| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 8 1 2 3 4 5 6 ... الأخيرةالأخيرة
النتائج 1 إلى 10 من 73

  1. #1

    الصورة الرمزية borio1704

    رقم العضوية : 105306

    تاريخ التسجيل : 25Jun2011

    المشاركات : 3,841

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    Lightbulb عايز تشتري عربية ومحتار؟؟؟؟ تعالى أقوللك إزاي تختار - Facebook Twitter whatsapp انشر الموضوع فى :

    hasad">


    أنا فكرت أعمل الموضوع ده لما لقيت مواضيع لناس بتقارن عربيات لا يمكن تتقارن مع بعض، وكل الموضوع إن أسعارهم قريبة من بعض.

    فكان لازم أتدخل عشان ... بصراحة ... حسيت إن احنا في مصر لسه بنبص للعربية على إنها موتور واربع عجلات... مش حاجة بتعبر عن أسلوب حياتنا.




    العربية ما بقيتش مجرد وسيلة مواصلات... العربية بتعبر عنك... عن شخصيتك... عن مستوى معيشتك... عن مستواك الثقافي... عن حجم عيلتك... عن طريقة حياتك







    قبل ما أبدأ... لو انت بتحب ماركة معينة أو شكل عربية بعينها... فالكلام اللي حقوله ده مش حيفرق معاك كتير، لإنك تقريبا محدد اللي انت عايزه.

    إنما لو انت محتار ما بين عربيتين أو أكتر... جرب وفكر زي ما حقوللك... يمكن تلاقي الجواب بعد ما تقرا.



    موضوع اختيار العربية دايما بياخد مجهود وتفكير كتير .. لإنها خطوة حيدفع فيها مبلغ كبير نسبيا ولازم المبلغ ده يتحط في مكانه الصحيح


    ولإننا في مصر... والعربية سلعة غالية جدا مقارنة بمستوى الدخل (وأغلى كمان من أي حته في العالم) فمعظمنا بيعتبر إن ثمن العربية هو الحاجة الأساسية اللي بيقارن بيها العربيات... أو بمعنى آخر... معظمنا بيشوف العربيات اللي في نفس الفئة السعرية وبعدين يبدأ يقارن




    لو عايز تختار صح... السعر مش هو أول حاجة تختار بيها



    إذا ما كانش السعر هو المهم... أمال إيه هو المهم؟؟؟



    قبل ما تشتري ... خد من وقتك شوية وفكر ... لإن في حاجات لازم تحددها الأول قبل ما تفكر في الفلوس اللي حتدفعها عشان تحس إنك حطيت فلوسك في مكانها.





    أول خطوة: حدد انت مين!!!

    إيه؟؟؟؟؟!!!! يعني إيه؟

    أيوه.. يعني راجل ولا ست.. شاب صغير ولا رب أسرة.. مستريح ولا المواضيع على قد حالها
    كل الحاجات دي بتفرق في اختيارك

    غالبا... الراجل عايز عربية قوية وملامحها حادة... إنما الست عايزة عربية شكلها ناعم

    الشاب الصغير عايز عربية صغيرة وسريعة وما تستهلكش بنزين، إنما رب الأسرة عايز عربية تكفي العيلة بشنطها وهو رايح المصيف

    الناس المستريحة مش حتبص للماركات المتواضعة، إنما اللي على قد حاله بيدور على حاجة برضو على قد حالها


    تاني خطوة: لازم تحدد انت عايز إيه من العربية

    بمعنى إنت عايز العربية تعمل بيها إيه؟؟ إيه غرضك من شرا العربية وهتستخدمها في إيه؟

    إزاي؟؟

    يعني أغلب مشاويرك فين؟؟

    * جوه البلد في الزحمة ولا مسافر؟؟
    * مشاويرك قصيرة ولا طويلة؟؟ ...
    * الطرق اللي انت حتمشي فيها متسفلتة كويس ولا حتروح بيها المزرعة؟؟؟
    * ممكن تطلع بيها سفاري ولا المواضيع مسالمة؟؟ ...
    عايز عربية سريعة ولا عايز عربية موفرة في البنزين؟؟؟

    عايز عربية تستحمل الشقا بتاعنا ولا عايز عربية الناس تشاور عليك فيها؟؟؟

    عايز فيها حاجات محددة؟؟؟ مثلا: موتور قوي ... عفشة قوية ... اتزان عالي ...

