الفكرة شاغلة بالى بقالها فترة إن ليه مايكونش عندى تحكم فى الطارة للكاسيت وخاصة إن الكاسيت الأصلى معهوش ريموت والواحد مش مبسوط وهوا فارد إيده طول ماهو سايق لتشغيل الكاسيت وخاصة وأنا مسافر!!
قولت طيب أشوف إيه المطلوب!!
طارة فيها الزراير إستيراد تكون جاية فى نص!!




المهم بعد البحث عندى فى اسكندرية مالقتش الطارة دى
دورت على النت لقيت الزرار بييجى لوحده!!



طيب ينفع يركب على الطارة!!
إكتشفت إن إحنا الدولة الوحيدة اللى بينزلها الطارة بالشكل ده من غير إيرباج ومن غير طبة لمكان الزرار بس للأمانة لقيت النيو أكسنت بتنزل فى البرازيل بإسم Dodge Attitude وموجود فيها نفس الطارة الفقيرة..




المهم إنى لقيت كل العربيات الإستيراد فيها طارة إيرباج وكمان مكان الطبة دى لازم يكون موجود
المشاكل اللى هتقابلنى إن الطارة الإيرباج ليها قاعدة لازم تجيبها معاها!! لأنها بتشغل أسلاك الإيرباج بجانب الكلاس واللى راكبة عندى مافيهاش القاعدة دى وبتشغل الكلاكس بس!!
طيب يبأ كده لو هشترى الطارة هشترى معاها القاعدة دى وطبعا الإيرباج مش هيشتغل بس هستفيد من أسلاك الكهرباء اللى بينه وبين الدركسيون لتشغيل أطراف الزرار للكاسيت..



الزرار بعت أشتريه من النت وهيعمل فى حدود 150جنيه بالمصرى
الطارة إتفقت مع تاجر أخدها منه بالقاعدة لما الزرار يوصل عشان ممكن مايوصلش بس طبعا هما بيبيعوا الطارة دى لما واحد يكون عنده إيرباج ضارب!! ولما قلتلة محدش هياخدها منك لأن فى مصر بتنزل من غيره!! قاللى بييجوا من ليبيا ياخدوه!!

عمتا إن شاء الله أنقلكم التجربة بالصور لما تكمل...