اشتريت نيسان الشكل القديم

**asyl84** · 11-01-2013 01:17 PM

المشاركة الأصلية كتبت بواسطة zinger

ألف مبروك وربنا يتملك على خير , على فكره اللون الفيرانى فى رأيى أشيك لون ف الصنى والفرش البيج ماتقلقش منه إطلاقا لإن الإعتناء بيه والمحافظه عليه سهل جدا حتى لو فيه أطفال , أما بالنسبه للسماعات أنا كده كده غيرتها لإنها ضعيفه وصوتها مش حلو فا إنته كده كده كنت حتشترى جديد , أنا غيرتها ببايونير 300 وات 3 واى مقاس 16 سم (نفس مقاس الأصلى عشان ماقطعش فى الصاج) وصوتهم رائع على كاسيت العربيه ,
ربنا يوفقك ومنتظرين أول تقرير عن إستلام السياره , ومتنساش بعد الإستلام إن شاء الله تطلع حاجه لله عشان ربنا يباركلك فيها

الله يبارك فيك ياباشا بس المشكلة ان اصلا مافيش مكان وارى يعنى الرف مافيهوش مكان للسماعات يعنى لو عايز تحط سماعات وارى هتقطع فى الصاج يعنى هتقطع فى الصاج وانا مابحبش اغير فى الفبريقة اصلا ولو فكرت ودة مستبعد يعنى بس هلاقى غطا بيج للسماعات اصلا عشان يمشى مع العربية على العموم كلة هيافة انا كفاية عليا العربية والحمد لله ...والله انا عايز فعلا اطلع حاجة لله بس زى اية مثلا تفتكر وفى حدود كام يعنى كرائى اخوات يعنى مع العلم ان الشهر دة طبعا اتزنقت لدرجة ان عندى طفاية حريق قديمة قلت هحاول ارخص بيها وهرخص سنة واحدة (اصل الريس قال كلام مظبوط الى بيتكلموا عن الافلاس هم المفلسون وانا كنت بتكلم للاسف

)

**_hema** · 11-01-2013 08:42 PM

المشاركة الأصلية كتبت بواسطة asyl84

ياجماعة ربنا يخليكوا وبجد دة افضل منتدى باحلى ناس طيب عندى سؤال لو حد يقدر يفيدنى دلوقتى انا عايز اخلى العربية باسم الوالد يعنى الورق هطلعة باسمة والرخصة هتبقى تطلع باسمه بس فى نفس الوقت عايز انا الى اروح واخلص قصة المرور من غير ماهو يروح عشان انتوا عارفين مشوار المرور مقرف فازاى بقى يعملى توكيل بالادارة للعربية دى من قبل مايكون ليها رخصة وفى نفس الوقت مش حابب قصة توكيل عام افضل توكيل خاص بالعربية دى او بكل العربيات مثلا بتاعتة حاجة كدة حد عندة معلومة؟

طبعاً كل اوراق الشراء هتكون باسم الوالد

وبالتالى كل الاوراق فى المرور والرخصه هتكون باسم الوالد

وفى حاله قيام حضرتك بانهاء هذه الاجراءات ممكن الوالد يقوم بعمل توكيل خاص يذكر فيه التعامل مع ادارات المرور المختلفه وانهاء اجراءات ترخيص السياره وكذا ترخيصها وقيادتها وكذا التعامل مع كافه الجهات الحكوميه التى لها صله بالسياره( فى حاله انها مشتراه عن طريق بنك )

وربنا يباركلوا فيها