الموضوع: معلش استشارة تانيةةة

المشاركة الأصلية كتبت بواسطة ahmed_gallant

الهاند بريك اخبارها ايه معاك يعنى لو شديت الهاند وطلعت اولانى بيحصل ايه وهل الدواسه ناشفه تحت رجلك ولا بتاخد وتدى وهل عاليه ولا لا
واخر مره غيرت زيت الدوره بالكامل كان امتى وكان دوت 3 ولا دوت4 وهل دلوقتى الزيت ناقص ولا مظبوط
مستنى منك الرد

لو شديت الهاند بتطلع بس بتبقى تقيلةة
و الدواسة عادية معايا مش تقيلة
اما بالنسبة لموضوع زيت الدورة فانا مش فاهم قصدك لانها اول عربية ليا

المشاركة الأصلية كتبت بواسطة Ahmed_Gallant

جرب تشد الهاند عند حد يكون متخصص فى الفرامل لو العربيه فضلت بتمشى وانت رافع الهاند يبقى الطنابير ورا ودعت وانا عندى نفس المشكله وحلها بتغيير الطنابير لان الهاند بتوقف العربيه خالص ولو حاولت تطلع هتلاقى العربيه كانها عايزه تطير بس لازقه فى الارض سواء فى عربيات السحب الامامى او الخلفى لازم العربيه متمشيش ابدا وفى عربيتى القديمه غيرت طنابير الفرامل ظبطت اخر الكلام انا طبعا بتكلم عن الطنابير الخلفيه كل ده
بالنسبه لزيت الدوره هو زيت دوره الفرامل وبيبقى فى مؤشر فوق السيرفو بيبين المستوى المثالى للزيت هتبص على الخزنه وتشوف المؤشر لو الزيت ناقص شوف لون الزيت ووريه للميكانيكى وحاول تجيب اقرب حاجه ليه مع ان تغييره بالكامل كل سنتين افضل فانت ممكن تغيره كله وتاخد هوا اضمن
فى خرطوم طالع من تحت الماستر اللى تحت خزنه زيت الفرامل رايح على الموتور وده اسمه خرطوم السيرفو وهو اللى بيدى العزم للفرامل عشان تساعد معاك فى توقيف العربيه بص عليه ان كان فيه مشكله
وشوف كده فى ترشيح زيت تحت الخزنه او من عند خارج الماستر
مع انى ارجح وبنسبه 80% ان المشكله فى الطنابير الخلفيه وانها ودعت وعايزه تتغير
ارجو انى اكون افدت

شكراا لحضرتك