    حتشيل فيها حاجات غير البني آدمين ؟؟؟



    نتيجة الخطوتين دول إنك تحدد شكل العربية اللي انت محتاجها...
    يعني: سيدان ... هاتشباك ... 4×4 ... فان ... نص نقل


    الخطوتين دول لوحدهم حيخلوك تشيل عربيات كتير من دماغك، لإنهم ببساطة... مش مناسبين.




    تالت حاجة: اختار حجم العربية المناسب حسب احتياجاتك وإمكانياتك

    أنا هنا باتكلم عن حجم العربية ... مش حجم الموتور...

    مش معنى إن نص العربيات في مصر بقت 1600 سي سي إني أقارن هيونداي فيرنا بـ سوناتا، أو جولف بـ باسات

    طبعا تفرق لو عندك عيلة صغيرة أو كبيرة، لو حتركب لوحدك أو معاك كل صحابك

    بس لما تحدد حجم العربية.. حتلاقي الاختيارات كمان بتقل.


    رابع حاجة: حدد إيه التجهيزات والكماليات اللي انت شايفها أساسية في العربية اللي انت بتفكر فيها وإيه اللي ممكن تستغنى عنه

    التجهيزات والكماليات الأساسية يعني اللي ما تقدرش تستغنى عنها في العربية ، وأي حاجة تانية لو موجودة تبقى حاجة كويسة ترجح كفة العربية

    زي إيه؟؟؟
    * تكييف ... باور ... فتيس أوتوماتيك ... إزاز كهرباء ... تاكوميتر (RPM) ... مرايات كهرباء
    * كراسي جلد ... ساوند سيستم كويس ... فتحة سقف... كراسي كهرباء
    * فتح الشنطة و/أو التانك من الداخل ... مفتاح بالريموت... تشغيل السيارة بالزرار أو من غير مفتاح
    * ABS ... إيرباج ... EBD ...
    * كومبيوتر رحلات ... GPS ... بلوتوث ... دركسيون متعدد الوظائف
    * جنوط اسبور ... ألوان جذابة ... إلخ
    إيه ده ؟؟؟ ده احنا ما جبناش سيرة الفلوس

    من أول هنا ممكن نفكر في الفلوس




    خامس نقطة: السعر والتكلفة

    الفلوس مهمة.. ولو الفلوس متوفرة ... مش حيبقى عندك أزمة إنك مش لاقي اللي انت عايزه.. ... بس من غير ما تحدد اللي فوق ده... الفلوس هتوهك

    إنما المشكلة الكبيرة بقى ... إنك تبقى عارف انت عايز ايه... ومش عارف تجيبه عشان الفلوس مش مساعداك...

    هنا نرجع للنقطة اللي فاتت، ونراجع التجهيزات الأساسية اللي ما نقدرش نستغنى عنها... ونحاول نتنازل شوية.

    أو ممكن تفكر في عربية مستعملة



    خلي بالك... الفلوس هنا مش مجرد سعر العربية



    تكلفة تشغيل العربية كمان مهمة، عشان كده لازم تعرف حاجات تانية زي:
    • معدل استهلاك البنزين
    • نوع البنزين اللي يتحط في العربية
    • تكلفة التراخيص في المرور
    • ... إلخ.


