الموضوع: فين المواضيع التعليميه من محترقي التصوير بالقسم

صباح الخير
ياجماعه القسم بقاله يومين ما فيش مواضيع بتنزل اصلا لا تعليميه ولا غيره
وانا شايف الهدف من القسم ان الكل يستفاد من بعض سواء واحد يعرض خبرته و الناس تتعلم او اللي عنده مشكله يسأل فيها او اللي ناقصه معلومه يلاقيها
برجاء من الساده اللي مستواهم متوسط فما فوق يتحفونا بمواضيع تعليميه و كل واحد انشالله يعمل موضوع واحد اسبوعيا يكون تعليمي او سر معين عرفه بالخبره مش هياخد من وقته كتير و متستنوش حد يسأل عشان تردوا عليه
وفين مشاركات اعضاء المنتدى اللي لما اتعملت مسابقه و جايزتها كاميرا الكل قلب على بيكاسو
هو لازم يعني يبقى فيه جوايز طب ما جت الفرصه انكم تزودوا مستواكم بكل سهوله
و انشاءالله هنعمل ورش مجانيه عن كل انواع التصوير
انا عن نفسي رغم ان مستوايا تحت المتوسط بس هقول على كل اللي اعرفه و هنزل في خلال يوم موضوع عن الاضاءه لتكملة موضوع البورتريه

المشاركة الأصلية كتبت بواسطة adelmof40

تعليمية ايه يا باشا انا بدور في موضوعات تنفع للكي جي 0 مش وان
معايا كاميرا موبايل 8 ميجا hd
واعمل في منطقة السيدة زينب
ايه الجمال والابداع في هذه المنطقة اعتبارا من القلعه حتي ميدان السيدة زينب
شوف روعه شارع الصليبية
شوف جمال سبيل ام عباس
شوف جمال قباب ومأذن السلطان حسن والرفاعي
ولا زاوية مسجدي شيخون القبلي والبحري

اني اعرف اصور صورة توحد الله مافيش
مش عارف عيب كاميرا و لا عيب عين المصور
ولا جهل المصور بأعدادات كاميرا الموبايل
نفسي نفسي
حد ياخد بأيدي

فيه كتاب للمبتدئين لحد المستوى المتوسط في موضوع تكوين الصوره الفوتوغرافيه و موضوع طريقة تصوير البورتريه اتسلى فيهم لحد ما اليومين دول يعدوا على خير و هنعلن عن رحلات نصوير