الموضوع: إقتراح بمقابلة هواة التصوير.

السلام عليكم جميعاً.

الموضوع مجرد إستطلاع رأي مؤقت....

ألأقتراحات الموجودة فى دماغي حالياً هي الأتي:

1- مقابلة فى مكان لمدة نصف يوم ( القاهرة الفاطمية ، شارع المعز لدين الله , الحسين و خان الخليلي.....الخ)

2- مقابلة فى ويك أند لمدة يوم تقريباً فى مكان بعيد شوية ( جزيرة الدهب ، الفيوم ، بحيرة قارون ، وادى الريان.....الخ)

3- مقابلة فى ويك أند مع بيات ليلة و دى معنديش إقتراحات ليها غير حاجة بجانب بحيرة قارون أو فى قرية تونس.......و الأتنين فى الفيوم......ممكن نروح قرية صغيرة هناك أسمها قمريات بتطل على بحيرة قارون على طول......أخر مرة رحتها كان فى 2010 و كان سعر الشاليه حوالي 90 أو 100 جم فى الليلة و يكفي شخصين.....و ناخد أكل معانا و نشوي هناك...و دي مش بمزاجنا لأن ساعة لما رحت مكنش فيه غير فطير و مش و عسل اللى متوفرين عندهم :)

و ممكن تاني يوم الصبح نطلع وادي الريان من بدري على الفجر أو قصر قارون.......و الطبيعة فى المنطقة هناك هايلة.

و دي صورة للشالية من جوة............حاجة بسيطة جداً.......فيه 2 سرير و تلفزيون و دش و تكييف و حمام.



و دي صورة للشالية من برة ( القرية ساعتها كانت بتتشطب من جديد )



و دي صورة من حتة قبل وادي الريان بحاجة بسيطة بس متاخدة بكاميرا عادية.



و أى حد عنده أقتراح لمكان ما ينفع فى نوع من أنواع المقابلات يقوله.

أنا متعمد أني معملش أستطلاع رأي علشان عاوز أشوف مشاركات و أراء مكتوبة :)

كل واحد يقول بيفضل أى نوع من المقابلات و بيقترح مكان أيه.

و خللى تحديد ميعاد المقابلة لبعدين.........بس مش قبل أخر فبراير أو أول مارس علشان أكون معاكم :)

المشاركة الأصلية كتبت بواسطة shnory

يعني انا طالع عيني بقالي 3 سنين علي صور يوم الفيوم
وفي الاخر الاقيك حاططها وانت بتغري الناس لمقابله
اليوم ده يا جماعه كنا في الفيوم وعبد المقصود سابنا واخد الكاميرا وغطس
وصور كل حاجه في الفيوم الا احنا ههههههه

طيب بزمتك مين من اللى كان موجود يستاهل أنه يتصور ؟

ما تخلينا ساكتين بقى يا عم شنوري :)