    سادس حاجة: الصيانة

    يعني التوكيل محترم وقطع الغيار متوفرة ولا حجيب العربية واقعد أعيط جنبها لما تعطل

    طيب أسعار قطع الغيار في التوكيل كويسة ولا نار؟؟؟

    حاول تعرف بعض أسعار لقطع الغيار اللي حتحتاجها في أول 3-4 سنين زي:
    • تيل الفرامل
    • سير التقسيمة
    • فلاتر الهوا والزيت والبنزين
    • مقاس الكاوتش بتاع العربية متوفر في السوق ولا لأ... طب سعره في حدود قد إيه؟؟

    كمان ... تكلفة الصيانة الدورية في التوكيل


    سابع نقطة: المُصنّع

    الناس حتقوللك الألماني مفيش زيه... وانا حقوللك : ماشي.... بس تقدر على مصاريفه؟؟؟؟

    فيه ماركات معروفة باعتماديتها العالية... وماركات تانية معروفة بأداءها العالي... وفيه ماركات تانية مشهورة بتصميماتها الجميلة.. وماركات كمان الناس عارفاها بمشاكلها..

    عموما... الموضوع ده بالذات فيه اختلاف كبير ما بين الناس... شوف اللي انت عايزه وترتاحله.


    تامن حاجة: جرب قبل ما تاخد القرار النهائي

    لو بعد كل اللي قلناه ده لسه قدامك عربيتين ولا حاجة... حاول تشوفهم من قريب... ويستحسن تجربهم

    يعني لو لقيت أجنص فيه العربية اللي في دماغك ... اقعد فيها وشوف:

    • القعدة جوه العربية مريحاك ولا لأ
    • كل المفاتيح تحت إيدك وتقدر توصلها بسهولة
    • في مكان كفاية للناس اللي حتقعد وراك لما تاخد وضعك اللي حتسوق فيه
    • شنطة العربية تكفيك ولا لأ
    • تقدر تعرف أماكن الأجزاء الرئيسية في الموتور ولا الموضوع مبهم بالنسبالك


    ويا سلام بقى لو تقدر تسوقها وتجربها من عند حد تعرفه


    آخر حاجة: استشير

    لسه محتار برضو؟؟؟ اسأل حد خبرة في العربيات

    لسه محتار؟؟؟ انت لسه ما صليتش استخارة؟؟؟؟


    لو كل ده ولسه ما عرفتش... ما تشتريش أحسن




    ...


    .................................................. .

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  2. #2

    الصورة الرمزية zezozezozezo

    رقم العضوية : 117069

    تاريخ التسجيل : 24Nov2011

    المشاركات : 210

    النوع : ذكر

    الاقامة : حلوان

    السيارة: شيفرولية أفيو

    السيارة[2]: دايو لانوس

    دراجة بخارية: لا يوجد

    الحالة : zezozezozezo غير متواجد حالياً

    افتراضي -

    موضوع اكثر من رائع بس معلش لية سؤال كدة بما انك خبير فى الزيوت الزيت عندى بينقص كدة كل 3 الف كيلو بتاع نص كيلو من اول الشتا دة طبيعى ولا اية كان بينقص بس بتاع ربع كيلو والزيت شيل اللترا ومفيش اية تسريب اية رأيك


  3. #3

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    موضوع رائع
    تحياتي ليك ..


  4. #4

    mem

    الصورة الرمزية mem

    رقم العضوية : 41774

    تاريخ التسجيل : 03Jun2009

    المشاركات : 1,594

    النوع : ذكر

    الاقامة : egypt

    السيارة: nassin

    السيارة[2]: opel

    دراجة بخارية: no

    الحالة : mem غير متواجد حالياً

    افتراضي -

    تسلم ايدك موضوع تحفه
    ومتكامل وما فيش حاجه نقصاه
    جزاك الله خيرا


  5. #5

    الصورة الرمزية mohelsaid

    رقم العضوية : 134766

    تاريخ التسجيل : 10Feb2013

    المشاركات : 3

    النوع : ذكر

    الاقامة : الاسكندريه

    السيارة: لانوس

    السيارة[2]: لادا

    الحالة : mohelsaid غير متواجد حالياً

    افتراضي -

    تسام ايدك يا باش مهندس على الموضوع الرائع


  6. #6

    الصورة الرمزية RIDER 2050

    رقم العضوية : 134721

    تاريخ التسجيل : 10Feb2013

    المشاركات : 130

    النوع : ذكر

    الاقامة : shoubra

    السيارة: No comment

    السيارة[2]: Nubira 2003

    دراجة بخارية: fatota

    الحالة : RIDER 2050 غير متواجد حالياً

    افتراضي -

    فعلا اهم حاجة ف موضوع الشرا ده ان الواحد يرتب اولوياته
    ربنا يجازيك خير ومشكور


