موقوف عشان قال عنوان مركز صيانه

لو حصل تأكيد هقول العنوان بالتفصيل

و اي استفسار انا تحت امركم

والله اعلي و اعلم

**haissam24h** · 13-01-2013 05:53 PM

الصراحه سعر مصنعيه مناسب لكل الى اتعمل

للعلم بس عشان الناس لقتها بتقول التكلفه للشنبر 650 ج

شغل اى بتاع خراطه بس اقل حاجه 200 ج لو نضيف ومضمون شغله وبيخرم ويظبط بما يرضى الله
تكلفه وشن سلندر بس مصنعيه لاى ميكانيكى مش اقل من 250 ج او 200 ج لو انته زبونه
يبقى صنايعى وخراط نقول 400 +زيت مثلا ب70 ج شل احمر +وش جوان وتحابيش تانيه بقا ب100 يبقى الاجمالى 570 مثلا نقول 500 يلا ان شاء الله محد حوش يبقى الباقى 150 ج هل دول ثمن ايه بالظبط عشان نعمل شنمبر
انا عربيتى الشنبر بتاعها كان هيتكلف 1200 او 900 تمام بكل حاجه
والعمرة اكثر من 2000 ج علما ان الماتور استيراد بالفاتيس ب2500 ج ويكفى بس قرف الصنايعيه مبروك عليه العربيه

ولعلم اضفلك بعض الاسعار الاسنر
ازاز الهوايه ب120 ج الخلفى الاصلى وقليل فى السوق
المرايه ب100 اسيراد لو عاديه كهربه ب150 ج
جلب مقصات ب100 ج الاصلى
ديه حجات غيرتها لما كانت معايا ده غير الكباس والتكيف ههه

**ahmed_h_g** · 13-01-2013 06:04 PM

ال650 جنيه
135ج طقم شمبر يابانى مش أصلى
125ج طقم جوان تايوانى
20ج أويل سيلات كامه وكرنك
الروديه وتنضيف الوش الميكانيكى اللى بيعملهم وبياخد فى الأخر من 250 الى 350ج مصنعيه ليومين بيتم فيهم الشغل
وعليك زيت وفلتر للتليين فقط وهتغيرهم بعد 1000 كيلو و65 ج كاتينة كونتنيتال
وطبعا" هتلاقى حاجه بسيطه زى طلمبة الميه وشوية تحابيش على مسامير على سيليكون حرارى على بنزين للغسيل

**MITSUKERO** · 14-01-2013 09:55 AM

المشاركة الأصلية كتبت بواسطة momo44

مبروووووووووووووووووووووو ك
مش عارف ليه حاسس التكلفة كبيرة شويتين

فعلا انا في الاول قولت الموضوع بسيط بس التكلفة عدت قوي بسبب الحاجات الصغيرة الكتير جدا اللي اتراكمت مع مرور الوقت

في الاخر انا مش زعلان والله العربية بسم الله ما شاء الله بفحتها و بتقول كمان و بفضل الله عمرها ما عطلت مني علي الطريق غير مرة واحدة بسبب بنزين مغشوش و مشيت من القاهرة لحد اسكندرية بتقطع و معطلتشي غير في الدخيلة هههههههههه

علي كل الاحوال الحمد لله و ربنا يسترها معانا جميعا

-

الموضوع: تقرير بالصور عن عمل قطم شنبر و صيانة شاملة (لانسر كريستالة 99)

LinkBack

أدوات الموضوع

عرض

-

-

-

-

-

-

المواضيع المتشابهه

بالصور لانسر كريستالة للبيع حالة فوق الممتازة

تقرير عن دهان و سمكرة لانسر كريستالة(مصور)

ماهو افضل مركز صيانة اقدر اعمل فية صيانة شاملة

صيانة شاملة للنيو اكسنت

ارجو المساعدة ضروري ...صيانة شاملة

الكلمات الدلالية لهذا الموضوع

المفضلات

المفضلات

ضوابط المشاركة