الموضوع: مشكلة فتيس الايفو السابقة و طقم الدبرياج شكله كده راح :(

في ورشه كويسه في اول المقطم عندهم جهاز كشف اعطال حديث روحلهم و برده تتاكييد وا انتم الاتنيين

المشاركة الأصلية كتبت بواسطة ozy2026

فى ورشه جنب الكيلانى على طول لازقه فيه كل ما اروح هناك الاقيهم شغالين فى عربيات ايفو وبرافو وجراند وكلاسيك
جرب تسألهم مش هتخسر حاجه

المشكلة في الوقت
لو لاقيت وقت هبص عليهم
شكرا ليك

المشاركة الأصلية كتبت بواسطة yassinhaitham

حاول تتفق مع أوماترا مادام كده كده الدبيرياج برة الضمان ان حضرتك تجيب قطع الغيار طرف العميل ( علي مسئولية حضرتك يعنى) و تحاسبهم بس على المصنعيات

بيقولوا ان التوكيل هيرفض يركب حاجة من برة

المشاركة الأصلية كتبت بواسطة formulator

أسامى
هات الحاجة من الكيلانى وركبها فـ أوماترا.. وكلمهم فـ خصم عـ المصنعيات والتركيب!! :ka_che1[1]:

الـfork إتأكد انه مش copper، ياريت يكون steel؟!! (إسأل أحمد الكيلانى نفسه).

شوف؛ بالنسبة للفوركات
الجيربوكس الـm20 وموديول الديوالوجيك واحد فـ الجراند والإيفو
(يعنى لو لقيت العلبة مكتوب عليها مثلا grande punto 2005-2010>> شغال)

- عادى: أنا بجيب حاجات مكتوب عليها ألفا giulietta وأحيانا بلاقى عليها فيات stilo.. ومفيش كلمة برافو أصلا؟!! عادى يعنى!

المهم: تبقى العلبة بتاعتهم ricambi originale و made-in-italy
حته تركى دى؟؟ مش عارف؟!!

بس لو اللينيا بتنزل تركيا dualogic.. يبقى عادى؛
(هتلاقى قطع cross-reference بين العربيتين لأنهم واحد والجيربوكس واحد c514).

شوف وقولنا عملت أيه؟

كذا حد قالي ان الفورك بتاعها كله نحاس
مش عارف بقى الكلام ده صح ولا ايه !

المشاركة الأصلية كتبت بواسطة ghamrawy

بص يا باشا

انا مش راكب دوالوجيك علشان اعرف احكم مظبوط
بس من الكلام و الوصف كده اعتقد ان الموضوع مش موضوع طقم دبرياج
اعتقد الموضوع كله سوفت وير و معايرة لطلمبة الضغط العالى بتاعت الدوالوجيك

انا فعلا حاسس انه مش دبرياج

في ناس بتقولي ان لو دبرياج العربية هتفضل على طول فيها مشكلة لكن انا بقالي اسبوع ما حصلهاش حاجة غير جت على الn مرة لوحدها النهاردة وبعد اسبوع من الي كانت بتعمله !!!

المشاركة الأصلية كتبت بواسطة mohamed-atwa

أنا عندي نفس المشكلة بظبط زيك و بقى مردتش تدي 1 خالص ونش جه شالها وطلع ان مكنش في زيت خالص غيرته ومعملتش ليه حد دلوقتي حاجة الكلام ده كان من اسبوع بس فعلا فيه تأخير في ال بنزين في ال 1 وال 2 وتوكيل قال لي طقم دبرياج بس أنا متابع معاك لو سمحت لو لقت حد بره تعمله قولي واغيره لأن التوكيل فعلا غالي

معلش مش فاهم كام حاجه

1-زيت ايه الي ماكنش فيه؟

2-"ومعملتش ليه حد دلوقتي حاجة" قصدك يعني انها ماشية زي الفل دلوقتي؟

3-"تأخير في البنزين في 1 وال 2" قصدك ان فيه زي لاج كده يعني تأخر في النقلة يعني لما تفرمل يفضل على التاني شوية ويتأخر ثانيتين كده وبعديها ييجي على الاول (حاجة زي التهنيج كده؟)

4-انت عامل كام كيلو وبتمشي في زحمة كتير ولا لأ وبتجيب n في الزحمة و الاشارات ولا لأ

يا جماعه انا رحت عند كريم الي في التجمع مركز اسمه دويتش (فيه ناس فيهم كانت شغالة في فيات) وشكلة كده مركز محترم

المهم

قولتلهم على المشكلة الي عندي حطوهالي على الكمبيوتر

فقالي ان اسطوانة الدبرياج خلصانة 1400 قولتلة و ده حلو ولا وحش

قالي المفروض بعد 5000 نبتدي نقول انها هتعمل مشاكل


قولتله امال ايه الي بيحصل لها ده
قالي ممكن تكون الفوركة فيها مشكله وكمان طالع في الكمبيوتر Error بيقولي ان ليه علاقه بكابل السيلسبيد على ما افتكر
بيقولي ممكن يكون مملح من المية على الطريق او من البطارية


قالي خطوة اولى هنبص على الفورك ممكن تكون متاكلة وننظف الكابل بتاع السلسبييد ده
(وده هيكلف 250 للفوركه و150 مصنعيه)

ولو مانفعش يبقى هنغير طقم الدبرياج

قولتله ليه بس مش هوه مش متاكل زي ما قلت قالي ممكن يكون الريش بتاعته فيها مشكله وخصوصا انك قلت ان الغيارات الاول والتاني بتحس بلاج او صعوبة فيها

سألته الحاجات الي عندك اصلي قالي كله اصلي

ملاحظة مريرة: لما روحت اوماترا سألت مهندس صلاح الدبرياج مشكلتة كام في الميه قالي مية في المية (مش عارف ليه قالي كده مع انها على الكمبيوتر قاري 1400 عند دويتش)

اه في حاجة مهمة نسيتها اول مرة روحت كشفت لما ملولي الفورك نحاس في التوكيل
قولتلهم ايه سبب التأكل قالولي ان الجزء الي بياكل في الفورك نشف اوي من الحرارة وهوه السبب ولازم يتغير
وانا اعتقد ان الي بياكل في الفورك هوه الدبرياج نفسه (معلش معلوماتي محدودة في المجال ده)
فهل كده حوار الفورك مش هينفع اصلا ولازم كله يتغير ؟


ها بقى قولولي اعمل ايه ؟؟؟؟

اكمل معاهم على الاقل الخطوة الاولى بتاعت الفورك والفيشة؟
ولا اسيبها دلوقتي وامشي بيها خصوصا ان بقالها اسبوع(=250 كيلومتر) معملتش حاجه غير انها جت على N مرة واحده النهاردة
ولا اروح اوماترا اغير كله (مش مقتنع بكده خصوصا بعد حوار ال1400 ده)

المشاركة الأصلية كتبت بواسطة ozy2026

فى ورشه جنب الكيلانى على طول لازقه فيه كل ما اروح هناك الاقيهم شغالين فى عربيات ايفو وبرافو وجراند وكلاسيك

جرب تسألهم مش هتخسر حاجه

الورشة دى تبع الكيلانى ممتازة بس معرفش الكومبيوتر ظروفه ايه اسأل أحمد الكيلاني يمكن يدلك برضه