  7. #7

    الصورة الرمزية mohamedhamed

    رقم العضوية : 93443

    تاريخ التسجيل : 04Apr2011

    المشاركات : 59

    النوع : ذكر

    الاقامة : الإسكندرية

    السيارة: ......

    السيارة[2]: daewo lanos 2002

    دراجة بخارية: لا يوجد

    الحالة : mohamedhamed غير متواجد حالياً

    افتراضي -

    موضوع ممتاااااااااااااز
    وننتظر المزيد من الموضوعات الجميلة دي


  8. #8

    الصورة الرمزية هيثم الشرقاوى

    رقم العضوية : 131497

    تاريخ التسجيل : 20Nov2012

    المشاركات : 203

    النوع : ذكر

    الاقامة : مدينة السلام

    السيارة: نوبيرا 2

    السيارة[2]: اوبل فيكترا 94

    الحالة : هيثم الشرقاوى غير متواجد حالياً

    افتراضي -

    مجهود مميز وتفكير منطقى 100%


  9. #9

    الصورة الرمزية borio1704

    رقم العضوية : 105306

    تاريخ التسجيل : 25Jun2011

    المشاركات : 3,841

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -


    أشكر كل اللي مروا على الموضوع... وتحية خاصة للي ردوا الردود الرقيقة دي.

    وأحمد ربنا إني قدرت أسهل على الناس مشكلة بتواجه ناس كتير




    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية


  10. #10

    الصورة الرمزية borio1704

    رقم العضوية : 105306

    تاريخ التسجيل : 25Jun2011

    المشاركات : 3,841

    النوع : ذكر

    الاقامة : اسكندراني بره مصر

    السيارة: Not Yet

    السيارة[2]: KIA CERATO EX 2014

    الحالة : borio1704 غير متواجد حالياً

    افتراضي -

    hasad">


    أنا جاهز للأسئلة :)



    ...

    لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
    مَثَلٌ صينِيّ
    Trust me, I'm an Engineer
    Ahmed Nabil Al-Bora'ie

    أعشق السيارات.. أحب اليابانية، الكورية... ولا أفضل الأوروبية



 
صفحة 1 من 8 1 2 3 4 5 6 ... الأخيرةالأخيرة

المواضيع المتشابهه

  1. عايز عربية ومحتار حد يفيدنى
    بواسطة mohammedanrpc في المنتدى بيـــع و شــــراء
    مشاركات: 3
    آخر مشاركة: 14-08-2012, 01:48 PM
  2. عايز عربية ومحتار جدااااااااااااااااا
    بواسطة marcoreco في المنتدى قســـــــــم المقارنــــات
    مشاركات: 10
    آخر مشاركة: 17-06-2012, 12:31 AM
  3. عايز اشتري عربية ومحتار ؟
    بواسطة zaqzaq في المنتدى ألـــــــبوم سيـــارات الأعضــــاء
    مشاركات: 7
    آخر مشاركة: 06-10-2010, 01:39 AM
  4. عايز اشتري عربية ومحتار جدا
    بواسطة amaher78 في المنتدى قســـــــــم المقارنــــات
    مشاركات: 7
    آخر مشاركة: 30-06-2010, 03:06 AM
  5. عايز اشترى عربية ومحتار ؟؟؟؟؟؟!
    بواسطة omara في المنتدى المنتــــــدى العـــــــــــام للسيــارات
    مشاركات: 3
    آخر مشاركة: 14-01-2008, 01:39 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2